پابندی کے باوجود ون ویلنگ کرنیوالے 2 منچلے گرفتار
اشاعت کی تاریخ: 23rd, February 2026 GMT
لاہور: (نیوزڈیسک) پابندی کے باوجود کشادہ سڑکوں پر ویلنگ کرنے والے تین منچلوں کو پولیس نے گرفتار کر لیا۔
ملزمان ساتھیوں کے ہمراہ خطرناک ون ویلنگ کرتے اور اس کی ویڈیو بنواتے تھے، ملزمان گریٹر اقبال پارک کے گرد و نواح سمیت لاہور کی مختلف شاہراہوں پر ویلنگ کرتے تھے۔
ملزمان کو فوٹیجز میں ویلنگ کرتے ہوئے دیکھا جا سکتا ہے، ایس پی سٹی کے مطابق لاری اڈہ پولیس نے ون ویلنگ کرنے والے تینوں ملزمان کو دھر لیا۔
ملزمان کے زیر استعمال ویلنگ کے لیے تیار کی گئی موٹر سائیکلوں کو بھی پولیس تحویل میں لیا گیا، گرفتار ملزمان میں انس، اویس اور حسن شامل ہیں جن کیخلاف مقدمات درج کر لیے گئے ہیں۔
.
ذریعہ
ذریعہ: Daily Mumtaz
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا