پنجاب اسمبلی : قذافی سٹیڈیم کے نزدیک فائیوسٹار ہوٹل کی تعمیر سمیت 6قرار دادیںمنظور ‘ اپوزیشن کا شور شرابہ
اشاعت کی تاریخ: 16th, April 2025 GMT
لاہور (خصوصی نامہ نگار) پنجاب اسمبلی میں بیرون ملک مقیم پاکستانیوںکو خصوصی رعایت فراہم کرنے، قذافی سٹیڈیم کے نزدیک فائیو سٹار ہوٹل تعمیر کرنے اور صاف پانی مہیا کرنے سمیت مفاد عامہ سے متعلقہ چھ قراردادیں منظورکرلی گئی ہیں۔ پنجاب اسمبلی کا اجلاس ایک گھنٹہ 29 منٹ کی تاخیر سے سپیکر ملک محمد احمد خان کی صدارت میں شروع ہوا۔ ایوان میں داخلے کے وقت اپوزیشن نے شور شرابا اور حکومت کے خلاف شدید نعرے بازی کی۔ سپیکر نے اپوزیشن کو احتجاج کرنے سے روک دیا۔ اجلاس میں ایم پی اے چوہدری ارشد جاوید وڑائچ اور سینیٹر تاج حیدر کے انتقال، ایران میں آٹھ مزدوروں کے قتل پر فاتحہ خوانی اور ان کی مغفرت اور درجات کی بلندی کیلئے دعا کی گئی۔ پیپلز پارٹی کے رکن ممتاز چانگ ایک بار پھر پنجاب اسمبلی میں ڈی پی او رحیم یار خان کے خلاف پھٹ پڑے، اور ڈی پی او رحیم یار خان کے معطلی کا مطالبہ کیا۔ ان کا کہنا تھا کہ عید سے لے کر میرے گھر پر دوسری بار پولیس آئی، نہ ہم دہشت گرد ہیں اور نہ ہی نو مئی کیا۔ کل مجھے سکیورٹی تھریٹ کی وجہ سے سکیورٹی کو کال آئی ابھی واپس آئو وگرنہ نوکری سے برخاست کردیا جائے گا۔ یہ وزیر اعلیٰ کے کہنے پر میرے گھر پر چھاپہ نہیں مارا گیا، ڈی پی او حکومت کو بدنام کررہا ہے، اصل وجہ یہ ہے پولیس کی کچے کی زمینیں ہیں۔ سپیکر کا کہنا تھا کہ جب کل آپ کے گھر کا یہ واقعہ پیش آیا تو پولیس ریڈ کی تصاویر مجھے دکھائی گئیں، ممتاز چانگ ڈی پی او رحیم یار خان آپ کے آمنے سامنے ہیں۔ سپیکر ملک محمد احمد خان نے سٹی سائنس کالج قصور کی طالبات کو پنجاب اسمبلی میں آنے پر خوش آمدید کہا۔ سیکرٹری پنجاب اسمبلی نے چھ ارکان اسمبلی پر مشتمل پینل آف چئیرپرسن کے ناموں کا اعلان کیا گیا، جن میں راحیلہ خادم حسین، آغا علی حیدر، سمیع اللہ خان، شوکت راجہ، ارشد ملک اور نادیہ کھر کے ناشامل تھے۔ پارلیمانی سیکرٹری برائے سکولز ایجوکیشن نوشین عدنان نے پنجاب کے سکولوں میں اساتذہ کی کمی کا اعتراف کرتے ہوئے یقین دہانی کرائی کہ تحصیل کمالیہ کے سرکاری سکولوں میں ٹیچنگ اور نان ٹیچنگ آسامیوں کیلئے دو ماہ کے دوران 12ہزار اساتذہ کی بھرتیاں کریں گے، حکومت اس سال نئے سکول نہیں بنائے گی بلکہ خستہ حال سکولوں پر توجہ دی جائے گی۔ سپیکر ملک محمد احمد خان نے حکومتی اقدام کو سراہا اور راولپنڈی پی پی 7 میں سکولز میں تدریسی و نان تدریسی سٹاف نہ ہونے پر صورتحال کو خطرناک قرار دیا، جس پر پارلیمانی سیکرٹری نوشین عدنان نے کہا کہ پنجاب میں اساتذہ کی تعیناتی پر پابندی ہے۔ گرمیوں کی چھٹیوں کے بعد اساتذہ کا ریکارڈ منگوایا جائے گا پھر بھرتیوں کا فیصلہ کیا جائے گا۔ بریگیڈیئر ریٹائرڈ مشتاق نے کہا کہ بلوچستان کا اعتماد ہم نے ختم کیا، جس نے اعتماد ختم کیا اسے بحال کریں۔ سپیکر ملک محمد احمد خان نے کہا کہ جہاں پنجابی قتل ہورہے ہیں، حکومت بلوچستان سے بات چیت ہونی چاہیے، بلوچستان میں پنجابیوں کے قتل پر متفقہ طورپر قرارداد لائیں۔ ایوان میں حکومتی رکن احسن رضا خان کے پی ٹی آئی والوں کو بھارتی ایجنٹ اور نو مئی کا ذمہ دار کہنے پر شور شرابا ہوا، اور نعرے بازی شروع ہوگئی۔ اجلاس میں مفاد عامہ سے متعلق قراردادوں کی منظوری کا سلسلہ شروع ہوا۔ پہلی زرمبادلہ کے متعلق قرارداد منظور کی گئی جس میں موقف اختیار کیا گیا کہ زر مبادلہ میں اضافہ کیلئے بیرون ملک مقیم پاکستانیوں کی حوصلہ افزائی کی جائے۔ مفاد عامہ سے متعلق دوسری قرارداد چک فیض آباد تحصیل دیپالپور ضلع اوکاڑہ کا الگ موضع بنانے کی متفقہ طورپر منظور کر لی گئی۔ پنجاب اسمبلی میں قذافی سٹیڈیم کے قریب فائیو سٹار ہوٹل کی تعمیر کیلئے قرارداد متفقہ طورپر منظور کر لی گئی۔ قرارداد حکومتی رکن شعیب صدیقی نے پیش کی۔ سیالکوٹ انٹرنیشنل ائیرپورٹ پر ٹیکسز سے متعلق قرارداد بھی متفقہ طورپر منظور ہوگئی۔ تمباکو نوشی پر ٹیکسز لگانے کی قرارداد بھی کثرت رائے سے منظور کر لی گئی۔ غزہ میں اسرائیلی مظالم کے خلاف بھی مذمتی قرارداد متفقہ طورپر منظورکرلی گئی۔ اسمبلی نے عوام کو صاف پانی دینے کی قرارداد منظور بھی کر لی۔ اجلاس میں صوبہ میں عوامی عمارات میں ریمپز اور ریلنگز کی قرارداد متفقہ طورپر منظور کر لی گئی۔ اجلاس آج دوپہر 2بجے تک ملتوی کر دیا گیا۔
.
