بانی پی ٹی آئی کی رہائی سے متلعق ڈھیل ہے نہ ڈیل: رانا ثناءاللّٰہ
اشاعت کی تاریخ: 23rd, February 2026 GMT
ہم بانی پی ٹی آئی اور ان کی پارٹی کو کہتے ہیں کہ آپ ریاست کے ساتھ کھڑے ہوں، رانا ثناءاللہ - فوٹو: فائل
وزیراعظم کے مشیر برائے سیاسی امور رانا ثناء اللّٰہ نے کہا ہے کہ بانی پی ٹی آئی کی رہائی سے متلعق حکومت کے پاس نہ کوئی ڈھیل ہے نہ ڈیل۔
جیو نیوز سے گفتگو کرتے ہوئے رانا ثناء اللّٰہ کا کہنا تھا کہ اس سے پہلے بھی جن کے کیسز بنے تھے انہیں عدالتوں سے ریلیف ملا۔
انہوں نے کہا کہ بانی پی ٹی آئی کا جو بہترین علاج ہوسکتا ہے وہ ہوا ہے۔ سپریم کورٹ آف پاکستان نے بھی اسے ریگولیٹ کیا ہے۔
انہوں نے یہ بھی کہا کہ ہم بانی پی ٹی آئی اور ان کی پارٹی کو کہتے ہیں کہ آپ ریاست کے ساتھ کھڑے ہوں، ہم انہیں کہتے ہیں دہشت گردی کیخلاف کارروائیوں کو بھرپور سپورٹ کریں۔
افغانستان کو 4 ماہ قبل پیغام دیا تھاوزیراعظم کے مشیر کا کہنا تھا کہ دہشتگردی پر جو پالیسی آج اپنائی گئی ہے اسے پہلے اپنانا چاہیے تھا، اگر چند سال قبل یہ پالیسی اپنائی جاتی تو دہشتگردی کا نام و نشان نہ رہتا۔
انہوں نے کہا کہ وزیراعظم پاکستان نے 4 ماہ قبل افغانستان کو پیغام دیا تھا، افغانستان کو بتادیا تھا کہ دہشت گرد اور پاکستان میں کسی ایک کا انتخاب کرلیں۔ افغانستان کو بات سمجھ نہیں آئی تو ردعمل دیا گیا۔ جب جب دہشت گرد افغانستان سے پاکستان پر حملے کریں گے ردعمل دیا جائے گا۔
فائر وال پر 400 ارب بھی لگیں تو کوئی سمجھوتہ نہیں ہوسکتارانا ثنا اللّٰہ کا کہنا تھا کہ چالیس ارب روپے کی فائروال اگر فیل ہوئی ہے تو وہ دوبارہ بنے گی۔ اگر فائروال دوسری بار بھی فیل ہوئی تو وہ تیسری بار بھی بنے گی۔
انہوں نے کہا کہ سوشل میڈیا کی یلغار سے اگر آپ خود کو محفوظ نہیں رکھیں گے تو پھر تباہی ہے۔ اس پر اگر 40 ارب یا 400 ارب بھی لگیں تو کوئی سمجھوتہ نہیں ہوسکتا۔
وزیراعظم کے مشیر برائے سیاسی امور کا کہنا تھا کہ پوری دنیا میں کوئی ملک ایسا نہیں جس نے اس یلغار سے خود کو محفوظ نہ کیا ہو۔
انہوں نے مزید کہا کہ فائروال سے متعلق نقص کو دور کیا جانا چاہیے، اگر وہ گری ہے تو دوبارہ بنانا چاہیے۔
طیارے کو صرف پروپیگنڈے کے لیے ایشو بنایا ہوا ہےان کا کہنا تھا کہ مریم نواز بلوچستان گئیں، خیرسگالی کے دورے پر پنجاب نے اپنے چھوٹے بھائی کو 10 ارب روپے دیے۔ پنجاب ایک بڑا صوبہ ہے، اس کے بڑے وسائل ہیں۔
انہوں نے کہا کہ جو طیارہ لیا گیا ہے وہ کسی جماعت کا یا چیف منسٹر پنجاب کا کوئی ذاتی اثاثہ نہیں۔ کچھ لوگوں نے طیارے کو صرف پروپیگنڈے کے لیے ایشو بنایا ہوا ہے۔
رانا ثنااللّٰہ کا کہنا تھا کہ یہ طیارہ جدید ہے، اس نے آگے 30، 40 سال رہنا ہے، پہلا جو جہاز تھا وہ اس کو 25 30 سال بعد ریپلیس کیا جارہا ہے۔ یہ طیارہ ٹیکنالوجی کے حساب سے بہتر ہے یہ پنجاب کا اثاثہ ہے۔
.
ذریعہ
ذریعہ: Jang News
کلیدی لفظ: انہوں نے کہا کہ کا کہنا تھا کہ بانی پی ٹی آئی افغانستان کو
پڑھیں:
امریکا اور ایران کے درمیان بات چیت جاری، کوئی نہیں جانتا انجام کیا ہوگا، ڈونلڈ ٹرمپ
امریکی صدر ڈونلڈ ٹرمپ نے ایران اور امریکا کے درمیان مذاکرات کے خاتمے سے متعلق خبروں کو مسترد کرتے ہوئے انہیں غلط اور گمراہ کن قرار دیا ہے۔
سوشل میڈیا پلیٹ فارم ٹروتھ سوشل پر اپنے ایک بیان میں انہوں نے کہاکہ یہ اطلاعات درست نہیں ہیں کہ ایران اور امریکا نے چند روز قبل ایک دوسرے سے بات چیت بند کردی ہے۔
ان کے مطابق دونوں ممالک کے درمیان رابطے اور گفتگو کا سلسلہ مسلسل جاری ہے، اور آج بھی بات چیت ہوئی ہے۔
انہوں نے کہاکہ ان مذاکرات کا انجام کیا ہوگا، اس حوالے سے کوئی کچھ نہیں جانتا، تاہم ایران کو واضح پیغام دیا ہے کہ اب وقت آ گیا ہے کہ کسی نہ کسی صورت ایک معاہدہ کیا جائے۔
صدر ٹرمپ کا کہنا تھا کہ ایران گزشتہ 47 برس سے اسی طرز پر معاملات چلا رہا ہے اور یہ صورتحال مزید جاری نہیں رہ سکتی۔
واضح رہے کہ امریکا اور ایران کے درمیان جنگ بندی بدستور برقرار ہے، اور پاکستان دونوں ممالک میں معاہدہ کرانے کے لیے بھرپور سفارتکاری کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا ایران مذاکرات امریکی صدر ڈونلڈ ٹرمپ معاہدہ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