پی ٹی آئی خیبر پختونخوا کے نئے صدر اور چیئرمین پبلک اکاوئنٹس کمیٹی جنید اکبر خان کون ہیں؟
اشاعت کی تاریخ: 25th, January 2025 GMT
پاکستان تحریک انصاف (پی ٹی آئی) میں نظریاتی رہنما اور عمران خان کے وفادار سمجھے جانے والے جنید اکبر خان پی ٹی آئی خیبر پختونخوا کے صدر بن گئے ہیں۔
خیبر پختوانخوا میں پی ٹی آئی کے سابق صدر اور وزیر اعلیٰ علی امین گنڈاپور نے چند ماہ قبل ہی وزیر پارٹی میں مبینہ گروپنگ اور سابق وزیر شکیل خان کی حمایت کرنے پر جنید اکبر کو فوکل پرسن کے عہدے سے ہٹا دیا تھا۔
جنید اکبر کی بطور پارٹی صدارت تعیناتی کی تصدیق پی ٹی آئی کے سیکریٹری سلمان اکرم راجا اور خود جنید اکبر خان نے بھی کی ہے۔
جنید اکبر خان نے سماجی رابطے کی ویب سائٹ ایکس پر اپنے ایک ٹویٹ میں لکھا کہ ’ قائد عمران خان کا بے حد مشکور ہوں جنہوں نے علی امین گنڈاپور، عاطف خان اور شاہ فرمان کے مشورے سے مجھے صوبائی صدر کا عہدہ دیا۔
جنید اکبر خان کون ہیں؟جنید اکبر خان کا تعلق خیبر پختونخوا کے علاقے مالاکنڈ میں چھوٹے سے گاؤں ’تھانے‘ سے ہے۔ جنید اکبر خان 23 مارچ 1977 کو پیدا ہوئے اور 2013 میں پہلی بار قومی سیاسی منظر نامے پر اس وقت سامنے آئے جب وہ پہلی بار پی ٹی آئی کے ٹکٹ پر رکن قومی اسمبلی منتخب ہوئے۔
جنید اکبر خان کو 2018 کے عام انتخابات میں بھی پارٹی کی جانب سے ٹکٹ مل گیا اور وہ دوسری بار بھی رکن قومی اسمبلی منتخب ہوئے۔ 2023 میں پی ٹی آئی حکومت کے خاتمے اور 9 مئی کے واقعات کے بعد جنید خان بھی زیر عتاب رہے۔
جنید اکبر خان کے قریبی ساتھیوں کا کہنا ہے کہ انہیں بھی پاکستان تحریک انصاف چھورٹے کی پیش کش کی گئی اور اس کے لیے دباؤ بھی ڈالا گیا، لیکن وہ ڈٹے رہے اور عمران خان اور پارٹی کے وفادار رہے۔
جنید اکبر کے قریبی حلقوں کا کہنا ہے 9 مئی کے واقعات کے بعد ان پر متعدد ایف ایف آرز درج ہوئیں اور کئی ماہ جیل میں بھی رہے۔ جنید اکبر خان پر مردان سے لے کر چترال اور دیگر اضلاع تک ایف آئی آرز درج ہوئیں جن پر وہ گرفتار بھی ہوئے ۔
سال 2024 کے عام انتخابات میں بھی پاکستان تحریک انصاف نے انہیں تیسری بار پارٹی ٹکٹ دیا تاہم پارٹی کو انتخابی نشان نہ ملنے کے باعث دیگر امیدواروں کی طرح انہوں نے بھی آزاد حثیت سے الیکشن میں حصہ لیا اور بھاری اکثریت سے حلقہ این اے 9مالاکنڈ سے کامیاب ہوئے اور پارٹی چیئرمین کی ہدایت کے مطابق سنی اتحاد کونسل میں شمولیت اختیار کی۔
خیبر پختونخوا حکومت پر تنقید اور گروپ بندی الزامجنید اکبر خان پر چند ماہ پہلے پارٹی کے اندر سے بھی الزامات سامنے آئے جن کی وجہ ان کے پارٹی میں صوبائی صدر علی امین گنڈاپور سے اختلافات سامنے آئے، جنید اکبر پر سابق وزیر شکیل خان کو مبینہ کرپشن پر کابینہ سے ہٹائے جانے کے فیصلے کی مخالفت کا بھی الزام تھا ۔
جنید اکبر خان شکیل خان کو کابینہ سے ہٹانے جانے کے علی امین گنڈاپور کے فیصلے کے خلاف کھڑے ہوئے تھے اور شکیل خان کو دیانتدار اور کرپشن سے پاک وزیر قرار دیا تھا۔
