دورہ سعودی عرب: وزیراعظم شہباز شریف نے عمرہ کی سعادت حاصل کی
اشاعت کی تاریخ: 6th, June 2025 GMT
وزیراعظم محمد شہباز شریف 2 روزہ سرکاری دورے پر سعودی عرب میں موجود ہیں، جہاں وہ پاکستانی وفد کے ہمراہ عمرہ کی سعادت حاصل کر چکے ہیں۔ عمرہ کی ادائیگی کے موقع پر وزیراعظم نے پاکستان کی ترقی، خوشحالی، امت مسلمہ کے اتحاد اور غزہ کے مظلوموں کے لیے خصوصی دعائیں کیں۔
وزیراعظم کا یہ دورہ سعودی ولی عہد شہزادہ محمد بن سلمان کی دعوت پر 5 اور 6 جون کو ہو رہا ہے، جس کے دوران وہ عیدالاضحیٰ بھی سعودی عرب میں گزار رہے ہیں۔
وزیراعظم کی جدہ آمد پر ان کا پرتپاک استقبال کیا گیا۔ گورنر جدہ شہزادہ سعود بن عبداللہ جلاوی، سعودی عرب میں پاکستان کے سفیر نواف بن سعید المالکی، پاکستان کے سعودی عرب میں سفیر احمد فاروق اور دیگر اعلیٰ سفارتی حکام نے وزیراعظم کا استقبال کیا۔
مزید پڑھیں: وزیرِاعظم شہباز شریف 2 روزہ دورہ سعودی عرب پر روانہ، عید الاضحیٰ سعودی ولی عہد کے ہمراہ منائیں گے
دورے کے دوران وزیراعظم شہباز شریف اور ولی عہد محمد بن سلمان کے درمیان خصوصی ملاقات طے ہے۔ اس ملاقات میں پاکستان اور سعودی عرب کے درمیان تجارت، سرمایہ کاری، امت مسلمہ کی فلاح و بہبود، اور علاقائی امن و سلامتی سمیت اہم شعبوں میں دوطرفہ تعاون کو مزید مضبوط بنانے پر بات چیت ہو گی۔
ذرائع کے مطابق وزیراعظم، حالیہ پاک بھارت کشیدگی میں کشیدگی کم کرنے کے لیے سعودی قیادت کے تعمیری کردار پر ان کا شکریہ بھی ادا کریں گے۔ یہ دورہ پاکستان اور سعودی عرب کے درمیان تعلقات میں ایک اہم سنگ میل ثابت ہو سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی عرب عمرہ کی سعادت وزیراعظم شہباز شریف.ذریعہ: WE News
کلیدی لفظ: عمرہ کی سعادت وزیراعظم شہباز شریف شہباز شریف عمرہ کی
پڑھیں:
میاں محمد اظہر کے انتقال پر نواز شریف اور شہباز شریف کا اظہارِ افسوس
مسلم لیگ (ن) کے صدر اور سابق وزیرِ اعظم میاں محمد نواز شریف اور وزیرِ اعظم میاں شہباز شریف نے سینیئر سیاستدان میاں محمد اظہر کے انتقال پر گہرے دکھ اور افسوس کا اظہار کیا ہے۔
اپنے تعزیتی پیغام میں نواز شریف نے مرحوم کے خاندان سے دلی ہمدردی کا اظہار کرتے ہوئے کہا کہ میاں محمد اظہر ایک باوقاراورسینیئرسیاسی شخصیت تھے، جن کا ملک کی سیاست میں ایک اہم مقام رہا۔
نواز شریف نے مزید کہا کہ میاں محمد اظہر کے والد کا ان کے والد، میاں محمد شریف مرحوم کے ساتھ دیرینہ اور قریبی تعلق تھا، جو آج بھی ان کے دل میں محفوظ ہے۔
نواز شریف نے دعا کی کہ اللہ رب العزت میاں محمد اظہر مرحوم کو اپنے جوارِ رحمت میں جگہ عطا فرمائے اور ان کے اہل خانہ کو صبر جمیل دے۔
وزیرِ اعظم شہباز شریف نے بھی میاں محمد اظہر کے انتقال کو قومی نقصان قرار دیتے ہوئے ان کے خاندان کے ساتھ اظہارِ تعزیت کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اظہار افسوس شہباز شریف میاں اظہر نواز شریف
عمران خان سے متعلق سوال، امریکی محکمہ خارجہ کا جواب دینے سے گریز