نیشنل ڈیفنس یونیورسٹی میں انٹرنیشنل ورکشاپ فار لیڈرشپ اینڈ اسٹیبیلٹی کے چھٹے ایڈیشن کا شاندار انعقاد
اشاعت کی تاریخ: 23rd, February 2026 GMT
اسلام آباد (نیوز ڈیسک) نیشنل ڈیفنس یونیورسٹی میں انٹرنیشنل ورکشاپ فار لیڈرشپ اینڈ اسٹیبیلٹی کے چھٹے ایڈیشن کا شاندار انعقاد کیا گیا۔ یہ بین الاقوامی ورکشاپ انسٹی ٹیوٹ فار اسٹریٹجک اسٹڈیز ریسرچ اینڈ انیلسز کے زیر اہتمام منعقد ہوئی۔
ورکشاپ میں عالمی امن، خوشحالی اور تعاون کے فروغ کے لیے 50 ممالک سے تعلق رکھنے والے 100 سے زائد مندوبین نے شرکت کی۔ دنیا بھر کے دانشوروں، سفارت کاروں اور پالیسی سازوں نے خطے کو درپیش مسائل اور ان کے ممکنہ حل پر تفصیلی اور سیر حاصل گفتگو کی۔
بین الاقوامی ورکشاپ کا بنیادی مقصد جغرافیائی سیاسی چیلنجز، اقتصادی استحکام اور ٹیکنالوجی کے فروغ سے متعلق پالیسی سازی کو فروغ دینا تھا۔ مقررین کا کہنا تھا کہ اس طرح کی ورکشاپس نہ صرف عالمی سطح پر مکالمے کو مضبوط کرتی ہیں بلکہ پاکستان کا مثبت تشخص بھی اجاگر کرتی ہیں۔
ورکشاپ میں شریک بین الاقوامی مندوبین نے کہا کہ یہ این ڈی یو کا ایک احسن اقدام ہے جو دنیا بھر کے رہنماؤں اور ماہرین کو مشترکہ مسائل کے حل پر بات چیت کا مؤثر موقع فراہم کرتا ہے۔ شرکاء نے بہترین انتظامات اور شاندار مہمان نوازی پر پاکستان کا شکریہ ادا کیا۔
شرکاء کا کہنا تھا کہ انٹرنیشنل ورکشاپ فار لیڈرشپ اینڈ اسٹیبیلٹی جیسے اقدامات علاقائی استحکام کے لیے پاکستان کے مثبت کردار کی روشن مثال ہیں اور یہ عالمی سطح پر پاکستان کے مؤثر اور ذمہ دارانہ کردار کو نمایاں کرتے ہیں۔
.
ذریعہ
ذریعہ: Daily Mumtaz
پڑھیں:
سونے کی قیمت میں نمایاں کمی
عالمی اور مقامی مارکیٹس میں سونے کی قیمت میں نمایاں کمی دیکھی گئی۔آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا ایک ہزار 800 روپے سستا ہوگیا، جس کے بعد سونے کی نئی قیمت 4 لاکھ 35 ہزار 636 روپے ہوگئی، اسی طرح 10 گرام سونے کی قیمت میں ایک ہزار 543 روپے کی کمی ہوئی، جس کے بعد نئی قیمت 3 لاکھ 73 ہزار 487 روپے مقرر کی گئی ہے۔دوسری جانب عالمی مارکیٹ میں بھی سونے کی قیمت میں کمی کا رجحان دیکھا گیا، جہاں فی اونس سونا 18 ڈالر سستا ہونے کے بعد 4 ہزار 96 ڈالر پر آگیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا