پاکستان مخالف بیان دینے سے انکار، بھارتی نوجوان نے پاکستان زندہ باد کا نعرہ لگا دیا
اشاعت کی تاریخ: 6th, May 2025 GMT
بھارتی نوجوان نے صحافی کے سامنے پاکستان زندہ باد کا نعرہ لگا دیا جس کی ویڈیو سوشل میڈیا پر وائرل ہو گئی۔
وائرل ویڈیو میں دیکھا جا سکتا ہے کہ ایک بھارتی صحافی نوجوان کو پاکستان مخالف بیان دینے پر مجبور کرتا ہے لیکن وہ نوجوان انکار کردیتا ہے جس پر صحافی کہتا ہے کہ آپ بھارت میں رہتے ہوئے پاکستان کا دفاع کر رہے ہیں آپ کو ذرا بھی شرم نہیں آ رہی۔
نوجوان نے بھارتی صحافی کو جواب دیتے ہوئے کہا کہ ’نہیں، مجھے شرم نہیں آرہی لیکن آپ جو خبر بنا رہے ہیں آپ کو شرم نہیں آرہی؟‘
An Indian boy said “Pakistan Zindabad”.
— Jalaad ???? حمزہ (@SaithHamzamir) April 26, 2025
نوجوان کا کہنا تھا کہ آپ ہندو اور مسلمانوں کے بارے میں جھوٹی خبریں بنا کر پھیلا رہے ہیں اور یہ بتائیں کہ بھارت کا دفاع کیوں کرنا ہے؟ پاکستان میں بھی ہندو اور مسلمان دونوں رہتے ہیں اور ہندوستان میں بھی تو پھر کیوں ختم کرنا ہے؟
بھارتی صحافی نے پاکستان کا دفاع کرنے والے نوجوان سے پوچھا کہ آپ کا نام کیا ہے اور آپ کا تعلق کہاں سے ہے؟ جس پر نوجوان نے جواب دیا کہ اس کا نام محمد کیف ہے اور اس کا تعلق بہار سے ہے۔
صحافی نے بھارتی نوجوان سے پوچھا کہ کیا پاکستان کو ختم نہیں کرنا چاہیے جس پر اس نے جواب دیا کہ نہیں۔ نوجوان نے مزید کہا سب انسان ہیں، سب کو زندگی جینے کا پورا حق ہے اور میں اس معاملے میں پاکستان کا دفاع کرتا ہوں۔
ویڈیو پر صارفین کی جانب سے مختلف تبصرے کیے گئے۔ ایک انڈین صارف نے ویڈیو پر تبصرہ کرتے ہوئے کہا کہ میں اس نوجوان کی عزت کرتا ہوں کم از کم یہ گھاس میں چھپے سانپ کی طرح نہیں ہے۔
I admire that guy, atleast he is not a viper hiding in the grass
— Venkata Siva (@VenkataSiva_64) April 26, 2025
شاہ رخ نامی صارف نے طنزاً لکھا کہ لگتا ہے نوجوان نے آپشنل سبجیکٹ میں مطالعہ پاکستان پڑھا ہے۔
@whyagainfaran Larkay ne optional subject mein Pakistan Studies parhi thi lagta ????
— Shahrukh (@entrovertInsaan) April 26, 2025
ایک صارف نے تشویش کا اظہار کرتے ہوئے کہا کہ اس بیان کے بعد ’کوئی بچے کو بچا لے‘۔
Kehta q sharm aye gi ????aww koi bachay ko bacha lay abb
— an_um ___ yamm ❤ (@kabitobulalo) April 26, 2025
خان صاحب لکھتے ہیں یہ بچہ بہت ہمت والا ہے۔
Wah yar himmatwala Bacha haw
— KhanSahab (@KhanSahab1999) April 27, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا پاکستان انڈیا جنگ پہلگام ویڈیو وائرل
ذریعہ
ذریعہ: WE News
کلیدی لفظ: انڈیا پاکستان انڈیا جنگ پہلگام ویڈیو وائرل نوجوان نے کا دفاع
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