کون سی عام غذائیں ٹائپ 2 ذیابیطس کا باعث سکتی ہیں؟
اشاعت کی تاریخ: 10th, April 2025 GMT
ایک نئی تحقیق میں یہ بات سامنے آئی ہے کہ ڈائٹ مشروبات، سوپ ، دودھ سے بنی مٹھائیاں اور چٹنیوں میں اضافی مرکب کا استعمال کسی شخص کو ٹائپ 2 ذیابیطس میں مبتلا کرسکتے ہیں۔
محققین نے پلس میڈیسن کے جریدے میں رپورٹ کیا ہے کہ ڈائٹ ڈرنکس میں اضافی میٹھے مرکب استعمال کرنے والے ایک لاکھ 10 ہزار افراد کے ایک گروپ کے 13 فیصد افراد میں ٹائپ 2 ذیابیطس کا خطرہ پایا گیا۔
یہ بھی پڑھیں: پاکستان میں 4 کروڑ افراد ذیابیطس کا شکار، مگر لاعلم
اسی طرح نتائج سے پتا چلا ہے کہ الٹرا پروسیسڈ فوڈز جیسے اسٹاک چٹنی میں اضافی مرکب ملانے سے ذیابیطس کے خطرے میں 8 فیصد اضافہ ہوا۔
فرانس میں ایک ڈاکٹریٹ کی طالبا میری پائن ڈی لا گارینڈری نے کہا ، ’ نتائج سے پتا چلتا ہے کہ بہت ساری مصنوعات میں اضافی مرکبات ملانا خطرناک ہے، جو ٹائپ 2 ذیابیطیس کا باعث بنتے ہیں۔‘
مطالعے کے لیے محققین نے ایک طویل مدتی فرانسیسی مطالعہ میں حصہ لینے والے ایک لاکھ 10 ہزار سے زیادہ افراد کے اعداد و شمار کا تجزیہ کیا اور ان کی غذا اور صحت کا تجزیہ کیا گیا۔
یہ بھی پڑھیں: ذیابیطس کے مریض آم اور دیگر میٹھے پھلوں کا استعمال کرسکتے ہیں؟
تمام شرکا کی 2 سے 15 دن کے دوران کی غذا، جس میں کھانے پینے کے ساتھ ساتھ ان کی مخصوص برانڈز کا سراغ لگایا گیا، اس کے بعد شرکا کی تقریبا8 سالوں تک پیروی کی گئی۔
محققین نے 5 مختلف اضافی مرکبوں کو دیکھا جو عام طور پر پروسیسرڈ فوڈز میں استعمال ہوتے ہیں تاکہ یہ دیکھیں کہ آیا ان کا ذیابیطس کے خطرے پر کوئی اثر پڑتا ہے۔
نتائج سے پتا چلا کہ 5 مرکب میں سے 2 نے ذیابیطس کے خطرے میں نمایاں اضافہ کیا، جن میں تیزابیت اور تیزابیت کے ریگولیٹرز (سائٹرک ایسڈ ، سوڈیم سائٹریٹس ، فاسفورک ایسڈ ، مالیک ایسڈ) ، رنگین ایجنٹ (سلفائڈ امونیا کیریمل ، انتھوکیانس ، پیپریکا ایکسٹریکٹ) ، سویٹنرز (ایسیسلفیم-کے ، اسپرٹیم ، امکالز) شامل ہیں۔ گم) اور ایک کوٹنگ ایجنٹ۔
یہ بھی پڑھیں: ذیابیطس کے مریضوں کے لیے متوازن اور مددگار غذائیں؟
ڈی لا گارینڈری نے کہا ’یہ مشاہداتی مطالعہ حتمی رائے قائم کرنے کے لیے کافی نہیں ہے، اس پر مزید تحقیق بھی جاری ہے تاہم تحقیق سے پتا چلا ہے کہ ڈائٹ مشروبات، سوپ ، دودھ سے بنی مٹھائیاں اور چٹنیوں میں اضافی مرکب کسی شخص کو ٹائپ 2 ذیابیطس میں مبتلا کرسکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پراسیسڈ فوڈز چٹنی دودھ ذیابیطس ڈائٹ ڈرنکس مٹھائیاں.
ذریعہ
ذریعہ: WE News
کلیدی لفظ: پراسیسڈ فوڈز چٹنی ذیابیطس ڈائٹ ڈرنکس مٹھائیاں میں اضافی مرکب ٹائپ 2 ذیابیطس ذیابیطس کے سے پتا کے لیے
پڑھیں:
لاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی
لاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی WhatsAppFacebookX 0 23 July, 2026 سب نیوز
لاہور(آئی پی ایس )لاہور ہائی کورٹ نے ایک اہم فیصلے میں واضح کیا ہے کہ ہاسنگ سوسائٹیوں میں اسکول، پارک، مسجد، ہسپتال اور دیگر عوامی سہولیات (Amenity Sites) کے لیے مختص زمین عوام کی امانت ہے۔ اگرچہ ایسی زمین کا قانونی ٹائٹل بعض حالات میں لاہور ڈویلپمنٹ اتھارٹی (LDA) کے پاس منتقل ہو سکتا ہے، لیکن LDA اسے اپنی ملکیت سمجھ کر کمرشل مقاصد کے لیے فروخت یا نیلام نہیں کر سکتی۔
مقدمہ AGRICS Cooperative Housing Society اور LDA کے درمیان تھا۔ سوسائٹی نے مقف اختیار کیا کہ وہ Cooperative Societies Act, 1925 کے تحت قائم ہوئی ہے، اس لیے LDA کے بعض قوانین اس پر لاگو نہیں ہوتے، جبکہ LDA کا مقف تھا کہ عوامی سہولیات کے لیے مختص زمین اس کے نام منتقل کیے بغیر اسکول کا بلڈنگ پلان منظور نہیں کیا جا سکتا۔
لاہور ہائی کورٹ نے قرار دیا کہ Cooperative Societies Act سوسائٹی کے اندرونی معاملات سے متعلق ہے، جبکہ LDA Act لاہور میں شہری منصوبہ بندی (Urban Planning) اور ہاسنگ اسکیموں کو منظم کرنے والا خصوصی قانون ہے، اس لیے پلاننگ اور ترقیاتی معاملات میں LDA کے قوانین پر عمل کرنا تمام ہاسنگ سوسائٹیوں کے لیے لازم ہے۔
عدالت نے یہ بھی قرار دیا کہ 1990 کی Mortgage Deed اور سوسائٹی کے اپنے سابقہ ریکارڈ سے ثابت ہوتا ہے کہ متعلقہ عوامی سہولیات کی زمین LDA کے نام منتقل ہو چکی تھی، لہذا سوسائٹی کئی دہائیوں بعد اس مقف سے انکار نہیں کر سکتی۔
فیصلے کا سب سے اہم حصہ Doctrine of Public Trust (پبلک ٹرسٹ ڈاکٹرائن) سے متعلق ہے۔ عدالت نے واضح کیا کہ اگرچہ زمین کا قانونی ٹائٹل LDA کے پاس ہے، لیکن وہ اس کا مطلق مالک نہیں بلکہ صرف Trustee (امین) ہے۔ اس لیے اسکول، پارک، مسجد یا دیگر عوامی سہولیات کے لیے مختص زمین کو کسی اور مقصد، خصوصا تجارتی استعمال یا فروخت کے لیے استعمال نہیں کیا جا سکتا۔ ایسی زمین صرف اسی مقصد کے لیے استعمال ہوگی جس کے لیے اسے مختص کیا گیا تھا۔
عدالت نے یہ بھی نوٹ کیا کہ 30 سال سے زائد عرصہ گزرنے کے باوجود اسکول کے لیے مختص پلاٹ پر اسکول تعمیر نہیں کیا گیا، جس سے علاقے کے رہائشیوں کے بنیادی حقوق متاثر ہوئے۔ اسی بنیاد پر لاہور ہائی کورٹ نے LDA کو تین ماہ کے اندر قانونی طریقہ کار کے مطابق اس پلاٹ کو ایسے ادارے یا فریق کے حوالے کرنے کا حکم دیا جو وہاں اسکول تعمیر کرے، اور مقررہ مدت میں تعمیر نہ ہونے کی صورت میں متعلقہ قانونی کارروائی عمل میں لائی جائے۔
یہ فیصلہ ہاسنگ سوسائٹیوں کے رہائشیوں کے لیے ایک اہم نظیر ہے، جو اس اصول کو مضبوط کرتا ہے کہ عوامی سہولیات کے لیے مختص زمین کسی بھی سرکاری یا نجی ادارے کی تجارتی ملکیت نہیں بلکہ عوام کی امانت ہے، اور اسے صرف عوامی مفاد کے اسی مقصد کے لیے استعمال کیا جا سکتا ہے جس کے لیے وہ مختص کی گئی ہو۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبروزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال اگلی خبرمقبوضہ کشمیر میں 1989 سے اب تک 96 ہزار 499 شہادتیں، ایک لاکھ 84 ہزار سے زائد گرفتاریاں: رپورٹ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم