مصالحت اور پسپائی کا راستہ جبر کرنے والے کو مزید جبر کا موقع فراہم کرے گا ، چینی وزیر خارجہ
اشاعت کی تاریخ: 29th, April 2025 GMT
مصالحت اور پسپائی کا راستہ جبر کرنے والے کو مزید جبر کا موقع فراہم کرے گا ، چینی وزیر خارجہ WhatsAppFacebookTwitter 0 29 April, 2025 سب نیوز
ریو ڈی جنیرو :چینی وزیر خارجہ وانگ ای نے برکس وزرائے خارجہ کے اجلاس میں شرکت کے دوران کثیرالجہتی پر قائم رہنے اور کثیرالطرفہ تجارتی قوانین کے تحفظ کے بارے میں چین کے موقف کی وضاحت کی۔منگل کے روز وزیر خارجہ وانگ ای نے کہا کہ کثیرالجہتی نظریہ دوسری جنگ عظیم کے بعد بین الاقوامی نظم کی بنیاد ہے، جبکہ اتحاد اور تعاون بین الاقوامی برادری کا سب سے بڑا مشترکہ مقصد ہے، لیکن چند انفرادی ممالک کا دنیا کے بارے میں تصور شدید طور پر غلط ثابت ہوا ہے۔
انہوں نے کہا کہ امریکہ یکطرفہ پسندی کی راہ میں اپنے مفادات کو اولیت دیتا ہے اور اپنے مفادات کو بین الاقوامی عوامی مفادات سے بالاتر رکھتا ہے۔ وانگ ای نے کہا کہ موجودہ بین الاقوامی نظام عالمی استحکام اور خوشحالی کی بنیاد ہے لیکن امریکہ اس نظام کا سب سے بڑا فائدہ اٹھانے کے باوجود اب اس کی مخالفت میں آگے بڑھ رہا ہے۔ چینی وزیر خارجہ نے کہا کہ دنیا دیکھ ر ہی ہے طاقتور کی حکمرانی کا جنگل کا قانون کھل کر سامنے آیا ہے ، جبر اور غندہ گردی کو اب کسی نقاب کی ضرورت نہیں اور بین الاقوامی تعلقات کی ترقی کی بنیاد مستقل خطرے میں ہے۔وانگ ای نے زور دیا کہ کثیرالطرفہ تجارتی قوانین کا تحفظ اس وقت سب سے اہم فرض ہے۔
انہوں نے کہا کہ تجارت کی اصل روح باہمی تکمیل اور باہمی مفاد پر مبنی فتح ہے، نہ کہ اس حساب کتاب میں کہ کون فائدے میں ہے اور کسے نقصان ہو رہا ہے اور نہ ہی اسے ذاتی فائدے کے حصول کا ذریعہ ہونا چاہئے۔چینی وزیر خارجہ نے کہا کہ امریکہ نے طویل عرصے تک آزاد تجارت سے بے پناہ فائدہ اٹھایا ہے، لیکن اب وہ اپنے مالی فائدے کے لئے ٹیرف کو سودے بازی کے طور پر استعمال کر رہا ہے۔
لہذا اگر اس وقت تمام ممالک خاموش رہے،پسپائی اور مصالحت کا راستہ اختیار کیا تو یہ صرف اور صرف جبر کرنے والے کو مزید جبر کا موقع فراہم کرنا ہو گا۔ انہو ں نے کہا کہ برکس ممالک کو تمام قسم کے تحفظ پسندانہ رجحانات کی مخالفت کرنی چاہیے، قواعد پر مبنی اور عالمی تجارتی تنظیم کو مرکز بنانے والے کثیرالجہتی تجارتی نظام کا بھرپور تحفظ کرنا چاہیے، اس کی بنیادی اقدار اور اصولوں کی حفاظت کرنی چاہیے اور تجارت کی آزادی اور سہولت کو فروغ دینا چاہیے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرچین اور روس کے