اقوام متحدہ کا ادارہ یوناما افغانستان میں دہشتگرد گروپوں کی سرگرمیوں کو نظرانداز کرنے لگا، مختلف حلقوں کو شدید تحفظات
اشاعت کی تاریخ: 23rd, February 2026 GMT
اقوام متحدہ کے امدادی مشن برائے افغانستان (یوناما) سے متعلق مختلف حلقوں کی جانب سے شدید تحفظات کا اظہار کیا جا رہا ہے، جن میں الزام عائد کیا گیا ہے کہ ادارہ بعض غیر مصدقہ دعوؤں کو نمایاں کرتے ہوئے افغانستان میں موجود دہشتگرد نیٹ ورکس کے معاملے کو نظر انداز کررہا ہے۔
مزید پڑھیں: افغانستان دہشتگردوں کی محفوظ پناہ گاہیں، کالعدم ٹی ٹی پی کن علاقوں میں موجود ہے؟
رپورٹس کے مطابق اقوام متحدہ کی متعدد نگرانی رپورٹس میں اس امر کی نشاندہی کی گئی ہے کہ قریباً 20 کے قریب دہشتگرد گروہ افغان سرزمین پر سرگرم ہیں، جو سرحد پار حملوں اور علاقائی عدم استحکام کے لیے افغانستان کو اڈے کے طور پر استعمال کررہے ہیں۔
ناقدین کا کہنا ہے کہ یوناما کی جانب سے اس خطرے کو مطلوبہ اہمیت نہ دینا تشویش کا باعث ہے۔
مزید برآں روس کی وزارتِ خارجہ سمیت بعض دیگر ممالک بھی خبردار کر چکے ہیں کہ افغانستان میں دہشتگرد تنظیموں کی موجودگی علاقائی اور عالمی سلامتی کے لیے سنگین خطرہ بن سکتی ہے۔
مبصرین کے مطابق افغانستان کے ہمسایہ ممالک، جن میں روس، ایران، پاکستان، چین اور وسطی ایشیائی ریاستیں شامل ہیں، متعدد بار دہشتگرد نیٹ ورکس کے پھیلاؤ پر خدشات ظاہر کر چکے ہیں۔
تنقید کرنے والے حلقوں کا مؤقف ہے کہ اگر کسی بھی بین الاقوامی ادارے کی رپورٹس یا بیانات یک طرفہ معلومات پر مبنی ہوں تو اس سے ادارہ جاتی ساکھ متاثر ہو سکتی ہے۔
ان کا کہنا ہے کہ افغانستان میں موجود دہشتگرد ڈھانچے اور محفوظ پناہ گاہوں کے مسئلے کو عالمی سطح پر تسلیم کیا جا چکا ہے، لہٰذا اس تناظر کو نظر انداز کرنا حقائق کی مکمل عکاسی نہیں کرتا۔
مزید پڑھیں: افغانستان دہشتگردی کا سرپرست، ایسے عناصر کا زمین کے آخری کونے تک پیچھا کریں گے، خواجہ آصف
دوسری جانب یوناما کی جانب سے ان الزامات پر باضابطہ مؤقف سامنے نہیں آیا، تاہم ماہرین کے مطابق افغانستان کی سیکیورٹی صورتحال کے حوالے سے شفاف اور جامع رپورٹنگ علاقائی استحکام اور بین الاقوامی اعتماد کے لیے ناگزیر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افغانستان اقوام متحدہ ادارہ تحفظات دہشتگرد گروپ نظر انداز وی نیوز یوناما.
ذریعہ
ذریعہ: WE News
کلیدی لفظ: افغانستان اقوام متحدہ ادارہ تحفظات دہشتگرد گروپ وی نیوز یوناما افغانستان میں اقوام متحدہ کے لیے
پڑھیں:
مقبوضہ کشمیر میں تیز بارشیں، بھارت نے پانی کا بڑا ریلہ پاکستان کی جانب چھوڑ دیا
مظفر آباد(ڈیلی پاکستان آن لائن)مقبوضہ کشمیر میں تیز بارشوں کے بعد بھارت نے پانی کا بڑا ریلہ پاکستان کی جانب چھوڑ دیا ہے۔بھارت نے مقبوضہ کشمیر میں ہونے والی تیز بارشوں کے بعد سلال ڈیم کے تمام گیٹ کھولے دیے اور پانی کا بڑا ریلہ پاکستان کی جانب چھوڑ دیا۔
بھارت کی جانب سے پانی چھوڑے جانے کے بعد پاکستان میں بڑے سیلاب کا خدشہ ہے اور اس حوالے سے سیالکوٹ اور وزیرآباد کے علاقوں میں سیلابی صورتحال پر ہائی الرٹ جاری کیا گیا ہے۔محکمہ ایریگیشن پنجاب کے مطابق سلال ڈیم کےگیٹ کھلنے سے دریائے چناب میں پانی کی سطح بلند ہونےلگی ہے ریلا آئندہ 48 گھنٹوں میں دریاِئے چناب وزیرآباد پہنچنے کا امکان ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا