کذابوں کا ٹولہ اور پاکستان کی تاریخی جیت
اشاعت کی تاریخ: 13th, May 2025 GMT
نجانے کذب بیانی کے علمبردار میجر عادل، عمران ریاض،شہباز گل،میجر سوریا،کرنل بخشی ،حسن الیاس، غامدی وغیرہ وغیرہ ابھی تک زندہ ہیں،یا پھر چلو بھر پانی میں ڈوب مرے؟اگر ڈوب مرے تو رب ان کی آتماوں کو کذب بیانیوں کی پوری پوری سزا دے ،لیکن اگر یہ بھی اپنے گرو گھنٹال نریندر مودی کی طرح ڈھیٹ بن کر ابھی تک زندہ ہیں تو پھر آئیے ان کی کذب بیانیوں کی دھجیاں اڑاتی خبر کو ایک دفعہ غور سے پڑھنے کے بعد کذابوں کے اس ٹولے کے تبصروں اور تجزیوں پر چار حرف بھیجیں ، خبر کے مطابق ، پاکستان کی مسلح افواج نے بھارت کے مسلسل جارحانہ اقدامات کا بھرپور جواب آپریشن بنیان مرصوص سے دے دیا ،پاکستان نے بھارتی فوجی اڈے، ائیر فیلڈز ، براہموس اسٹوریج سائٹ اور ایس 400نظام تباہ کردیا ، بھارت پر فتح ون میزائل فائر کرکے آپریشن کا آغاز کیا گیا جس نے انڈیا کو ہلا کر رکھ دیا، بھارت میں 10سے زائد اہداف کو نشانہ بنایا گیا، سکیورٹی ذرائع کا کہنا ہے کہ آدم پور، ادھم پور، بھٹنڈا، سورت گڑھ، مامون، اکھنور، جموں، سرسہ اور برنالہ کی ایئر بیسز اورائیر فیلڈز کو تباہ کردیا گیا ،بھارتی اڑی فیلڈ سپلائی ڈپو اور ہلوارا ایئر فیلڈ بھی تباہ کر دی گئی،سکیورٹی ذرائع کے مطابق ان تمام بیسز سے جہاں سے پاکستان کے عوام، مساجد و دیگر مقامات پر حملے کئے گئے تھے، ان کو ٹارگٹ کیا گیا، سکیورٹی ذرائع کے مطابق پاکستان کے جے ایف 17 تھنڈر نے ہائپر سونک میزائلوں سے آدم پور میں بھارت کا دفاعی نظام S-400سسٹم تباہ کردیا، ایس 400 ایئر ڈیفنس سسٹم کی مالیت لگ بھگ ڈیڑھ ارب ڈالر ہے، پاکستان میں دہشت گردی کروانے والا راجوڑی میں بھارتی ملٹری انٹیلی جنس کا تربیتی مرکز بھی تباہ کردیا گیا، سکیورٹی ذرائع کے مطابق پاکستان نے بیاس کے علاقے میں براہموس اسٹوریج سائٹ تباہ کر دی۔
سکیورٹی ذرائع کا کہنا ہے کہ پاک فوج نے بھارتی فوج کا سیٹلائٹ جام کردیا، پاک فضائیہ کی کارروائی کے بعد بھارتی فوجی سیٹلائٹ نے کام چھوڑ دیا۔ سکیورٹی ذرائع کا کہنا ہے کہ پاکستانی فتح میزائل کی لانچ شہید پاکستانی بچوں کے نام کردی گئی، پاکستان ان معصوم بچوں کی شہادت کو بھولا ہے نہ کبھی بھولے گا، یہ پاکستانی معصوم بچے بھارت کی پاکستان میں جارحیت میں شہید کئے گئے تھے۔ بھارتی فوج کے مطابق پاکستان نے 26مقامات پر فضائی دراندازیاں کرنے کی کوشش کی۔بھارتی فوج کا کہنا ہے کہ پاکستان نے پنجاب میں فضائی اڈے کو نشانہ بنانے کے لئے تیز رفتار میزائل کا استعمال کیا۔اعترافی بیان میں بھارتی فوج نے کہا کہ بھارتی فوجی اڈوں پر ساز و سامان اور عملے کو نقصان پہنچا ہے۔بھارتی محکمہ خارجہ اور محکمہ دفاع نے مشترکہ بریفنگ میں بتایا کہ پاکستان نے پنجاب میں فضائی اڈوں کو نشانہ بنانے کے لئے تیز رفتار میزائل کا استعمال کیا۔انہوں نے کہا کہ پاکستان نے ادھم پور، بھوج، بھٹنڈا اور پٹھان کوٹ میں بھارتی ایئرفورس بیسز کو نشانہ بنایا۔ سرسہ ایئر فیلڈ کی تباہی کی تصدیق انڈین میڈیا نے خود کردی، بھارتی میڈیا نے پٹھان کوٹ، پونچھ اور جموں ایئر بیسز پر پاکستانی حملوں کا اعتراف کر لیا۔ بھارتی فوج نے ائیر بیسز اور ائیر فیلڈز کی تباہی کی تردید کی ہے ۔ مقبوضہ کشمیر کے علاقے نوشہرہ میں بھارتی ملٹری انٹیلی جنس کا تربیتی مرکز تباہ کردیا گیا، تباہ کیا گیا بھارتی ملٹری انٹیلی جنس کا تربیتی مرکز پاکستان میں دہشت گردی کروا رہا تھا۔