پی ٹی آئی کا چیمپئن ٹرافی کے دوران احتجاج نہ کرنے کااعلان
اشاعت کی تاریخ: 2nd, February 2025 GMT
پاکستان تحریک انصاف کے سیکرٹری جنرل سلمان اکرم راجہ نے واضح کیا ہے کہ پی ٹی آئی چیمپئن ٹرافی کے دوران ایسا احتجاج نہیں کرے گی جس سے بڑے ایونٹ میں خلل پیدا ہو۔
نجی ٹی وی سے گفتگو کرتے ہوئے سلمان اکرم راجہ نے تمام قیاس آرائیاں مسترد کرتے ہوئے کہا کہ چیمپئن ٹرافی میں کوئی خلل نہیں ڈالیں گے، ہمارا ایسا کوئی ارادہ نہیں ہے۔
انہوں نے کہا کہ ہم نے سچ کی جانب بڑھنے کی کوشش کی، 9 مئی اور26 نومبرکے حوالے سے کمیشن بنانے کا مطالبہ کیا، تاہم موجودہ نظام میں سچائی کی جانب بڑھنے کی خواہش نہیں۔
سلمان اکرم نے کہا کہ موجودہ نظام دھونس اورجبر کی بنیاد پر چلایا جارہا ہے، ہم حق سچ کی آواز بلند کرتے رہیں گے، یہ جبر سے ہماری آواز دبانا چاہتے ہیں۔
پی ٹی آئی رہنما نے کہا کہ حکومت مذاکرات میں بات ڈالنے کی کوشش کر رہی تھی، ہم پارلیمان کے وجود پرآواز اٹھاتے ہیں تو کمیٹی کے سامنے کیسے بیٹھیں؟
ان کا کہنا تھا کہ حکمرانوں سے نظام نہیں چلا رہا، عوام حکمرانوں کو ماننے کیلئے تیار نہیں، یہ کب تک حملے کریں گے اور لوگوں کو اٹھائیں گے؟
سلمان اکرم راجا نے کہا کہ 8 فروری کو ہم صوابی میں جلسہ کریں گے، جلسے میں اپنی آواز بلند کریں گے، ن لیگ اور پی پی کو چھوڑ کر تمام جمہوری قوتوں کے پاس جائیں گے، ہم تمام جماعتوں سے مل کر بڑا اتحاد بنائیں گے۔
متحدہ قومی موومنٹ پاکستان کے مرکزی رہنما اور رکن قومی اسمبلی سید مصطفیٰ کمال نے کہا کہ میں کراچی میں رہتا ہوں، میں کراچی شہر کیلئے ہروقت حاضر ہیں، شہر کی بہتری کیلئے ہرطرح کے تعاون کیلئے تیارہوں، مجھے کوئی اعتراض نہیں ہے۔
مصطفیٰ کمال نے کہا کہ وزیراعلیٰ سندھ نے تاجروں سے دھمکی آمیز انداز میں گفتگو کی، تاجروں نے رشوت سے متعلق اپنا مؤقف بیان کیا تھا، انہوں نے بدامنی کا معاملہ بھی اٹھایا تھا۔
ان کا کہنا تھا کہ کیا میئر کراچی کے بیان پر بلاول ہاؤس پر کھڑا ہوجاؤں؟ ہمارے پاس 22 نشستیں ہیں، پیپلز پارٹی کو ملیں تو اس کو فائدہ ہوگا، ہمیں کیوں دیوارسے لگایا جارہا ہے؟
گورنر خیبر پختوںخوا فیصل کریم کنڈی نے کہا ہے کہ خیبر پختونخوا اور بلوچستان کے حالات ٹھیک نہیں ہیں، پاک فوج کے جوان ملک کیلئے قربانیاں دے رہے ہیں، خیبر پختونخوا میں حکومتی رٹ نہیں ہے۔
انہوں نے کہا کہ خیبر پختوںخوا اور بلوچستان میں سیکیورٹی فورسز اور پولیس کے جوان ہمارے لئے شہید ہورہے ہیں، اپنی جانوں کے نذرانے دے رہے ہیں، ملک کے امن اور مستبقل کے لئے ہمیں ان کو سپورٹ کرنے کی ضرورت ہے۔
فیصل کریم کنڈی نے کہا کہ کیا پی ٹی آئی والے احتجاج کے نام پر اپنے صوبے کی شاہراہیں بند کر رہے ہیں؟ شاہراہیں بند کرنے سے وفاق کو کیا نقصان ہوگا؟
گورنر خیبر پختوںخوا نے کہا کہ بانی پی ٹی آئی کی سزا پرکوئی احتجاج نہیں کیا گیا، لگتا ہے پی ٹی آئی کو بانی کی سزا پر خوشی ہوئی ہے، پی ٹی آئی والے خوشی کا اظہارکررہے ہیں۔