ذریعہ
ذریعہ: Nawaiwaqt
کلیدی لفظ: سپیکر ملک محمد احمد خان متفقہ طورپر منظور پنجاب اسمبلی میں منظور کر لی گئی ڈی پی او
پڑھیں:
اسپیکر قومی اسمبلی سردار ایاز صادق کی ڈپٹی سیکرٹری وزارتِ خزانہ عائشہ جاوید کو بین الاقوامی اعزاز پر مبارکباد
اسپیکر قومی اسمبلی سردار ایاز صادق کی ڈپٹی سیکرٹری وزارتِ خزانہ عائشہ جاوید کو بین الاقوامی اعزاز پر مبارکباد WhatsAppFacebookX 0 24 July, 2026 سب نیوز
اسلام آباد: (سب نیوز) : اسپیکر قومی اسمبلی سردار ایاز صادق نے وزارتِ خزانہ کی ڈپٹی سیکرٹری محترمہ عائشہ جاوید کو معروف بین الاقوامی اشاعتی ادارے راؤٹلیج (Routledge) کی شہرۂ آفاق کتاب “Women in Public Finance: Stories of Gender in Budgeting” میں بطور معاون مصنفہ شامل کیے جانے پر دلی مبارکباد پیش کی ہے۔
اسپیکر قومی اسمبلی نے محترمہ عائشہ جاوید کی اس شاندار کامیابی کو پاکستان کے لیے باعثِ فخر قرار دیتے ہوئے کہا کہ ان کا تحریر کردہ باب “Limitless Skies and Endless Dreams” نہ صرف ان کی پیشہ ورانہ صلاحیتوں کا مظہر ہے بلکہ جینڈر ریسپانسیو بجٹنگ کے شعبوں میں پاکستانی خواتین کے بڑھتے ہوئے مؤثر کردار کی بھی عکاسی کرتا ہے۔
سردار ایاز صادق نے کہا کہ پاکستانی خواتین کی بین الاقوامی سطح پر نمایاں کامیابیاں ملک کا مثبت تشخص اجاگر کرتی ہیں اور پاکستان کے سرکاری افسران کی غیر معمولی صلاحیت، لگن اور فکری استعداد کا ثبوت ہیں۔ انہوں نے کہا کہ اس نوعیت کی کامیابیاں خصوصاً نوجوان نسل اور خواتین کے لیے باعثِ ترغیب ہیں کہ وہ اعلیٰ کارکردگی کا مظاہرہ کرتے ہوئے قومی ترقی میں مؤثر کردار ادا کریں۔
اسپیکر قومی اسمبلی نے خواتین کی سرکاری اداروں میں مؤثر شمولیت اور قیادت کے فروغ کے لیے اپنے عزم کا اعادہ کرتے ہوئے کہا کہ میرٹ، مساوی مواقع اور شمولیتی ماحول ہی پائیدار ترقی کا راز ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرعطاء اللّٰہ خان عیسیٰ خیلوی کا اپنی قبر تیار کرنے کا انکشاف پاکستان اور آذربائیجان نے دیرینہ دوستی مزید مضبوط بنانے کے عزم کا اعادہ کردیا کیوبا کے سفارتخانے میں فوٹو نمائش کے ذریعے فیڈل کاسترو کی صد سالہ تقریبات کا انعقاد چینی وزیر خارجہ سے ملاقات، علاقائی امن کے لیے پاکستان کی سفارتی کوششوں کو سراہنے پر اسحاق ڈار کا اظہارِ تشکر برطانوی ہائی کمیشن میں گلاسگو 2026 دولتِ مشترکہ کھیلوں کے آغاز کی تقریب پاکستان کے زرمبادلہ میں اضافے کے لیے سرمایہ کاری ناگزیر، قونصلیٹ ہر ممکن تعاون کرے گا: قونصل جنرل سید مصطفیٰ ربانی وزیراعظم نے لیفٹیننٹ جنرل عامر رضا کو فور اسٹار جنرل کے عہدے پر ترقی دے دیCopyright © 2026, All Rights Reserved
رابطہ کریں ہماری ٹیم
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم