رہائی رویے سے مشروط، ہم عمران خان کی صحت کے لیے دعاگو ہیں، شرجیل میمن
اشاعت کی تاریخ: 22nd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی: صوبائی وزیر ٹرانسپورٹ و اطلاعات سندھ شرجیل انعام میمن نے کہا ہے کہ سابق وزیراعظم عمران خان کی رہائی کا دارومدار ان کے اپنے رویے پر ہے، وہ رمضان المبارک کے بابرکت مہینے میں ان کی صحت اور طویل عمری کے لیے دعاگو ہیں۔
کراچی میں بی آر ٹی ریڈ لائن منصوبے کے دورے کے موقع پر میڈیا سے گفتگو کرتے ہوئے صوبائی وزیر نے کہا کہ اختلاف رائے جمہوریت کا حق ہے مگر گالم گلوچ کسی صورت برداشت نہیں کی جا سکتی،سیاسی کارکنوں کو چاہیے کہ زبان اور الفاظ کے استعمال میں احتیاط کریں اور ذاتیات پر حملوں سے گریز کریں، بعض سوشل میڈیا صارفین اور سیاسی کارکن اداروں کو نشانہ بناتے ہیں، جو مناسب طرزِ عمل نہیں۔
ترقیاتی منصوبوں پر بات کرتے ہوئے شرجیل میمن نے بتایا کہ بی آر ٹی ریڈ لائن مختلف رکاوٹوں اور چیلنجز کے باعث تاخیر کا شکار رہی، مگر حکومت اسے ہر صورت مکمل کرنے کے لیے پُرعزم ہے،رمضان کے باوجود ٹیمیں دن رات کام کر رہی ہیں اور کوشش ہے کہ عید سے پہلے اطراف کی سڑکیں مکمل کر دی جائیں جبکہ اپریل تک تقریباً 2.
انہوں نے بتایا کہ مہنگائی کے اثرات تمام ترقیاتی منصوبوں پر پڑے ہیں جبکہ نئی بسیں گزشتہ دو ماہ سے کسٹم میں رکی ہوئی ہیں، پنجاب میں بسوں پر ایک فیصد ڈیوٹی عائد ہے جبکہ سندھ میں اسی نوعیت کی بسوں پر 17 فیصد ڈیوٹی لی جا رہی ہے، جس سے منصوبے کی رفتار متاثر ہو رہی ہے۔ یہ معاملہ عدالت اور کسٹم حکام کے سامنے بھی زیرِ بحث ہے۔
صوبائی وزیر نے کہا کہ گورنر ہاؤس ایک آئینی ادارہ ہے جسے وفاق اور صوبے کے تعلقات مضبوط بنانے کا کردار ادا کرنا چاہیے اور وہاں متنازع گفتگو سے اجتناب ضروری ہے۔ انہوں نے فاروق ستار کو مشورہ دیا کہ وہ اپنے منصب کے مطابق بات کریں جبکہ یہ بھی دعویٰ کیا کہ مصطفیٰ کمال اور خالد مقبول صدیقی کے درمیان صلح کی اطلاعات ہیں۔
انہوں نے مزید کہا کہ سندھ حکومت ایف ڈبلیو او اور بلدیاتی اداروں کے ساتھ مل کر سڑکوں، انڈر پاسز اور دیگر انفراسٹرکچر منصوبوں پر کام کر رہی ہے اور تمام تر تنقید کے باوجود ترقیاتی منصوبے مکمل کیے جائیں گے تاکہ شہریوں کو بہتر سفری سہولیات فراہم کی جا سکیں۔
ذریعہ
ذریعہ: Jasarat News
پڑھیں:
عمران خان اور بشریٰ بی بی کی ملاقات کرا دی گئی
اڈیالا جیل راولپنڈی میں بانی پی ٹی آئی اور ان کی زوجہ محترمہ کی ملاقات کانفرنس روم میں کرائی گئی، ملاقات 50 منٹ تک جاری رہی۔ دوسری جانب بانی پی ٹی آئی سے ملاقات کیلئے آئے وکلاء اور فیملی ارکان میں سے کسی بھی شخص کو ملاقات کی اجازت نہ مل سکی۔ اسلام ٹائمز۔ اڈیالا جیل راولپنڈی میں عمران خان اور بشریٰ بی بی کی ملاقات کروا دی گئی۔ جیل ذرائع کے مطابق ملاقات کانفرنس روم میں کرائی گئی، ملاقات 50 منٹ تک جاری رہی۔ دوسری جانب بانی پی ٹی آئی سے ملاقات کیلئے آئے وکلاء اور فیملی ارکان میں سے کسی بھی شخص کو ملاقات کی اجازت نہ مل سکی۔ وزیر اعلیٰ کے پی سہیل آفریدی، شفیع جان، مینا خان آفریدی فیکڑی ناکے پر موجود رہے، بانی کی تینوں بہنیں کارکنان کی کثیر تعداد کے ہمراہ فیکٹری ناکے پر موجود رہیں۔
وزارت آئی ٹی نے 1.67 ارب روپے سے زاید کے فنڈز طلب کرلیے