ان کا کہنا تھا کہ پنجاب میں کسی نے سائیکل کا ٹائر بھی نہیں جلایا، احتجاج ہر کسی کا جمہوری حق ہے، پی ٹی آئی نے بانی کی سزا پر کوئی احتجاج نہیں کیا۔
انہوں نے کہا کہ ملک کو معاشی استحکام کی ضرورت ہے، ہمیں ملکی استحکام کے لئے کام کرنا ہے، وزیراعلیٰ خیبر پختونخوا ڈمی ہیں۔
فیصل کریم کنڈی نے کہا کہ کسی کی خواہش پر کسی جج کی تعیناتی نہیں ہوتی ہے، صدر مملکت نے آئینی اختیاراستعمال کرکے ججز لگائے ہیں۔
ذریعہ: Daily Mumtaz
کلیدی لفظ: سلمان اکرم پی ٹی ا ئی نے کہا کہ انہوں نے
پڑھیں:
ائیرکرافٹ انجینئرز کا احتجاج، ملک بھر میں قومی ائیرلائن کا فلائٹ آپریشن رک گیا
data-id="863a0a8" data-element_type="widget" data-widget_type="theme-post-content.default">
قومی ایئرلائن کی انتظامیہ اور ایئرکرافٹ انجینئرز کے درمیان تنازعہ شدت اختیار کر گیا ہے، جس کے باعث انجینئرز نے طیاروں کی کلیئرنس روک دی ہے اور ملک بھر میں قومی ایئرلائن کا فلائٹ آپریشن معطل ہو گیا ہے۔
ذرائع کے مطابق ایئرکرافٹ انجینئرز کے احتجاج کے باعث قومی ایئرلائن کی پروازیں شدید متاثر ہو رہی ہیں۔ پیر کی رات 8 بجے کے بعد سے کوئی بین الاقوامی پرواز روانہ نہیں ہو سکی، جبکہ 12 بین الاقوامی پروازوں کی منسوخی سے مسافروں کو سخت مشکلات کا سامنا ہے۔ متاثرہ مسافروں میں بڑی تعداد عمرہ زائرین کی ہے۔
سوسائٹی آف ایئرکرافٹ انجینئرز (سیپ) کے مطابق وہ سی ای او قومی ایئرلائن کے رویے میں بہتری آنے تک کام نہیں کریں گے اور طیاروں کو اڑان کے لیے کلیئرنس دینے سے انکار کر دیا ہے۔ ذرائع کا کہنا ہے کہ انجینئرز گزشتہ ڈھائی ماہ سے اپنے مطالبات کے حق میں بازو پر سیاہ پٹیاں باندھ کر پُرامن احتجاج کر رہے تھے، مگر اس کے باوجود انتظامیہ مذاکرات پر آمادہ نہیں ہوئی۔
ذرائع کے مطابق ایئرکرافٹ انجینئرز کی تنخواہیں گزشتہ آٹھ برسوں سے نہیں بڑھائی گئیں، جبکہ ایئرلائن کو طیاروں کے فاضل پرزہ جات کی شدید کمی کا سامنا ہے۔ انجینئرز کا دعویٰ ہے کہ ان پر ضوابط کی خلاف ورزی کرتے ہوئے طیاروں کو پرواز کے لیے کلیئر کرنے کا دباؤ ڈالا جا رہا ہے۔
سوسائٹی آف ایئرکرافٹ انجینئرز کا کہنا ہے کہ وہ انتظامیہ کے دباؤ پر مسافروں کی جان کو خطرے میں نہیں ڈال سکتے۔
دوسری جانب قومی ایئرلائن کے چیف ایگزیکٹو آفیسر (سی ای او) نے طیاروں کے آپریشن میں رکاوٹ ڈالنے پر ملوث انجینئرز کے خلاف سخت کارروائی کے احکامات جاری کر دیے ہیں۔ سی ای او کے مطابق، آپریشن متاثر ہونے کے ذمہ دار افراد کے خلاف سخت تادیبی کارروائی کی جائے گی۔
ادھر قومی ایئرلائن کے ترجمان نے موقف اختیار کیا ہے کہ سوسائٹی آف ایئرکرافٹ انجینئرز کی کوئی قانونی حیثیت نہیں، اور ان کا احتجاج قومی ایئرلائن کی نجکاری کے عمل کو سبوتاژ کرنے کی ایک کوشش ہے۔ ترجمان کے مطابق سیفٹی کے نام پر بیک وقت کام چھوڑ دینا ایک منظم سازش ہے جس کا مقصد مسافروں کو مشکلات میں ڈالنا اور انتظامیہ پر ناجائز دباؤ ڈالنا ہے۔
مریم نواز کی امریکی سرمایہ کاروں کو شاندار مواقع سے فائدہ اٹھانے کی دعوت