جنید اکبر کے ان اقدامات کے باعث علی امین گنڈاپور نے ان پر پارٹی میں گروپ بندی اور پالیسی کی خلاف وزری کا الزام عائد کرتےہوئے انہیں فوکل پرسن کے عہدے سے ہٹا دیا تھا۔ اس سے قبل حکومت بننے کے بعد علی امین گنڈاپور نے انہیں خود فوکل پرسن مالاکنڈ تعنیات کیا تھا۔
پارٹی امور سے باخبر رہنماؤں کے مطابق جنید اکبر خان پر علی امین گنڈاپور کی جانب سے عاطف خان کی زیر قیادت مخالف گروپ کے ساتھ مل کر کام کرنے کے بھی الزامات لگتے رہے ۔
جنید اکبر نے شکیل خان کے معاملے پر سابق صدر عارف علوی سے طویل ملاقات بھی کی تھی جس میں انہوں نے علی امین گنڈاپور کی پالیسیوں کے حوالے سے عارف علوی کو آگاہ کیا تھا۔
جنید اکبر خان کو کون سے مسائل درپیش ہیں؟جنید اکبر خان پہلی بار پارٹی میں ایک اہم عہدے پر تعنیات ہوئے ہیں۔ تجزیہ کاروں کے مطابق علی امین گنڈاپور کے مخالف گروپ سے وابستگی کے باعث انہیں بہت سارے چیلنچز درپیش ہوں گے اور ان حالات میں ان کام کرنا آسان نہیں ہو گا۔
سینیئر صحافی عارف حیات کا ماننا ہے کہ علی امین گنڈاپور کے خلاف شکایات کے بعد ہی انہیں پارٹی صدارت کے عہدے سے ہٹایا گیا ہے جس پر شاید علی امین گنڈاپور خوش نہیں ہوں گے۔ دوسری جانب جنید اکبر خان عاطف خان کے بھی کافی قریب ہیں۔
انہوں نے بتایا کہ جنید اکبر خان حکومت سے باہر ہیں اسی بنیاد پر وہ مقتدر حلقوں کے دباؤ میں بھی نہیں آئیں گے جبکہ پارٹی میں انہیں سخت اینٹی اسٹیبلشمنٹ تصویر کیا جاتا ہے۔ ’جنید خان کے لیے پلس پوائنٹ ان کا مقتدر حلقوں کے خلاف ہونا ہی ہے اور یہی بات ورکرز بھی چاہتے ہیں جبکہ علی امین گنڈاپور پر اسٹیبلشمنٹ کے قریب ہونے کے الزامات بھی لگتے رہے ہیں۔
انہوں نے بتایا کہ اس وقت پی ٹی آئی اندروانی گروپ بندی کا شکار ہے۔ علی امین گنڈاپور سے ورکرز سخت ناراض ہیں۔ ان حالات میں جنید اکبر کی انٹری سے ورکرز سرگرم ہو سکتے ہیں۔ لیکن دیکھنا یہ ہو گا کب علی امین گنڈا پور ان کی کس حد تک حمایت کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اختلافات اسٹیبلشمنٹ پارٹی پاکستان تحریک انصاف پی ٹی آئی ٹکٹ جنید اکبر خلاف ورزی خیبر پختونخوا شکیل خان علی امین گنڈاپور عمران خان کرپشن کے پی کے گروپ بندی ملاکنڈ وزیر اعلی.
ذریعہ
ذریعہ: WE News
کلیدی لفظ: اختلافات اسٹیبلشمنٹ پارٹی پاکستان تحریک انصاف پی ٹی ا ئی ٹکٹ جنید اکبر خلاف ورزی خیبر پختونخوا شکیل خان علی امین گنڈاپور کے پی کے گروپ بندی ملاکنڈ وزیر اعلی پاکستان تحریک انصاف علی امین گنڈاپور جنید اکبر خان کو خیبر پختونخوا پارٹی میں پی ٹی ا ئی گروپ بندی پی ٹی آئی شکیل خان انہوں نے میں بھی کے بعد خان کے
پڑھیں:
گل فیروزہ، سدرہ امین اور نشرہ سندھو کی شاندار کارکردگی، پاکستان نے سری لنکا کیخلاف پہلا پہلے ون ڈے جیت لیا
گل فیروزہ، سدرہ امین اور نشرہ سندھو کی عمدہ کارکردگی کی بدولت پاکستان ویمنز کرکٹ ٹیم نے سری لنکا کو پہلے ایک روزہ میچ میں 5 وکٹوں سے شکست دے کر 3 میچوں کی سیریز میں 1-0 کی برتری حاصل کر لی۔
یہ بھی پڑھیں: پاکستان ویمنز ٹیم کا سری لنکا ٹور: ٹی20 سیریز نئے مقام پر منتقل، کس کا پلڑا بھاری؟
آئی سی سی ویمنز چیمپیئن شپ 2025-29 کے تحت کھیلے گئے میچ میں سری لنکا نے ٹاس جیت کر پہلے بیٹنگ کا فیصلہ کیا تاہم پاکستانی بولرز کی نپی تلی بولنگ کے باعث مقررہ 50 اوورز میں 9 وکٹوں کے نقصان پر 210 رنز ہی بنا سکی۔
