اسسٹنٹ کمشنر کی زیر نگرانی گاڑیوں کا پنکچر، ویڈیو وائرل
اشاعت کی تاریخ: 1st, February 2025 GMT
پنجاب انتظامیہ اور بیورو کریسی کے نا معقول اقدامات کے باعث حکومتِ پنجاب اور عوام کے درمیان خلیج بڑھنے لگی، پنجاب کی بیورکریسی اور پولیس کے ایسے متعدد اقدامات سوشل میڈیا پر وائرل ہو رہے ہیں، جنہیں انتہائی نا پسندیدہ اور عوام دشمن قرار دیا جا رہا ہے۔
جمعہ کو سوشل میڈیا پر ایک پولیس اہلکار کی جانب سے بزرگ شہری پر تشدد کی ویڈیو وائرل ہونے کے بعد ہفتہ کے روز صوبہ پنجاب کے ضلع رحیم یار خان کی تحصیل صادق آباد شہر کے اسسٹنٹ کمشنر محمد سلیم کی ایک ایسی ویڈیو وائرل ہوئی ہے جس میں انہیں پروٹوکول کے ساتھ سڑک پر نکلتے دیکھایا گیا ہے۔
یہ ہماری بیوروکریسی کا حال دیکھ لیں
صادق آباد میں AC اپنے پروٹوکول کے ساتھ روڈ پر نکلا راستے میں جو بھی گاڑی یا موٹر سائیکل آیا ” نوک دار آلے ” کے ساتھ پنکچر کرتا گیا
عوام کو تکلیف دے کر ان کو سکون ملتا ہے pic.
— Ahmad Hassan Bobak (@ahmad__bobak) January 31, 2025
سوشل میڈیا صارفین اسسٹنٹ کمشنر محمد سلیم کی سٹرک پر نکلنے کی ویڈیو اس تحریر کے ساتھ شیئر کر رہے ہیں کہ ’یہ ہماری بیوروکریسی کا حال دیکھ لیں‘ صادق آباد میں اسسٹنٹ کمشنر اپنے پروٹوکول کے ساتھ روڈ پر نکلا، راستے میں جو بھی گاڑی یا موٹر سائیکل آیا ’ نوک دار آلے ‘ کے ساتھ پنکچر کرتا گیا، عوام کو تکلیف دے کر ان کو سکون ملتا ہے۔
ویڈیو میں دیکھا جا سکتا ہے کہ صادق آباد شہر کے اسسٹنٹ کمشنر محمد سلیم اپنے عملے کے ساتھ سڑک پر نکلتے ہیں اور اپنی نگرانی میں اپنے ساتھ عملے کو سڑک کے کنارے کھڑے موٹر سائیکلز اور گاڑیوں کے ٹائر پنکچر کرنے کا حکم دیتے ہیں، ان کے حکم پر عملے کا ایک شخص تیز اور نوکیلے اوزار کے ساتھ گاڑیوں اور موٹر سائیکلز کے ٹائر پنکچر کر دیتا ہے۔
ویڈیو میں یہ بھی دیکھا گیا ہے کہ ان گاڑیوں کے ٹائر بھی پنکچر کیے جا رہے ہیں جو سڑک کے کنارے کھڑی ہیں تاہم اس میں ڈرائیور اور افراد بھی بیٹھے ہوئے ہیں، اسسٹنٹ کمشنر کے اس اقدام کو انتہائی ناپسندیدگی کے ساتھ دیکھا جا رہا ہے۔
سوشل میڈیا پر وائرل ویڈیو پر صارفین مختلف تبصرے کر رہے ہیں، ایک فیس بک صارف نے لکھا کہ ’ میں تو کہتا ہوں جو ہو رہا ہے اچھا ہو رہا ہے۔ یہ عوام کو غصہ دلا رہے ہیں ایک نہ ایک دن توعوام پھٹے گی اور ان لوگوں کے گھروں میں گھسے گی۔ ان شا اللہ
ایک اور صارف نے لکھا کہ پتا نہیں چل رہا کہ کس قسم کے لوگوں سے واسطہ پڑا ہے اور یہاں پر کس کی حکمرانی یے۔ ان 5 فیصد لوگوں کے خلاف اٹھنے کا وقت میرے خیال میں قریب آچکا ہے۔
ایک اور صارف نے لکھا کہ اس پوری ٹیم کو فوری طور پر معطل کیا جائے اور ان کے خلاف سخت سے سخت قانونی کارروائی کی جائے۔ یہ سرےعام غریب کی غربت کا مذاق اڑانے میں مصروف ہیں۔
ایک اور صارف نے لکھا کہ ’ یہ کہاں کا انصاف ہے، انہیں معلوم ہے ایک ٹائر کی کیا قیمت ہے؟ بجائے جرمانے کہ سزا دینے کا یہ کون سا نیا طریقہ ہے، اس اسسٹنٹ کمشنر کے خلاف احتجاج اور کارروائی بنتی ہے۔
سماجی رابطے کی ویب سائٹ ایکس پر شیئر کی گئی پوسٹ پر ایک اور صارف نے لکھا کہ یہ کیا طریقہ ہے؟ ہمارے پاکستان کے کسی محکمے کے کسی بھی آفیسر کو اپنی حدود کا کوئی پتا نہیں۔ یہ سب جاہل ہیں۔ اس کو کس نے اتھارٹی دی ہے کہ گاڑیوں کو اس طرح پنکچر کرو۔
