بنگلادیش :نومنتخب پارلیمنٹ کا پہلا اجلاس12مارچ کو طلب
اشاعت کی تاریخ: 23rd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
260223-01-6
ڈھاکا ( نمائندہ خصوصی)ملک کی 13ویں قومی پارلیمنٹ کا پہلا اجلاس 12 مارچ کو طلب کیا جائے گا، جس کے دوران اسپیکر اور ڈپٹی اسپیکر کا انتخاب عمل میں آئے گا۔اس کے علاوہ عبوری حکومت کے دور میں جاری کیے گئے تمام آرڈیننس پارلیمنٹ میں پیش کیے جائیں گے۔ اجلاس کے آغاز پر تعزیتی قرارداد منظور کی جائے گی جبکہ بنگلادیش کے صدرِ پارلیمنٹ سے خطاب بھی کریں گے۔یہ بات وزیرِ داخلہ صلاح الدین احمد نے بتائی ، انہوں نے اتوار کے روز وزیراعظم طارق رحمان سے ملاقات کے بعد سیکرٹریٹ سے روانگی کے وقت صحافیوں سے گفتگو کرتے ہوئے کہا کہ اس حوالے سے ایک سمری قومی پارلیمنٹ سیکرٹریٹ کی جانب سے وزیراعظم کے دفتر کے ذریعے صدرمملکت کو ارسال کی جائے گی۔وزیرِ داخلہ کے مطابق صدرمملکت وزیراعظم سے مشاورت کے بعد پارلیمانی اجلاس طلب کریں گے، جس کے لیے 12 مارچ کی تاریخ طے کر دی گئی ہے۔واضح رہے کہ یہ اجلاس 13ویں قومی پارلیمنٹ کا پہلا باضابطہ اجلاس ہوگا، جسے بنگلادیش کی حالیہ سیاسی پیش رفت کے تناظر میں نہایت اہم قرار دیا جا رہا ہے۔
ذریعہ
ذریعہ: Jasarat News
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