میکسیکو میں 2026 ورلڈ کپ میچز خطرے میں پڑگئے
اشاعت کی تاریخ: 23rd, February 2026 GMT
میکسیکو میں منشیات فروش کارٹیلز کے بڑھتے ہوئے تشدد کے باعث فیفا ورلڈ کپ 2026 کے میچز کے انعقاد پر خدشات پیدا ہو گئے ہیں۔ یہ عالمی ٹورنامنٹ جون 2026 میں امریکا، کینیڈا اور میکسیکو مشترکہ طور پر منعقد کریں گے۔
رپورٹس کے مطابق میکسیکو میں حالیہ دنوں خطرناک کارٹیل رہنما نیمیسو ‘ایل مینچو’ اوسیگورا سروانتیس کی ہلاکت کے بعد ملک کے مختلف علاقوں میں پرتشدد واقعات شروع ہو گئے ہیں۔ مذکورہ کارٹیل لیڈر جالیسکو نیو جنریشن کارٹیل کا سربراہ تھا، جو میکسیکو کے طاقتور ترین منشیات نیٹ ورکس میں شمار ہوتا ہے۔
یہ بھی پڑھیں: فیفا ورلڈ کپ 2026: فاتح ٹیم کی انعامی رقم میں 50 فیصد اضافہ، کتنے ملین ڈالر ملیں گے؟
میکسیکو کو ورلڈ کپ کے دوران 13 میچز کی میزبانی کرنی ہے، جن میں افتتاحی میچ بھی شامل ہے جو 11 جون 2026 کو میکسیکو سٹی میں کھیلا جائے گا۔ اس کے علاوہ میچز گواڈالاجارا اور مونتری میں بھی منعقد ہوں گے۔
کارٹیل رہنما کی ہلاکت کے بعد جالیسکو، گوریرو اور میچوکان سمیت کئی ریاستوں میں دھماکوں اور فائرنگ کے واقعات رپورٹ ہوئے ہیں، جس سے سیکیورٹی صورتحال تشویشناک ہو گئی ہے۔ اس صورتحال کے پیش نظر گلوبل افیئرز کینیڈا نے اپنے شہریوں کو میکسیکو کے متعدد علاقوں کا غیر ضروری سفر کرنے سے گریز کرنے کی ہدایت جاری کی ہے۔
یہ بھی پڑھیں: ٹرمپ کی متنازع پالیسیوں سے فیفا ورلڈ کپ 2026 کی میزبانی مشکل میں پڑ گئی
ادھر امریکی محکمہ خارجہ نے بھی اپنے شہریوں کو محتاط رہنے اور بعض علاقوں میں محفوظ مقامات پر رہنے کی ہدایت دی ہے، جبکہ اطلاعات کے مطابق کچھ سیاح تشدد کے باعث متاثرہ علاقوں میں پھنس گئے ہیں۔
مبصرین کا کہنا ہے کہ اگر سیکیورٹی صورتحال بہتر نہ ہوئی تو میکسیکو میں ورلڈ کپ کے شیڈول اور انتظامات متاثر ہو سکتے ہیں، جس سے عالمی سطح پر اس بڑے اسپورٹس ایونٹ کے انعقاد پر سوالات اٹھ سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news فیفا ورلڈ کپ کارٹیلز منشیات فروش میکسیکو.
ذریعہ
ذریعہ: WE News
کلیدی لفظ: فیفا ورلڈ کپ کارٹیلز منشیات فروش میکسیکو فیفا ورلڈ کپ میکسیکو میں
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا