عمران خان کی یوم سیاہ کی کال پنجاب میں ناکام، مہربانو ملتان میں گرفتار
اشاعت کی تاریخ: 8th, February 2025 GMT
سٹی42: پنجاب بھر میں پی ٹی آئی کے بانی عمران خان کی احتجاج کرنے اور یوم سیاہ منانے کی کال عمومی طور پر ناکام ہو گئی۔ لاہور، ہارون آباد اور ملتان میں تین چھوٹی ریلیاں نکالے جانے کے سوا کسی جگہ سے پی ٹی آئی کے کارکنوں کی کوئی احتجاج کرنے کی کوشش رپورٹ نہیں ہوئی۔
پندرہ جنوری کو پی ٹی آئی کے رہنماؤں کے حوالے سے یہ خبر سامنے آئی تھی کہ پی ٹی آئی کے بانی نے 8 فروری کو یومِ سیاہ منانے کی ہدایت کی تھی۔ آج 8 فروری کو پاکستان میں آٹھ فروری 2024 کو ہونے والے عام انتخابات کی سالگرہ تھی۔ ان انتخابات کے متعلق پی ٹی آئی کا کہنا ہے کہ ان میں پی ٹی آئی کے ساتھ دھاندلی ہوئی تھی اور جمعیت علما اسلام کا کہنا ہے کہ خیبر پختونخوا میں اس کے امیدواروں کے ساتھ دھاندلی کر کے پی ٹی آئی کے امیدواروں کو جتوا دیا گیا تھا۔ آج آٹھ فروری کو پی ٹی آئی اور جمعیت عملا اسلام دونوں نے یوم سیاہ منایا لیکن پنجاب میں دونوں جماعتوں کی سڑکوں پر موجودگی کہیں دکھائی نہیں دی۔
جاپانی وزیراعظم کی ٹرمپ سے ملاقات؛ جاپان کو بھی ٹرمپ ٹیرف کی وارننگ مل گئی
اس ہدایت کو لے کر پی ٹی آئی کے رہنما 8 فروری کو یوم سیاہ منانے کے متعلق مسلسل بیانات دیتے رہے لیکن 7 فروری کو پنجاب میں پی ٹی آئی کی چیف آرگنائزر عالیہ حمزہ نے یہ اعلان کر کے حیران کر دیا کہ پی ٹی آئی شمالی پنجاب کے دس اضلاع کے کارکنوں کو 8 فروری کو احتجاج کے لئے اپنے شہروں میں کچھ کرنے کی بجائے خیبر پختنوخوا کے شہر صوابی میں ہونے والے جلسہ میں شریک ہونے کی ہدایت کر دی گئی ہے۔
جمنا کو صاف کر کے دم لیں گے، انسانوں سے ووٹ لے کر مودی نے دریا کی سیوا کرنے کا نعرہ لگا دیا
عالیہ حمزہ نے پی ٹی آئی کے تمام عہدیداروں کو صوبائی اور قومی اسمبلی کے حلقوں کی سطح پر کارکنوں کو اکٹھا کر کے احتجاجی ریلیاں نکالنے کی ہدایت بھی کی تھی۔ اس ہدایت پر لاہور اور دیگر شہروں میں عمل ہوتا دکھائی نہیں دیا۔ لاہور میں صرف حماد اظہر کی ریلی کی رپورٹ آئی جب کہ ملتان میں مہر بانو قریشی کی قیادت میں ایک ریلی نکالی گئی جس کے نتیجہ میں مہربانو قریشی کو ان کے کچھ ساتھیوں کے ساتھ گرفتار کر لیا گیا کیونکہ صوبہ پنجاب میں آج سیکشن 144 نافذ تھی اور سڑکوں پر کسی بھی طرح کے جلسے جلوس کی ممانعت تھی۔
دہلی کے ریاستی انتخابات میں عام آڈمی کا صفایا، بھارتیہ جنتا پارٹی کی اقتدار میں واپسی
ملتان سے آمدہ اطلاعات کے مطابق دفعہ 144 کی خلاف ورزی پر پی ٹی آئی رہنما مہربانو قریشی کو دو ساتھی رہنماؤں اور دس کارکنوں سمیت گرفتار کرلیا گیا۔
پولیس کے مطابق جاوید ہاشمی کے داماد زاہد بہار ہاشمی اور ملتان سے پی ٹی آئی کےٹکٹ ہولڈر دلیر مہار کو بھی حراست میں لے لیا گیا۔
پولیس کی جانب سے بتایا گیا ہے کہ تینوں افراد کو پل چٹھہ سے دفعہ 144 کی خلاف ورزی پر گرفتار کیا گیا جبکہ ریلی نکالنے پر پی ٹی آئی کے 10سے زائد کارکن بھی گرفتار کرلیے گئے۔ میڈیا اطلاعات کے مطابق مہربانو ایک ریلی لے کر مخدوم رشید کی جانب سے آ رہی تھیں، پولیس نے پل چٹھہ پر انہیں روک کر مہربانو اور ان کے ساتھ موجود دو رہنماؤں کو گرفتار کر لیا۔ بعض کارکنوں نے پولیس کی گاڑی کو گھیرا ڈال لیا جس کے بعد مزید کچھ کارکنوں کو گرفتار کیا گیا۔
مارکیٹ میں دستیاب 100 سے زائد ادویات غیرمعیاری قرار
پولیس نے ریلی کے شرکاء پر دھاوا بولا تو دونوں رہنماؤں اور چند کارکنوں کی گرفتاری کے بعد باقی کارکن منتشر ہوگئے۔
تحریک انصاف کی طرف سے دی گئی آج احتجاج کی کال کے پیش نظر چوک گھنٹہ گھر، چونگی نمبر 9، نواں شہر چوک اور چوک کچہری سمیت مختلف چوک پر پولیس کی نفری تعینات رہی، مختلف چوراہوں پر قیدی وینز بھی موجود رہیں۔
لاہور سے عثمان خادم نے رپورٹ کیا کہ پی ٹی آئی کے مرکزی رہنما حماد اظہر میدان میں آگئے، انہوں نے پی پی 161 میں ایک احتجاجی ریلی کی قیادت کی۔ اس ریلی میں عثمان خادم کی رپورٹ کے مطابق پی ٹی آئی کے کارکنوں کی بڑی تعداد شریک ہوئی۔ رکن پنجاب اسمبلی فرخ جاوید مون سمیت دیگر مقامی رہنمائوں نے بھی اس ریلی میں شرکت کی۔
رات کو موصولہ اطلاعات کے مطابق ہارون آباد میں پی ٹی آئی کے رہنما شوکت بسرا کی قیادت میں ایک ریلی نکالی گئی۔ اس ریلی میں شرکت کرکے سیکشن 144 کی وائلیشن کرنے ، سڑک بلاک کرنے پر پولیس نے شوکت بسرا اور ان کے 24 کارکنوں کے خلاف مقدمہ درج کر لیا، ان میں سے 16 کو نامعلوم بتایا گیا ہے۔
Waseem Azmet.ذریعہ: City 42
کلیدی لفظ: یوم سیاہ یوم سیاہ یوم سیاہ میں پی ٹی ا ئی پی ٹی ا ئی کے گرفتار کر یوم سیاہ فروری کو کے مطابق کے ساتھ
پڑھیں:
قلات سکیورٹ: فورسز کا آپریشن ، ھارتی حمایت یا فتہ 8دہشتگر دہلاک : بنون میں 2پولیس چوکیوں پر حملے ناکام
اسلام آباد ‘قلات‘ پشاور (خبر نگار خصوصی +نمائندہ خصوصی +نیٹ نیوز) سکیورٹی فورسز نے بلوچستان کے علاقے قلات میں کامیاب آپریشن کر کے فتنہ الہندوستان کے 8 دہشت گردوں کو ہلاک کر دیا۔ پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے آپریشن کے دوران بھارتی حمایت یافتہ دہشت گردوں فتنہ الہندوستان کے ٹھکانے کو کامیابی سے نشانہ بنایا اور اس دوران فائرنگ کے تبادلے میں چار دہشت گرد ہلاک ہوئے جن کے قبضے سے بھارتی مقدار میں اسلحہ، گولہ بارود اور دھماکہ خیز مواد برآمد ہوا ہے۔ آئی ایس پی آر کے مطابق علاقے میں مزید کلیئرنس اور سرچ آپریشن کیا گیا جس کے دوران مزید چار دہشت گردوں کو ہلاک کیا اور ایک ٹھکانے کو تباہ کیا گیا۔ یہاں سے بھی کارروائی کے دوران بڑی مقدار میں اسلحہ، گولہ بارود اور دھماکہ خیز مواد بھی برآمد ہوا۔ آئی ایس پی آر کا کہنا ہے کہ پاکستان کی سکیورٹی فورسز قوم کے شانہ بشانہ بلوچستان کے امن، استحکام اور ترقی کو سبوتاژ کرنے کی بھارتی سازشوں کو ناکام بنانے کے لیے پرعزم ہیں۔ بلوچستان میں دشمن کے ایجنٹوں کے خلاف جاری کارروائیاں اس عزم کی عکاسی کرتی ہیں کہ ملک کا ہر انچ دشمن عناصر کے ناپاک عزائم سے محفوظ رکھا جائے گا۔ صدرِ مملکت آصف علی زرداری نے قلات، بلوچستان میں سکیورٹی فورسز کو فتنتہ الہندوستان کے 8 دہشت گردوں کے خاتمے پر خراجِ تحسین کیا۔ وفاقی وزیر داخلہ محسن نقوی نے قلات میں بھارتی سپانسرڈ دہشتگردوں کے خلاف کامیاب انٹیلیجنس بیسڈ آپریشن پر سکیورٹی فورسز کو خراج تحسین کیا اور اْن کی پیشہ ورانہ صلاحیتوں کو سراہا ہے۔ پشاور‘ پولیس کی بروقت جوابی کارروائی سے خوارج کے چوکیوں پر حملے ناکام بنا دئیے گئے۔ ذرائع کے مطابق بنوں میں چوکی مزانگہ اور چوکی شیخ لنڈک پر خوارج کے حملے پولیس کی بھرپور جوابی کارروائی سے ناکام بنا دئیے گئے۔ آئی جی پولیس ذوالفقار حمید اور آر پی او بنوں سجاد خان نے پولیس اہلکاروں کو بروقت کارروائی پر شاباش دی اور انعامات کا اعلان کیا۔ پولیس کے مطابق گزشتہ شب تھانہ ہوید بنوں کی حدود میں 2 چوکیوں شیخ لنڈک پر ڈرون اور مزانگہ پر خوارج نے چھوٹے بڑے جدید ہتھیاروں سے حملے کیے۔ حملے میں پولیس کے تھرمل کیمرہ ٹیکنالوجی کو نشانہ بنانے کی کوشش کی گئی۔
ملک بھر میں ووٹر کی تعداد کتنی ہوگئی؟ رپورٹ سامنے آگئی