سیاسی ڈیڈلاک ختم کرنے کے لیے مذاکرات ضروری ہیں، ہٹ دھرمی سے نظام نہیں چلتا، رانا ثنا
اشاعت کی تاریخ: 23rd, February 2026 GMT
اسلام آباد وزیرِاعظم کے مشیر برائے سیاسی امور رانا ثنا اللہ نے کہا ہے کہ اگر کوئی فریق ہٹ دھرمی پر قائم رہے اور بات ماننے کو تیار نہ ہو تو معاملات آگے بڑھانا مشکل ہو جاتا ہے حالانکہ سیاست دان ماضی میں میثاقِ جمہوریت جیسے معاہدوں پر متفق ہو چکے ہیں۔
ایوانِ بالا میں اظہارِ خیال کرتے ہوئےرانا ثنا نے کہا کہ سیاست میں برداشت اور مفاہمت بنیادی اصول ہیں مگر بعض رہنما مسلسل محاذ آرائی کی روش اپناتے رہے، اپوزیشن قیادت نے کئی برس تک سخت مؤقف اختیار کیے رکھا جس سے سیاسی ماحول میں تناؤ بڑھا اور مکالمے کی فضا متاثر ہوئی۔
سابق وزیرِاعظم عمران خان کی صحت سے متعلق معاملے پر گفتگو کرتے ہوئے رانا ثنا اللہ نے بتایا کہ ان کی معلومات کے مطابق ڈاکٹر ندیم قریشی کو خود ان کی درخواست پر طبی ٹیم میں شامل کیا گیا تھا،ڈاکٹروں نے معائنہ مکمل کیا اور رپورٹ میں علاج کو درست قرار دیا،وکلا ٹیم کے رکن گوہر علی خان کو بھی شرکت کی دعوت دی گئی مگر انہوں نے آنے سے انکار کیا۔
انہوں نے مزید کہا کہ معاملہ عدالت میں بھی زیرِ غور آیا مگر سپریم کورٹ آف پاکستان میں اضافی مطالبات یا تو پیش نہیں کیے گئے یا منظور نہیں ہوئے، جب طبی معائنہ ہو چکا اور ڈاکٹر کی رائے آ چکی تو اس معاملے کو سیاسی رنگ نہیں دینا چاہیے۔
رانا ثنا اللہ نے کہا کہ اتحادی حکومت ہمیشہ سیاسی مذاکرات کی حامی رہی ہے، حتیٰ کہ اس وقت بھی جب موجودہ اپوزیشن اقتدار میں تھی۔ انہوں نے اپوزیشن جماعتوں کو دعوت دی کہ وہ پارلیمنٹ کا فعال حصہ بنیں، قائمہ کمیٹیوں میں شریک ہوں اور جمہوری نظام کے استحکام کے لیے مشترکہ کوشش کریں۔
.
ذریعہ
ذریعہ: Al Qamar Online
پڑھیں:
ایران کے جوہری پروگرام پر انتہائی ٹیکنیکل مذاکرات میں مہینے لگ سکتے ہیں، امریکی وزیرخارجہ
امریکی وزیرخارجہ مارکو روبیو نے کہا ہے کہ ایران کے جوہری پروگرام پر مذاکرات انتہائی ٹیکنیکل اور کئی مہینے لگ سکتے ہیں جبکہ آبنائے ہرمز کی بحالی کی صورت میں امریکا کی جانب سے پابندیوں میں نرمی کی کوئی پیش کش نہیں کی گئی ہے۔
امریکی سینیٹ کی خارجہ کمیٹی کو مارکو روبیو نے بتایا کہ دوسرا مرحلہ یہ ہے کہ ایران اس بات پر تفصیلی اور واضح مذاکرات کے لیے آمادہ ہو کہ گہرے پہاڑی مقام میں محفوظ انتہائی افزودہ یورینیم کے ذخیرے کا مستقبل میں کیا تصرف کیا جائے گا۔
ایران کے حوالے سے ان کا کہنا تھا کہ انہیں اپنے ملک میں افزودگی کی سرگرمیوں کو طویل مدت تک محدود یا ختم کرنے کے حوالے سے مذاکرات پر اتفاق کرنا ہوگا۔
مارکو روبیو نے کہا کہ یہ انتہائی ٹیکنیکل معاملات ہیں اس لیے میں نہیں سمجھتا کہ اس کو 5 دنوں کے اندر حل کرسکتے ہیں، اس کے لیے ماہرین کی ٹیم درکار ہوگی جو 30، 60 یا 90 روز کی مدت میں کام کرے اور تفصیلات اخذ کرے لیکن انہیں ایسا کرنے کے لیے سنجیدہ ہونا پڑے گا۔
انہوں نے اشارہ دیا کہ تہران نے اپنے جوہری پروگرام کے پہلوؤں پر مذاکرات کے لیے اتفاق کیا ہے لیکن اس حوالے سے تفصیلات فراہم نہیں کی کہ کون سے امور ہیں اور واضح کیا کہ مذاکرات اس بات کی ضمانت نہیں ہیں کہ حتمی طور پر ایسے معاہدے کا باعث ہوں گے جو سینیٹ یا امریکی عوام کے لیے قابل قبول ہوں۔
ان کا کہنا تھا کہ ایران کو پہلے بغیر کسی ٹول کے آبنائے ہرمز کی بحالی کا اعلان کرنا ہوگا، وہ مائنز ہٹائیں گے اور جہازوں پر فائرنگ نہیں کریں گے۔
مارکو روبیو نے کہا کہ امریکا نے ایران کو آبنائے ہرمز کی بحالی پر پابندیوں میں نرمی کی پیش کش نہیں کی ہے اور پابندیوں کا خاتمہ شرائط کی بنیاد پر ہوگا۔
ایرانی سپریم لیڈر زندہ ہیں اور سرگرمیوں میں حصہ لیتے ہیں، روبیو
امریکی وزیر خارجہ نے سینیٹ کمیٹی کو بتایا کہ میرے خیال میں ایران کے نئے سپریم لیڈڑ آیت اللہ مجتبیٰ خامنہ ای زندہ ہیں اور سرگرمیوں میں زیادہ حصہ لے رہے ہیں اور اس کے اشارے مل رہے ہیں۔
خیال رہے کہ ایران کے سپریم لیڈر مجتبیٰ خامنہ ای نیا منصب سنبھالنے کے بعد عوامی سطح پر نظر نہیں آئے ہیں تاہم وہ ایرانی حکام کو بدستور ہدایات دے رہے ہیں اور رپورٹ بھی کیا گیا تھا کہ ایرانی اعلیٰ حکام ان سے ملاقات اور مشاورت کرچکے ہیں۔
امریکی میڈیا نے دعویٰ کیا تھا کہ مجتبیٰ خامنہ حملے میں زخمی ہیں جبکہ ایک رپورٹ میں بتایا گیا تھا کہ امریکی انٹیلی جینس کا تجزیہ ہے کہ مجتبیٰ خامنہ ای جنگی حکمت عملی میں ایران کے سینئر عہدیداروں کے ساتھ انتہائی اہم کردار ادا کر رہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