راولپنڈی سے بھوربن تک چلنے والی گلاس ٹرین کب تک شروع ہونے کی توقع ہے؟
اشاعت کی تاریخ: 18th, February 2025 GMT
گزشتہ برس پنجاب حکومت کی جانب سے راولپنڈی سے مری تک گلاس ٹرین منصوبے کی منظوری دی گئی تھی۔ گلاس ٹرین کے نئے منصوبے کی تیاری کے لیے 18 مختلف محکموں پر مشتمل ورکنگ گروپ بھی تشکیل دیا گیا تھا۔
واضح رہے کہ گلاس ٹرین کے اس منصوبے کا مقصد سیاحت کو فروغ دینے اور مسافروں کو ایک آرام دہ اور دلچسپ سفری تجربہ فراہم کرنا تھا۔ یہ منصوبہ نہ صرف سیاحوں کے لیے پرُکشش ہوگا بلکہ مقامی لوگوں کے لیے بھی ایک نئی اور سہل سفری سہولت ثابت ہوگا۔
گلاس ٹرین کا روٹ کیا ہوگا؟ یہ منصوبہ کب مکمل ہوگا؟ ابھی کس مرحلے میں ہے؟
مری سے منتخب ہونے والے ایم این اے راجہ اسامہ اشفاق سرور نے وی نیوز سے بات کرتے ہوئے بتایا کہ گلاس ٹرین کے حوالے سے بہت سی خبریں گردش کر رہی ہیں کہ اپریل میں منصوبہ مکمل ہو جائے گا۔ ایسی تمام خبریں بے بنیاد ہیں۔ اپریل میں دراصل اس منصوبے کی تکمیل کا جائزہ مکمل ہوگا۔ نیشنل انجینئرنگ سروسز (نیسپاک) تجزیاتی رپورٹ 30 اپریل تک جمع کروائے گا۔
اس رپورٹ میں معلومات فراہم کی جائیں گی کہ اس منصوبے پر کتنی لاگت آئی گی۔ بجٹ منظور ہونے کے بعد ہی گلاس ٹرین کے منصوبے پر باقاعدہ کام شروع ہوگا۔ اور اس منصوبے کے مکمل ہونے کی توقع اگلے 2 برس تک ہے۔ یہ ایک اندازہ ہے۔
واضح رہے کہ 65 کلومیٹر طویل ٹرین راولپنڈی میں صدر سے شروع ہوگی اور مارگلہ کی پہاڑیوں اور بارہ کہو جیسے خوبصورت مقامات سے ہوتے ہوئے بھوربن پہنچے گی۔
اس ٹرین کے کون سے روٹس ہونگے؟ کتنے اور کون سے اسٹیشنز ہوں گے؟
اس حوالے سے اسامہ سرور کا کہنا تھا کہ فی الحال ان سوالات کے جوابات نہیں دیے جاسکتے کیونکہ اس سے زمین کی خریدو فروخت جیسے مسائل جنم لے سکتے ہیں۔
مگر ڈائریکٹر پنجاب ماس ٹرانزٹ محمد واجد نے روٹس کے حوالے سے بتایا کہ اب تک کی پلاننگ کے مطابق گلاس ٹرین کے سٹیشنز بستال موڑ، گھوڑا گلی، گلیات، کشمیر پوائنٹ سے پتریاٹہ یا بھوربن تک قائم کیے جانے کے امکانات ہیں۔
انہوں نے مزید بتایا کہ راولپنڈی سے مری تک چلنے والی یہ گلاس ٹرین بہترین قسم کا منصوبہ ثابت ہوگا۔ جو نہ صرف پاکستان بلکہ غیر ملکی سیاحوں کی توجہ کا بھی مرکز بنے گا۔
یاد رہے کہ 2015 میں راولپنڈی مظفر آباد ریل منصوبہ کے لیے راولپنڈی تا بستال موڑ مری تک ریل لنک کی فزیبیلٹی رپورٹ ایک پاکستانی کمپنی نے آسٹریا کی ایک کمپنی کے ساتھ جوائنٹ ونچر کے تحت تیار کی تھی، اس پر 60ملین روپے کے اخراجات آنے کا امکان ظاہر کیا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حکومت پنجاب گلاس ٹرین.ذریعہ: WE News
کلیدی لفظ: حکومت پنجاب گلاس ٹرین گلاس ٹرین کے اس ٹرین کے کے لیے
پڑھیں:
پاکستان اور انگلینڈ کے درمیان ٹیسٹ سیریز 2026 کا شیڈول جاری
انگلینڈ اینڈ ویلز کرکٹ بورڈ (ای سی بی) نے 2026 میں پاکستان کے خلاف 3 ٹیسٹ میچوں کی سیریز کا شیڈول جاری کر دیا ہے۔
یہ سیریز اگست اور ستمبر میں کھیلی جائے گی اور آئی سی سی ورلڈ ٹیسٹ چیمپئن شپ 2025-27 کا حصہ ہوگی۔
یہ بھی پڑھیے: دوسرے ٹی20 میچ میں بنگلہ دیش نے پاکستان کو 8 رنز سے شکست دیکر سیریز جیت لی
سیریز کا پہلا ٹیسٹ میچ 19 اگست سے ہیڈنگلے، لیڈز میں شروع ہوگا۔ دوسرا ٹیسٹ 27 اگست سے لندن کے تاریخی لارڈز کرکٹ گراؤنڈ میں کھیلا جائے گا۔ تیسرا اور آخری ٹیسٹ 9 ستمبر سے برمنگھم کے ایجبسٹن گراؤنڈ میں شروع ہوگا۔ تمام میچز پاکستانی وقت کے مطابق شام 3 بجے شروع ہوں گے۔
یہ پاکستان کا 2016 کے بعد انگلینڈ کا چوتھا ٹیسٹ دورہ ہوگا، جبکہ مجموعی طور پر دونوں ٹیموں کے درمیان یہ 29ویں دوطرفہ ٹیسٹ سیریز ہوگی۔
پاکستان اور انگلینڈ کے درمیان پہلی ٹیسٹ سیریز 1954 میں کھیلی گئی تھی جس کے بعد سے دونوں ٹیموں کے درمیان زبردست مقابلے دیکھنے کو ملے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ملک بھر میں ووٹر کی تعداد کتنی ہوگئی؟ رپورٹ سامنے آگئی