مودی نے پہلگام فالس فلیگ کا ڈراما بِہار الیکشن کیلئے رچایا،بھارتی میڈیا
اشاعت کی تاریخ: 4th, May 2025 GMT
پوری قوم پہلگام واقعے کے غم میں مبتلا ہے اور مودی بہار انتخابات میں مصروف ہیں، میڈیا
مودی پہلگام واقعے کو سیاسی پوائنٹ اسکورنگ کے لیے استعمال کررہے ہیں، سیاسی تجزیہ کار
پہلگام فالس فلیگ کے فوراً بعد مودی کی بہار الیکشن کے لیے اچانک سرگرمیاں بھارتی میڈیا کی شہ سرخیوں میں شامل ہو گئیں، جس سے مودی سرکار کا پورا ڈراما بے نقاب ہوگیا۔بہار انتخابات جیتنے کے لیے مودی کا پہلگام ڈراما بے نقاب ہو چکا ہے ۔ ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی نے بہارانتخابات جیتنے کے لیے پہلگام فالس فلیگ کا ڈراما رچایا، جسے خود بھارتی ذرائع ابلاغ پر بھی بہار انتخابات ہی سے جوڑا جا رہا ہے ۔ٹائمز آف انڈیا کے مطابق بھارت کی اپوزیشن جماعت کانگریس، آر جے ڈی نے مودی کے بہار دورے پر تنقید کی ہے ۔ اسی طرح اے این آئی نے رپورٹ کیا ہے کہ آر جے ڈی نے پٹنہ میں مودی اور وزیر اعلیٰ نتیش کمار کیخلاف بینرز لگا دیے ہیں۔ٹائمز آف انڈیا کے مطابق آر جے ڈی نے مودی کی جانب سے بہار میں پہلگام حملے کے بعد ریلی پر شدید تنقید کی ہے ۔ دریں اثنا سینئر بھارتی صحافی نے سوال اٹھایا ہے کہ پہلگام واقعے کے 45گھنٹے کے بعد آپ ووٹ مانگنے پہنچ گئے ۔این اے آئی کے مطابق پوری قوم پہلگام واقعے کے غم میں مبتلا ہے اور مودی بہار انتخابات میں مصروف ہیں۔اسی طرح سوشل میڈیا پر بھی مودی کی سیاسی سرگرمیاں زیر گردش ہیں، جن میں کہا جا رہا ہے کہ راہول گاندھی پہلگام میں متاثرہ خاندانوں سے ملیں گے جب کہ مودی انتخابات میں مصروف ہیں۔سیاسی تجزیہ کاروں کا کہنا ہے کہ بھارت میں یہ رائے زور پکڑتی جا رہی ہے کہ مودی کا پہلگام ڈراما بہار انتخابات جیتنے کے لیے تھا۔ مودی کے بیانات اس بات کو ظاہر کرتے ہیں کہ وہ پہلگام حملے کو سیاسی پوائنٹ اسکورنگ کے لیے استعمال کر رہا ہے اور شواہد سے یہ ثابت ہو چکا کہ پہلگام حملہ پہلے سے طے شدہ تھا۔
.ذریعہ: Juraat
پڑھیں:
سینیٹ الیکشن میں پارٹی ڈسپلن کی خلاف ورزی، صائمہ خالد کو شوکاز نوٹس جاری کرنے کا فیصلہ
صائمہ خالد—تصویر بشکریہ سوشل میڈیاترجمان پاکستان تحریک انصاف (پی ٹی آئی) عدیل اقبال کا کہنا ہے کہ سینیٹ الیکشن میں پارٹی ڈسپلن کی خلاف ورزی پر صائمہ خالد کو شوکاز نوٹس جاری کیا جائے گا۔
ذرائع کے مطابق صائمہ خالد نے اپنے تحفظات سے متعلق پارٹی کو آگاہ کردیا تاہم انہوں نے سینیٹ ضمنی انتخاب پر مؤقف دینے سے معذرت کی۔
پشاور سے جاری کیے گئے بیان میں ان کا کہنا ہے کہ بانیٔ پی ٹی آئی نے سینیٹ کے ضمنی انتخابات کے لیے مشال یوسفزئی کو نامزد کیا تھا۔
عدیل اقبال نے کہا کہ صائمہ خالد چیئرمین پی ٹی آئی بیرسٹر گوہر کے کہنے کے باجود انتخابات سے دستبرار نہیں ہوئیں۔
انہوں نے کہا کہ بانیٔ پی ٹی آئی کے احکامات کی پاسداری پوری پارٹی پر لازم ہے، خلاف ورزی پر صائمہ خالد کو شوکاز نوٹس جاری کیا جائے گا۔
شہر قائد میں آئندہ ایک ہفتے تک تیز بارش کا کوئی امکان نہیں