ایل او سی پر ربتانوالی پوسٹ، ڈنہ پوسٹ، خواجہ بھیک کمپلیکس اور رنگ کنٹوئر بالمقابل سنکھ، کافر مہری، شاہپر 3اور غدر ٹاپ کو مکمل تباہ کر دیا گیا، افواج پاکستان کی توپوں نے بھارتی توپوں کو خاموش کروا دیا۔ لائن آف کنٹرول پر بھی منہ توڑ جواب دیا گیا ، سکیورٹی ذرائع نے بتایا ہے کہ پاک فوج نے دشمن کی مزید متعدد پوسٹوں کو تباہ کر دیا، سکیورٹی ذرائع کا کہنا ہے کہ دشمن کی پانڈو سیکٹر میں چھاو گلی پوسٹ، لیپہ سیکٹر میں لعل جان پوسٹ تباہ کر دی گئی، بھارت کے قلعہ ڈھیر، گرین پلیٹو پوسٹ، جنگل ون پوسٹ بالمقابل پیر کانٹھی سیکٹر، نیو کمپلیکس بالمقابل دھودی سیکٹر کو بھی تباہ کر دیا اب بڑھتے ہیں بنگلہ دیش کے تجزیہ نگار اقبال لطیف کی چشم کشا تحریر کی طرف جو لکھتے ہیں کہ طاقت، جب تک آزمائی نہ جائے، مقدس سمجھی جاتی ہے۔ مگر جب اسے بلا ضرورت دکھایا جائے، تو یہ اس کی حدود کو بے نقاب کر دیتی ہے۔ یہی باز رکھنے کا بنیادی اصول ہے، ایک مضبوط رہنما کو کبھی چھڑی نہیں گھمانا چاہیے جب تک یقین نہ ہو کہ وہ ضرب نشانے پر لگے گی۔مودی کے پاس بڑی چھڑی تھی۔ ان کے پاس ابہام کا فائدہ تھا، زبردست طاقت کا خوف اور ابھرتی ہوئی بھارت کی عالمی شبیہہ۔ مگر انہوں نے اس کا استعمال کیا نہ کہ درست ضرب لگانے کے لیے، بلکہ محض بہادری کا مظاہرہ کرنے کے لئے اور اسی میں انہوں نے اس طاقت کی کھوکھلا پن ظاہر کر دیا۔اب دشمن کو چھڑی سے خوف نہیں۔ اب دنیا نے دیکھ لیا ہے کہ بھارتی فضائی قوت کو روکا جا سکتا ہے اور پاکستان جسے مودی کی حکمت عملی مٹانے کے درپے تھی کمزور ہو کر نہیں، بلکہ بیدار ہو کر ابھرا ہے۔یہ صرف ایک تزویراتی ناکامی نہیں، بلکہ تاریخ میں یاد رکھا جانے والا لمحہ ہے کہ جب بھارت نے شکست کے ذریعے نہیں، بلکہ حد سے تجاوز کر کے اپنی برتری کھو دی۔یہ محض ایک جھڑپ نہ تھی۔ یہ طاقت اور تاثر کا نقشہ دوبارہ کھینچنے کی کوشش تھی۔ مگر بھارت کی حکمت عملی جس کا مقصد غلبہ حاصل کرنا تھا اپنی حدود ظاہر کرنے پر ختم ہوئی۔
بھارتی فضائیہ، جسے طویل عرصے سے برتر سمجھا جاتا تھا، آزمائی گئی اور روک دی گئی۔ چھڑی پاکستان کو توڑنے کے لیے گھمائی گئی۔ لیکن وہ ہوا میں ہی ٹوٹ گئی۔ ( جاری ہے )
ذریعہ: Daily Ausaf
کلیدی لفظ: پاکستان نے میں بھارتی بھارتی فوج کہ پاکستان تباہ کردیا تباہ کر دی میں بھارت کے مطابق نے بھارت کو نشانہ دیا گیا کر دیا فوج نے
پڑھیں:
کیڈٹ کالج وانا میں موجود تمام خوارجی دہشت گردہلاک
data-id="863a0a8" data-element_type="widget" data-widget_type="theme-post-content.default">
وانا: کیڈٹ کالج وانا پر حملہ آور تمام خوارج کو ہلاک کردیاگیا۔
سکیورٹی ذرائع کے مطابق کیڈٹ کالج پر حملہ آور ایک خودکش کے علاوہ چار خوارج کامیاب آپریشن کرکے ہلاک کردیئے گئے۔ کالج کی بلڈنگ کو بارودی سرنگوں کے خطرے کی وجہ سے کلیئرکیا جا رہا ہے۔
سکیورٹی ذرائع نے بتایاکہ کیڈٹ کالج پر حملے کے وقت 525 کیڈٹس سمیت تقریباً 650 افراد موجود تھے۔ کامیاب آپریشن کے دوران کیڈٹ کالج کےکسی بھی طالب علم یا استادکو کوئی نقصان نہیں پہنچا۔
سکیورٹی ذرائع کا کہنا ہےکہ افغان خوارج کی کالج میں موجودگی اورکیڈٹس کی جانوں کی حفاظت کے پیش نظر آپریشن نہایت احتیاط اور حکمت عملی سےکیا گیا۔
خیال رہےکہ گزشتہ روز افغان خوارج نےکالج کے مرکزی گیٹ سے بارود سےبھری گاڑی ٹکرا دی تھی، دھماکے سےکالج کا مرکزی گیٹ گرگیا اورقریبی عمارتوں کو بھی نقصان پہنچاتھا۔
بھارتی ریاست بہار میں اسمبلی انتخابات کا آغاز، پہلے مرحلے میں 28 فیصد ووٹنگ مکمل