لائیو کالر نے مولانا سے بابر اعظم کو ٹیم سے خارج کرنے کا وظیفہ پوچھ لیا
اشاعت کی تاریخ: 23rd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
ایک دلچسپ واقعے میں ایک مداح نے نجی ٹی وی کی رمضان ٹرانسمیشن کے دوران لائیو کال کرتے ہوئے مولانا آزاد جمیل سے پاکستان کرکٹ ٹیم کے اسٹار بیٹر اور سابق کپتان بابر اعظم کو قومی ٹیم سے خارج کرنے کا مخصوص وظیفہ دریافت کیا۔
قومی کرکٹ ٹیم نے حالیہ ایشیا کپ کے فائنل سمیت بھارت کے خلاف تین میچز میں شکست کے بعد ٹی 20 ورلڈکپ 2026 میں بھی اچھا آغاز نہیں کیا، جس نے شائقین اور سابق کھلاڑیوں میں تشویش پیدا کر دی ہے۔ قومی ٹیم کے بیٹنگ اسٹار بابر اعظم، جو ایشیا کپ میں غیر حاضر تھے، ورلڈکپ میں بھی اب تک اپنی متوقع کارکردگی دکھانے میں ناکام رہے ہیں۔
سابق کرکٹرز اور شائقین کرکٹ نے مسلسل ان کی کمزور کارکردگی پر تنقید کی ہے اور کئی حلقوں میں یہ مطالبہ زور پکڑ رہا ہے کہ بابر اعظم کو ٹیم سے نکالا جائے۔ ایسے ہی ایک تنگ نظر شائق نے نجی ٹی وی کی رمضان ٹرانسمیشن میں لائیو کال کر کے مولانا آزاد جمیل سے پوچھا کہ بابر اعظم کو ٹیم سے خارج کرنے کے لیے کیا کرنا چاہیے۔
ٹرانسمیشن کے دوران میزبان جویریہ سعود نے کہا کہ آج کل یہ بات عام ہو گئی ہے کہ ہر کوئی چاہتا ہے کہ ٹیم میں اچھے کھلاڑی شامل ہوں، عوام پاکستان اور اس کی کرکٹ ٹیم سے بے حد محبت کرتی ہے، لیکن جو کھلاڑی مطلوبہ کارکردگی نہیں دکھائے گا، اس کے لیے فیصلے لازم ہیں۔
مولانا آزاد جمیل نے کال پر کہا کہ جب کھلاڑی میدان میں چھکا لگاتے ہیں تو گھروں میں لوگ تالیاں بجاتے ہیں اور ان کے کھیل سے لطف اندوز ہوتے ہیں۔
انہوں نے زور دیا کہ کرکٹ کو کھیل سمجھ کر پیش آنا چاہیے اور کھلاڑیوں پر یہ ذمہ داری ہے کہ وہ دباؤ کے باوجود بہترین کارکردگی دکھائیں۔
مولانا جمیل نے مزید کہا کہ کسی بھی میچ میں پڑوسی ملک کے خلاف کھیلتے ہوئے کھلاڑیوں کو گھبراہٹ یا خوف محسوس نہیں ہونا چاہیے۔
ان کا کہنا تھا کہ کرکٹ ٹیم کو بھی وہ تربیت اور عزم درکار ہے جو دشمن کے خلاف فوجی آپریشنز میں افواج پاکستان کو حاصل ہے، تاکہ کھلاڑی ذہنی طور پر مضبوط رہیں اور ہر میچ میں بھرپور کارکردگی دکھا سکیں۔
اس موقع پر واضح ہوا کہ شائقین اور سابق کھلاڑی ٹیم کی کارکردگی پر نہ صرف نظر رکھے ہوئے ہیں بلکہ ان کی توقعات بھی بلند ہیں، اور وہ چاہتے ہیں کہ قومی کرکٹ ٹیم عالمی مقابلوں میں اپنی حقیقی صلاحیت کا مظاہرہ کرے۔
ذریعہ
ذریعہ: Jasarat News
کلیدی لفظ: بابر اعظم کو کرکٹ ٹیم ٹیم سے
پڑھیں:
ویپنگ کے نقصانات: نئی تحقیق میں صحت کے سنگین خطرات سے خبردار
اسلام آباد: ویپنگ کے نقصانات سے متعلق سامنے آنے والی نئی تحقیق نے ای سگریٹ استعمال کرنے والوں کے لیے خطرے کی گھنٹی بجا دی ہے۔ ماہرین صحت کا کہنا ہے کہ ویپنگ کو عام سگریٹ کا محفوظ متبادل سمجھنا ایک غلط فہمی ہے، کیونکہ اس کے استعمال سے بھی انسانی صحت پر سنگین منفی اثرات مرتب ہو سکتے ہیں۔
تحقیقی رپورٹ کے مطابق ویپ استعمال کرنے والے افراد کے منہ اور پھیپھڑوں کے خلیوں میں ڈی این اے کو نقصان پہنچنے کے شواہد ملے ہیں۔ ماہرین کے مطابق ڈی این اے میں خرابی مختلف بیماریوں، خصوصاً کینسر کے خطرات میں اضافے کا باعث بن سکتی ہے۔
ماہرین کا کہنا ہے کہ اگرچہ ویپ میں روایتی تمباکو موجود نہیں ہوتا، لیکن اس میں شامل مختلف کیمیکلز اور فلیورز انسانی خلیوں پر منفی اثرات مرتب کر سکتے ہیں۔ تحقیق میں یہ بھی سامنے آیا ہے کہ پوڈ سسٹم پر مبنی ویپ استعمال کرنے والے افراد میں خلیاتی نقصان نسبتاً زیادہ دیکھا گیا۔
سائنس دانوں کے مطابق ویپنگ اور روایتی سگریٹ نوشی کا طریقہ کار مختلف ضرور ہے، تاہم دونوں صورتوں میں جسم کو نقصان پہنچنے کا خطرہ موجود رہتا ہے۔ بعض مطالعات میں ویپ استعمال کرنے والوں کے خلیوں میں ہونے والے ڈی این اے نقصان کی سطح سگریٹ نوش افراد کے قریب پائی گئی۔
ماہرین صحت نے خبردار کیا ہے کہ نوجوانوں میں ویپنگ کا بڑھتا ہوا رجحان مستقبل میں صحت عامہ کے لیے ایک بڑا چیلنج بن سکتا ہے۔ ان کا کہنا ہے کہ ای سگریٹ کو محفوظ متبادل سمجھ کر استعمال کرنے کے بجائے اس سے مکمل اجتناب اختیار کرنا زیادہ بہتر ہے۔
ماہرین نے عوام کو مشورہ دیا ہے کہ وہ ویپنگ کے نقصانات کو سنجیدگی سے لیں اور اپنی صحت کے تحفظ کے لیے ایسی تمام مصنوعات سے حتیٰ الامکان دور رہیں، کیونکہ نئی سائنسی تحقیقات کے نتائج اس بات کی نشاندہی کرتے ہیں کہ ویپنگ بھی انسانی جسم کے لیے خطرناک ثابت ہو سکتی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا