سپریم کورٹ کے سابق جج عظمت سعید شیخ انتقال کرگئے
اشاعت کی تاریخ: 12th, February 2025 GMT
لاہور (اُردو پوائنٹ اخبارتازہ ترین۔ 12 فروری2025ء) سپریم کورٹ کے سابق جج عظمت سعید شیخ انتقال کرگئے، جسٹس ریٹائرڈ عظمت سعید شیخ گزشتہ کچھ عرصے سے شدید علیل تھے۔ تفصیلات کے مطابق لاہور ہائیکورٹ کے سابق چیف جسٹس اور سپریم کورٹ میں بطور جج 7 سال تک تعینات رہنے والے جسٹس ریٹائرڈ عظمت سعید شیخ بدھ کے روز لاہور میں انتقال کر گئے ۔
(جاری ہے)
میڈیا رپورٹس کے مطابق جسٹس ریٹائرڈ عظمت سعید شیخ گزشتہ کچھ عرصے سے صحت کے شدید مسائل کا شکار تھے، شدید علالت کے باعث وہ ہسپتال میں زیر علاج تھے۔ واضح رہے کہ جسٹس ریٹائرڈ عظمت سعید شیخ 2012 سے 2019 تک سپریم کورٹ میں جج تعینات رہے، وہ 2019 میں سپریم کورٹ سے ریٹائر ہوئے۔ سپریم کورٹ میں تعیناتی سے قبل وہ لاہور ہائیکورٹ کے چیف جسٹس تعینات رہے۔
ذریعہ: UrduPoint
کلیدی لفظ: تلاش کیجئے جسٹس ریٹائرڈ عظمت سعید شیخ سپریم کورٹ کورٹ کے
پڑھیں:
سپریم کورٹ کراچی رجسٹری نے ڈاکٹر کے رضاکارانہ استعفے پر پنشن کیس کا24سال بعد فیصلہ سنا دیا
کراچی(ڈیلی پاکستان آن لائن)سپریم کورٹ کراچی رجسٹری نے ڈاکٹر کے رضاکارانہ استعفے پر پنشن کیس کا24سال بعد فیصلہ سنا دیا،سپریم کورٹ کراچی رجسٹری میں لارجر بنچ نے فیصلہ سنایا،عدالت نے ہائیکورٹ کا حکم برقرار رکھتے ہوئے پنشن کے خلاف اپیل مسترد کردی۔
نجی ٹی وی چینل دنیانیوز کے مطابق دوران سماعت وکیل نے کہاکہ ڈاکٹر نے میڈیکل مسائل کی بنیاد پر استعفیٰ دیاتھا، عدالت نے کہاکہ ایک شخص نے 18سال سروس دی ،بیمار ہوگیا تو آپ چاہتےہیں بھوکا مر جائے؟جسٹس حسن اظہر نے کہاکہ ڈاکٹر کی عمر 73برس ہو گئی، 18برس کام کیا، پنشن بھی نہیں دے رہے،جسٹس محمد علی مظہر نے استفسار کیا کہ اب اس عمر میں زبردستی نوکری کروائیں گےَ؟
چیئرمین پیپلزپارٹی بلاول بھٹو نے لیگی وفد سے ملاقات کی اندرونی کہانی بتا دی
جسٹس شاہد وحید نے کہاکہ میڈیکل گراؤنڈ پر استعفیٰ جبری ریٹائرمنٹ نہیں ہوتا، جبری ریٹائرمنٹ سزا ہوتی ہے،عدالت نے ریمارکس دیئے کہ آپ کیا چاہتے ہیں کہ ایک روپیہ بھی نہ ملے؟
عدالت نے ہائیکورٹ کا حکم برقرار رکھتے ہوئے پنشن کے خلاف اپیل مسترد کردی۔
مزید :
عرب ممالک کے ساتھ تعلقات میں بہتری، فیلڈ مارشل عاصم منیر کا کامیاب دورہ