درجنوںوارداتیں، شہری لاکھوں روپے، قیمتی سامان سے محروم
اشاعت کی تاریخ: 23rd, February 2026 GMT
لاہور (نامہ نگار) شہر کے مختلف علاقوں میں ڈاکوؤں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے، زیورات، موبائل فون، موٹرسائیکلیں،گاڑیاں اور دیگر سامان لوٹ لیا۔ ڈاکوؤں نے ہربنس پورہ میں شاداب کے گھر سے 6لاکھ 46 ہزار، زیورات، موبائل فون اور دیگر سامان، نواب ٹاؤن میں فرقان کی فیملی سے ساڑھے 3 لاکھ ، زیورات اور موبائل فون، ٹاؤن شپ میں عنصر سے 70 ہزار، موبائل فون، ساندہ میں وقار سے61 ہزار ، موبائل فون، رائیونڈ میں سلیم سے 80 ہزار، موبائل فون، ساندہ میں جبار 37ہزار، موبائل فون، مصری شاہ میں شہری سے23 ہزار، موبائل فون، پرانی انارکلی میں صغیر سے 18 ہزار، موبائل فون لوٹ لیا۔ چوروں نے گلشن اقبال میں ارسلان کے گھر سے ساڑھے5 لاکھ، زیورات اور دیگر سامان چوری کر لیا۔ چوروں نے اقبال ٹاؤن، ڈیفنس، گرین ٹاؤن اور باغبانپورہ سے 4کاریں جبکہ ہنجروال، ریس کورس، ٹبی سٹی، بھاٹی گیٹ، شاہدرہ ٹاؤن، مزنگ، اسلام پورہ اور قائداعظم انڈسٹریل اسٹیٹ کے علاقوں سے8 موٹرسائیکل چوری کر لئے۔
.
ذریعہ
ذریعہ: Nawaiwaqt
کلیدی لفظ: موبائل فون
پڑھیں:
سندھ کی جیلوں میں گنجائش سے زائد قیدی موجود
فائل فوٹوسندھ کی تمام جیلوں میں گنجائش سے زیادہ قیدی ہونے کا انکشاف ہوا ہے۔ صوبائی جیلوں میں 14 ہزار قیدیوں کی گنجائش ہے لیکن 27 ہزار قیدی موجود ہیں۔
دستاویز کے مطابق کراچی کی سینٹرل جیل میں بھی قیدیوں کی تعداد بلند ترین سطح پر پہنچ گئی، جہاں گنجائش 2400 قیدیوں کی ہے مگر 8 ہزار قیدی رہ رہے ہیں۔
اسی طرح ملیر جیل کی گنجائش 2200 قیدیوں کی ہے لیکن وہاں ساڑھے 5 ہزار قیدی موجود ہیں۔
جیو نیوز کو حاصل دستاویز کے مطابق صوبہ سندھ میں 23 جیلیں ہیں، جو نہ صرف بھری ہوئی ہیں بلکہ اب اوور پاپولیٹڈ ہوگئی ہیں۔
حیدرآباد سینٹرل جیل میں قیدیوں کی گنجائش ڈیڑھ ہزار کی ہے، جہاں 3 ہزار افراد قید کاٹ رہے ہیں۔
لاڑکانہ سینٹرل جیل ساڑھے 6 سو افراد کے لیے بنائی گئی لیکن یہاں 1 ہزار افراد قید ہیں، ٹھٹھہ کی جیل ڈھائی سو افراد کے لیے ڈیزائن کی گئی لیکن قیدی ساڑھے 9 سو ہیں۔
صوبے میں خواتین کی 3 جیلیں کراچی، حیدرآباد اور سکھر میں قائم ہیں، جہاں موجود خواتین قیدیوں کی تعداد 438 تک پہنچ چکی ہے جبکہ ان میں سے صرف 68 خواتین سزا یافتہ ہیں۔
صوبے بھر کی جیلوں میں 27 ہزار قیدیوں میں سب سے زیادہ 22 ہزار 600 ایسے قیدی ہیں، جن کے کیسز عدالتوں میں زیر سماعت ہیں جبکہ سزا یافتہ قیدیوں کی تعداد محض ساڑھے 3 ہزار ہے۔
جیلوں میں سزائے موت کے 459 افراد بھی اپنی زندگی کے دن گن رہے ہیں۔
وزارت آئی ٹی نے 1.67 ارب روپے سے زاید کے فنڈز طلب کرلیے