کہتے عوام ایسی ہے عوام ایسی نہی تم حکمران غلط ہو ستتر سالوں سے لوگوں کو تعلیم نہی دی شعور نہی دیا ان کے حقوق نہی دیے ساری دنیا سکولوں میں اپنے مستقبل کے معمار تعمیر کرتی ہے ہمارے سکولوں میں ان پڑھ جاہل پٹواریوں کی بھرتی کی بھر مار ہے وہ کیا تعلیم و تربیت کرے گے
— Zubair ahmed Gorsi (@zubairahmaf31) February 1, 2025
اگر کوئی رانگ پارکنگ ہے تو زیادہ سے زیادہ یہ اس گاڑی کو جرمانہ کر سکتے ہیں جرمانہ بھی وہ جو حکومت نے بنایا ہوا ہے۔ یہ تو سرعام بدمعاشی کر رہا ہے۔ یہ سمجھتے ہیں کہ ہم آفیسر بن گئے ہیں تو جو مرضی کرتے رہیں کوئی پوچھنے والا نہیں۔
بعض صارفین اپنے تبصروں میں لکتھے ہیں کہ یہ پنجاب حکومت کے خلاف کوئی سازش ہو سکتی ہے، ایک جانب حکومت اچھے اقدامات کر رہی ہے اور دوسری جانب اس کی انتظامیہ اور بیوروکریسی عوام کے اندر نفرت کا بیج بو رہی ہے۔ عوام دشمن اقدامات کل کو حکومت کے لیے مسائل بھی پیدا کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسسٹنٹ کمشنر انتظامیہ ایکس پنجاب پولیس ٹائر ٹائر پنکچر جنوبی پنجاب ڈرائیور صادق آباد فیس بک گاڑیوں کا پنکچر موٹر سائیکل نوکیلا وائرل ویڈیوذریعہ: WE News
کلیدی لفظ: انتظامیہ ایکس پولیس ٹائر ڈرائیور فیس بک موٹر سائیکل وائرل ویڈیو سوشل میڈیا پنکچر کر کے ساتھ کے خلاف رہے ہیں رہا ہے
پڑھیں:
یونان میں غزہ جنگ کے خلاف مظاہرہ، اسرائیلی بحری جہاز کو واپس جانے پر مجبور کردیا، ویڈیو وائرل
ایرانی میڈیا کے مطابق یونانی جزیرے سائروس پر 150 سے زائد مظاہرین نے جزیرے کی بندرگاہ پر احتجاج کیا، فلسطینی پرچم لہرائے اور غزہ جنگ کے خاتمے کا مطالبہ کیا۔ اسلام ٹائمز۔ فلسطینی عوام سے اظہار یکجہتی کے طور پر یونان میں فلسطین کے حامی مظاہرین نے ایک اسرائیلی بحری جہاز کا محاصرہ کر لیا اور صہیونی کو بندرگاہ چھوڑنے پر مجبور کردیا۔ ایرانی میڈیا کے مطابق یونانی جزیرے سائروس پر 150 سے زائد مظاہرین نے جزیرے کی بندرگاہ پر احتجاج کیا، فلسطینی پرچم لہرائے اور غزہ جنگ کے خاتمے کا مطالبہ کیا جس کے بعد اسرائیلی سیاحوں کو لے جانے والا ایک کروز بحری جہاز اپنے مسافروں کو اتارے بغیر واپس روانہ ہو گیا۔ مظاہرین نے بینرز اٹھائے ہوئے تھے جن پر لکھا تھا ”نسل کشی بند کرو“ اور ”جہنم میں اے سی نہیں ہوتا“ جو غزہ کی پٹی میں فلسطینیوں کو درپیش حالات کی جانب اشارہ تھا۔ مظاہرین نے اس عرشے کے نزدیک نعرے لگائے جہاں کروز جہاز کراؤن آئرس منگل کو لنگرانداز تھا، مقامی میڈیا نے بتایا۔ تشدد کی کوئی اطلاع نہیں ملی۔ یہ جہاز ایک اسرائیلی کمپنی مانو کروز چلا رہی ہے جس نے کہا کہ اس پر تقریباً 1700 مسافر سوار تھے اور یہ قبرص کے لیے روانہ ہو رہا ہے۔ یونان کے ساحلی محافظوں نے کہا کہ جہاز تقریباً تین بجے کے قریب روانہ ہوا جو اصل طے شدہ وقت سے پہلے تھا لیکن اس کے پاس فوری طور پر مزید تفصیلات نہیں تھیں۔ کمپنی نے ایک پریس ریلیز میں کہا، ”مانو کروز کی انتظامیہ نے سائروس شہر کی صورتِ حال کی روشنی میں فیصلہ کیا ہے کہ اب کسی اور سیاحتی مقام کی طرف سفر کیا جائے۔ تمام مسافر اور عملے کے ارکان آرام کر رہے ہیں اور نئی منزل کی طرف جاتے ہوئے جہاز میں وقت گذار رہے ہیں۔“ یونانی وزارتِ خارجہ نے تصدیق کی کہ اسرائیل کے وزیرِ خارجہ جدعون ساعر نے اس واقعے پر اپنے یونانی ہم منصب جارج جیراپیٹریٹس سے رابطہ کیا۔ اس نے ان کی گفتگو کی کوئی تفصیلات جاری نہیں کیں۔
پاکستان اور کینیڈا کا اقتصادی اور تجارتی تعلقات کو مضبوط بنانے پر اتفاق