سری لنکا کی جانب سے اوپنرز وشمی گوناتنے اور کپتان چماری اتھاپتھو نے ٹیم کو اچھا آغاز فراہم کیا اور ابتدائی 5 اوورز میں بغیر کسی نقصان کے 31 رنز بنائے۔ دونوں نے پہلی وکٹ کے لیے نصف سینچری شراکت بھی قائم کی جو سری لنکا کی جانب سے ون ڈے کرکٹ میں کسی بھی اوپننگ جوڑی کی 5ویں ففٹی پارٹنرشپ تھی۔
پاکستانی اسپنرز کے اٹیک پر آنے کے بعد سری لنکن بیٹنگ کی رفتار سست پڑ گئی۔ نشرہ سندھو نے پہلے وشمی گوناتنے کو آؤٹ کیا جبکہ بعد ازاں کپتان چماری اتھاپتھو کو بھی بولڈ کر دیا۔
اتھاپتھو اور حسینی پریرا نے دوسری وکٹ کے لیے 53 رنز جوڑے تاہم اس کے بعد پاکستانی بولرز نے میچ پر گرفت مضبوط کر لی۔ نیلکشیکا سلوا اور کویشا دلہاری کے درمیان 5ویں وکٹ کے لیے 42 رنز کی شراکت کے علاوہ کوئی بڑی پارٹنرشپ نہ بن سکی جبکہ آخری 7 اوورز میں سری لنکا نے 32 رنز کے عوض 5 وکٹیں گنوا دیں۔
مزید پڑھیے: فاطمہ ثنا نے تاریخ رقم کر دی، ویمنز دی ہنڈرڈ کھیلنے والی پہلی پاکستانی کرکٹر بن گئیں
پاکستان کی جانب سے نشرہ سندھو نے شاندار بولنگ کرتے ہوئے 42 رنز دے کر 3 وکٹیں حاصل کیں۔
گل فیروزہ کی مسلسل چوتھی نصف سینچری211 رنز کے ہدف کے تعاقب میں پاکستان نے پراعتماد آغاز کیا۔ اوپنر گل فیروزہ نے ایک مرتبہ پھر عمدہ بیٹنگ کا مظاہرہ کرتے ہوئے مسلسل چوتھی ون ڈے نصف سینچری اسکور کی۔
انہوں نے ابتدائی پاور پلے میں جارحانہ انداز اپنایا اور صدف شمس کے ساتھ پہلی وکٹ کے لیے 58 رنز کی شراکت قائم کی۔
Pakistan women beat Sri Lanka women by 5 wickets in the first One-Day International of the three-match series in Hambantota today.@TheRealPCBMedia @TheRealPCB #News #RadioPakistan https://t.co/5cesGghrAK
— Radio Pakistan (@RadioPakistan) July 23, 2026
بعد ازاں گل فیروزہ اور سدرہ امین نے دوسری وکٹ کے لیے 90 رنز کا اہم اضافہ کیا جس نے پاکستان کی فتح کی بنیاد رکھ دی۔
مزید پڑھیں: ویمنز ورلڈکپ فوٹو شوٹ میں فاطمہ ثنا اور جے شاہ کا مصافحہ توجہ کا مرکز بن گیا
گل فیروزہ نے 77 گیندوں پر 78 رنز کی شاندار اننگز کھیلی جبکہ صدف امین نے ذمہ دارانہ بیٹنگ کرتے ہوئے 94 گیندوں پر 57 رنز بنائے۔
پاکستان نے مطلوبہ ہدف 45 اوورز میں 5 وکٹوں کے نقصان پر حاصل کر لیا اور یوں سیریز کا آغاز کامیابی سے کیا۔
آئی سی سی ویمنز چیمپئن شپ میں دوسری پوزیشنیہ پاکستان ویمنز ٹیم کی مسلسل 5ویں ون ڈے فتح ہے جس کے بعد قومی ٹیم آئی سی سی ویمنز چیمپیئن شپ کے پوائنٹس ٹیبل پر دوسرے نمبر پر پہنچ گئی۔
یہ بھی پڑھیے: فاطمہ ثنا کا ایک اور سنگ میل: صرف 15 گیندوں پر نصف سینچری بناکر ٹی 20 کا نیا عالمی ریکارڈ قائم کردیا
پاکستان اور سری لنکا کے درمیان سیریز کا دوسرا ایک روزہ میچ 25 جولائی کو ہمبنٹوٹا میں ہی کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ویمنز بمقابلہ سری لنکا پاکستان ویمنز ٹیم کی فتح سدرہ امین صدف شمس فاطمہ ثنا گل فیروزہ
بھارت سے جنگ اور افغانستان میں کارروائی خارج ازامکان نہیں، وزیردفاع