سیدہ فاطمہؑ کی عقیدت میں جینا جنت کا راستہ ہے، اشرف آصف جلالی
اشاعت کی تاریخ: 22nd, February 2026 GMT
سربراہ تحریک لبیک یارسول اللہ کا کہنا ہے کہ سیدہ زہراء بتولؑ شریعت رسول ﷺ کی پاسبان ہیں، آپؑ کی ذات ماؤں کے لیے اسوہ کامل کی حیثیت رکھتی ہے۔ آپؑ عبادت و ریاضت، تقویٰ و پرہیزگاری، شرم و حیاء اور صدق و صفاء کا پیکر تھیں، آپؑ عابدہ، زاہدہ، ذکیہ اور صدیقہ تھیں، حسنین کریمینؑ آپؑ کی تربیت کا مظہر تھے، آپؑ نے اپنی مبارک زندگی رضائے خداوندی اور رضائے رسول ﷺ میں بسر کر دی۔ اسلام ٹائمز۔ تحریک لبیک یارسول اللہ و تحریک صراط مستقیم کے زیراہتمام جامع مسجد رضائے مجتبیٰ لاہور میں دختر رسول حضرت سیدہ فاطمۃ الزہراء سلام اللہ علیہا کے یومِ وصال کے موقع پر ”سیدہ خاتونِ جنتؑ کانفرنس“ کا انعقاد کیا گیا۔ کانفرنس سے خطاب کرتے ہوئے تحریک لبیک یارسول اللہ کے سربراہ اور تحریک صراط مستقیم کے بانی ڈاکٹر اشرف آصف جلالی نے کہا کہ سیدہ زہراء بتولؑ شریعت رسول ﷺ کی پاسبان ہیں، آپؑ کی ذات ماؤں کے لیے اسوہ کامل کی حیثیت رکھتی ہے۔ آپؑ عبادت و ریاضت، تقویٰ و پرہیزگاری، شرم و حیاء اور صدق و صفاء کا پیکر تھیں، آپؑ عابدہ، زاہدہ، ذکیہ اور صدیقہ تھیں، حسنین کریمینؑ آپؑ کی تربیت کا مظہر تھے، آپؑ نے اپنی مبارک زندگی رضائے خداوندی اور رضائے رسول ﷺ میں بسر کر دی۔
انہوں نے کہا کہ آپؑ نے امت تک قرآنی تعلیمات اور نبوی فرمودات پہنچانے میں حق ادا کیا، قیامت تک نسلِ رسول ﷺ آپؑ کے ذریعے سے چلی، آپؑ کی عقیدت میں جینا جنت کا راستہ ہے، اللہ تعالیٰ نے آپؑ پر، آپؑ کی اولاد پر اور آپ کے عقیدت مندوں پر جہنم کو حرام کر دیا ہے۔ کانفرنس میں میاں محمد الیاس جلالی، مولانا محمد ادریس جلالی، علامہ محمد ذوالفقار جلالی، الحاج منیر احمد قادری، کتاب جان، حافظ محمد کاشد و دیگر نے شرکت کی۔
ذریعہ
ذریعہ: Islam Times
کلیدی لفظ: رسول ﷺ
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