درمیان باہمی اعتماد میں تبدیلی نہیں آئی، چینی وزیر خارجہ کینیڈا کے پارلیمانی انتخابات میں لبرل پارٹی کو برتری حاصل بھارت کا فرانس سے مزید 26رافیل طیارے خریدنے کا معاہدہ چینی وزارت خارجہ نے چین اور امریکہ کے سربراہان مملکت کے درمیان ٹیلی فونک رابطے کا دعویٰ مسترد کر دیا امید ہے کہ بھارت اور پاکستان مذاکرات کے ذریعے موجودہ اختلافات کو حل کریں گے،چینی وزارت خارجہ بھارت میں 35 سال سے مقیم پاکستانی خاتون کو ملک چھوڑنے کا حکم پہلگام واقعہ: پاکستان اور بھارت کے درمیان کشیدگی اور تناؤ کے درمیان امریکا کا اہم بیان سامنے آگیاCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: چینی وزیر خارجہ بین الاقوامی وانگ ای نے کے درمیان نے کہا کہ
پڑھیں:
حق سچ کی آواز اٹھانے والے صحافیوں پر ظلم و تشدد بند ہونا چاہیے، مریم نواز
وزیر اعلیٰ پنجاب کا صحافیوں کیخلاف جرائم کے خاتمے کے عالمی دن پر اپنے پیغام میں کہنا تھا کہ دن منانے کا مقصد حق اور سچ کی پاداش میں قتل ہونے یا تکلیفیں سہنے والے صحافیوں کو یاد کرنا ہے، پنجاب میں صحافی اور صحافت محفوظ ہے، اللہ تعالیٰ کے فضل و کرم سے یہاں ان کے قتل و تشدد کے واقعات نہ ہوئے نہ ہی ہوں گے،بے گھر صحافیوں کیلئے اپنی چھت کا خواب پورا کرنے کیلئے پُرعزم ہیں، حق اور سچ کی راہ پر چلنے والے صحافیوں کیساتھ ہیں اور ان کے حقوق کا تحفظ کریں گے۔ اسلام ٹائمز۔ وزیر اعلیٰ پنجاب مریم نواز شریف نے صحافیوں کیخلاف جرائم کے خاتمے کے عالمی دن پر اپنے پیغام میں کہا ہے کہ حق سچ کی آواز اٹھانے والے صحافیوں پر ظلم و تشدد بند ہونا چاہیے، احساس ذمہ داری کیساتھ آزادی صحافت جمہوریت کی اساس ہے۔ مریم نواز نے کہا کہ مضبوط جمہوری معاشرے کیلئے صحافت کا آزاد ہونا بہت ضروری ہے، صحافی معاشرتی انصاف کے محافظ اور عوام کی آواز ہیں، ظلم، ناانصافی اور جھوٹ کو بے نقاب کرنیوالے صحافی ہیرو ہیں۔ مریم نواز کا کہنا تھا کہ بحیثیت وزیر اعلیٰ آزادی صحافت کے تحفظ کی ضامن ہوں، صحافیوں کے حقوق کے تحفظ کیلئے حکومت متعدد اقدامات کر رہی ہے۔ مریم نواز نے کہا کہ بے گھر صحافیوں کیلئے اپنی چھت کا خواب پورا کرنے کیلئے پُرعزم ہیں، حق اور سچ کی راہ پر چلنے والے صحافیوں کیساتھ ہیں اور ان کے حقوق کا تحفظ کریں گے۔ مریم نواز کا کہنا ہے کہ دن منانے کا مقصد حق اور سچ کی پاداش میں قتل ہونے یا تکلیفیں سہنے والے صحافیوں کو یاد کرنا ہے، پنجاب میں صحافی اور صحافت محفوظ ہے، اللہ تعالیٰ کے فضل و کرم سے یہاں ان کے قتل و تشدد کے واقعات نہ ہوئے نہ ہی ہوں گے۔
کوئٹہ، خاتون ٹیچر کے قتل میں ملوث مرکزی ملزم گرفتار