حوصلے کی مثال، عزم کی پہچان، دوسروں کیلئے مشعل راہ، بلوچستان کی بیٹی شازیہ بتول
اشاعت کی تاریخ: 23rd, February 2026 GMT
کوئٹہ (نیوز ڈیسک) حوصلے کی مثال اور عزم کی پہچان بلوچستان کی بیٹی شازیہ بتول نے معذوری کو شکست دے کر تعلیمی اور سماجی میدان میں نمایاں مقام حاصل کر لیا۔ کوئٹہ سے تعلق رکھنے والی شازیہ بتول آج نوجوانوں اور خصوصی افراد کیلئے مشعلِ راہ بن چکی ہیں۔
تمغۂ امتیاز حاصل کرنے والی شازیہ بتول کا کہنا ہے کہ انہوں نے ہمیشہ مشکلات کو کمزوری نہیں بلکہ اپنی طاقت سمجھا۔ ان کے مطابق عزم، صبر اور مستقل مزاجی وہ اوصاف ہیں جن کے ذریعے ناممکن کو ممکن بنایا جا سکتا ہے۔ انہوں نے کہا کہ اگر ہمت جواں ہو تو جسمانی رکاوٹیں خوابوں کی تکمیل میں حائل نہیں ہو سکتیں۔
شازیہ بتول کا مزید کہنا تھا کہ حکومتِ پاکستان کی جانب سے “پرائیڈ آف آنر” ملنا ان کی خدمات کا قومی سطح پر اعتراف ہے، جو باصلاحیت افراد کیلئے حوصلہ افزائی کا باعث ہے۔ انہوں نے اپنی کامیابی کو ہر اس فرد کیلئے پیغام قرار دیا جو مشکلات کا بہادری سے سامنا کر رہا ہے اور ہمت نہیں ہارتا۔
ان کا کہنا ہے کہ ہمت، ایمان اور محنت کے ذریعے ہر منزل حاصل کی جا سکتی ہے، جبکہ حکومت کی جانب سے نمایاں افراد کی حوصلہ افزائی اس عزم کی عکاس ہے کہ صلاحیتوں کو مواقع اور قومی سطح پر اعتراف فراہم کیا جائے۔
.
ذریعہ
ذریعہ: Daily Mumtaz
کلیدی لفظ: شازیہ بتول
پڑھیں:
بلوچستان کے مختلف علاقوں میں سیکیورٹی فورسز کا آپریشن، 17دہشتگرد ہلاک
فائل فوٹو۔بلوچستان کے مختلف علاقوں میں انٹیلی جنس کی بنیاد پر آپریشنز کے دوران بھارتی حمایت یافتہ فتنہ الخوارج کے 17دہشت گرد ہلاک کر دیے گئے۔
مسلح افواج کے شعبہ تعلقات عامہ آئی ایس پی آر کے مطابق سیکیورٹی فورسز نے یہ آپریشنز 24 مئی کے ٹرین واقعہ کے بعد کیے، جو مستونگ، نوشکی، زہری، خضدار اور کیچ کے اضلاع میں کیے گئے۔
آئی ایس پی آر کے مطابق دہشت گردوں کی ہلاکت سے ان علاقوں میں دہشت گرد نیٹ ورکس کو بہت زیادہ نقصان ہوا، ہلاک دہشت گردوں کے قبضے سے اسلحہ، بڑی مقدار میں بارودی مواد اور آئی ای ڈیز برآمد کیے گئے۔
آئی ایس پی آر کے مطابق یہ دہشت گرد علاقے میں متعدد دہشت گرد کارروائیوں میں ملوث رہے تھے۔ ان علاقوں میں کلیئرنس آپریشنز جاری ہیں۔
آئی ایس پی آر کے مطابق سیکیورٹی اداروں کی ملک گیر انسدادِ دہشت گردی مہم بھرپور انداز میں جاری رہے گی اور ملک سے بیرونی حمایت یافتہ دہشت گردی کے خطرے کا مکمل خاتمہ کیا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے