چوکوں چھکوں کی بارش: ویسٹ انڈیز نے ٹی20 ورلڈ کپ کا دوسر بڑا اسکور بنا ڈالا
اشاعت کی تاریخ: 23rd, February 2026 GMT
آئی سی سی ٹی20 ورلڈکپ کے سپر 8 مرحلے کے میچ میں ویسٹ انڈیز نے زمبابوے کے خلاف شاندار بیٹنگ کرتے ہوئے 255 رنز کا بھاری ہدف دے دیا۔
مزید پڑھیں: صاحبزادہ فرحان نے مڈل اور لوئر آرڈر بلے بازوں سے اہم مطالبہ کردیا
وانکھیڈے اسٹیڈیم میں کھیلے جانے والے میچ میں زمبابوے نے ٹاس جیت کر پہلے فیلڈنگ کا فیصلہ کیا، جو انہیں مہنگا پڑا۔
ویسٹ انڈیز کے بلے بازوں نے آؤٹ ہونے کی فکر کیے بغیر چھکے اور چوکوں کی بارش کی اور مقررہ 20 اوورز میں 6 وکٹوں کے نقصان پر 254 رنز اسکور کیے۔ ٹیم کی اننگز میں کل 19 چھکے اور 16 چوکے لگائے گئے۔
یہ ٹی20 ورلڈکپ میں سب سے بڑا ہدف بنانے کے ریکارڈ کے لحاظ سے دوسرا سب سے بڑا ہدف ہے۔ سب سے بڑا ہدف سری لنکا کے نام ہے، جس نے 2007 کے پہلے ٹی20 ورلڈکپ میں کینیا کے خلاف 260 رنز کا ہدف بنایا تھا۔
مزید پڑھیں: ’سپر 8 میچ تو ہم ہی جیتیں گے‘،اشتہار شرمندگی میں بدل گیا، بھارت کی شکست کے بعد ویڈیو ڈیلیٹ
ویسٹ انڈیز کی جانب سے شیمرون ہیٹ مائر نے 85 رنز بنائے، رومان پاول نے 59 اور شیرفین ردرفورڈ نے 31 رنز کا اہم کردار ادا کیا۔ شیمرون ہیٹ مائر نے 19 گیندوں پر نصف سینچری مکمل کی اور 7 چھکوں اور 7 چوکوں کی مدد سے 34 گیندوں پر 85 رنز اسکور کیے۔ رومان پاول نے 29 گیندوں میں نصف سینچری مکمل کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بڑا ہدف چوکوں چھکوں کی بارش زمبابوے سری لنکا وی نیوز ویسٹ انڈیز.
ذریعہ
ذریعہ: WE News
کلیدی لفظ: بڑا ہدف زمبابوے سری لنکا وی نیوز ویسٹ انڈیز ویسٹ انڈیز بڑا ہدف
پڑھیں:
اوباڑو : تیز آندھی اور بارش کے باعث مختلف حادثات میں 50 کے قریب افراد زخمی
سٹی 42 : اوباڑو اور گردونواح میں تیز آندھی اور بارش کے باعث مختلف حادثات میں 50 کے قریب افراد زخمی ہوگئے ۔
پولیس کے مطابق زخمیوں میں مرد، خواتین اور بچے شامل ہیں، تعلقہ اسپتال میں ایمرجنسی نافذ کردی گئی ہے۔ اسسٹنٹ کمشنر اوباڑو کی ہدایت پر اسپتال کے تمام عملے کو الرٹ کر دیا گیا۔
اسپتال ذرائع کے مطابق بعض زخمیوں کی حالت تشویشناک بتائی جا رہی ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
اسسٹنٹ کمشنر صحیب الاہی کا کہنا ہےکہ شدید آندھی کے باعث مختلف علاقوں میں حادثات پیش آئے، زخمیوں کو فوری طبی امداد فراہم کی جا رہی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے