شناختی کارڈ سے محروم شہریوں کیلئے بڑی رعایت کا اعلان
اشاعت کی تاریخ: 22nd, February 2026 GMT
شناختی کارڈ سے محروم شہریوں کے لیے نادرا نے بڑا قدم اٹھاتے ہوئے پیدائشی سرٹیفکیٹ کے بغیر رجسٹریشن کی سہولت قراہم کردی ہے۔ وفاقی وزیر داخلہ و انسداد منشیات محسن نقوی کی ہدایت پر نادرا نے شناختی کارڈ سے محروم شہریوں کے لیے ایک اہم اور رعایتی طریقہ کار وضع کر دیا ہے. جس کی منظوری نادرا اتھارٹی بورڈ نے بھی دے دی ہے۔اس نئی سہولت کے تحت اب شہری پیدائشی سرٹیفکیٹ کے بغیر بھی مشروط طور پر اپنا شناختی کارڈ بنوا سکیں گے.
18 سال یا اس سے زائد عمر کی شادی شدہ خواتین کے لیے نکاح نامہ ہونا ضروری ہے، جبکہ ان کے شوہر یا والدین کا شناختی کارڈ بنا ہونا اور ان کی بائیومیٹرک تصدیق لازمی ہوگی۔ غیر شادی شدہ خواتین پر شوہر سے متعلق شرائط لاگو نہیں ہوں گی۔
24 سال یا اس سے زائد عمر کے مرد درخواست گزار کے والدین یا کسی ایک بہن بھائی کا شناختی کارڈ ہونا ضروری ہے، جبکہ والدین میں سے کسی ایک کی بائیومیٹرک تصدیق لازمی قرار دی گئی ہے۔اگر والدین اور شوہر دونوں فوت ہو چکے ہوں .لیکن ان کا ریکارڈ نادرا میں موجود ہو، تو بائیومیٹرک تصدیق میں چھوٹ مل سکے. نادرا کے مطابق پہلی بار نان اسمارٹ کارڈ (سادہ شناختی کارڈ) بغیر کسی فیس کے جاری کیا جائے گا.تاہم شہریوں کو ہدایت کی گئی ہے کہ وہ رجسٹریشن کے وقت درست معلومات فراہم کریں کیونکہ ایک بار کارڈ بننے کے بعد ولدیت، تاریخِ پیدائش اور جائے پیدائش میں کسی قسم کی تبدیلی کی اجازت نہیں ہوگی۔
ذریعہ
ذریعہ: Nawaiwaqt
کلیدی لفظ: شناختی کارڈ کے لیے
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار