خیبر پختونخوا بجٹ کا 66 فیصد حکومتی امور اور سرکاری ملازمین پر خرچ ہو گا، عوام کے لیے کیا ریلیف ہے؟
اشاعت کی تاریخ: 13th, June 2025 GMT
خیبر پختونخوا حکومت نے مالی سال 2025-26 کے لیے 157 ارب روپے کا سرپلس بجٹ پیش کردیا۔ بجٹ کا کل تخمینہ 2 ہزار119 ارب روپے کا لگایا گیا ہے، جس میں سے سالانہ ترقیاتی پروگرام کے لیے 547 ارب روپے مختص کرنے کی تجویز ہے۔
یہ بھی پڑھیں: صوبہ سندھ کے بجٹ سال 2025-26 میں عوام کے لیے خاص کیا ہے؟
وزیر خزانہ و قانون افتاب عالم نے بجٹ اسمبلی میں پیش کیا اور بتایا کہ صوبائی بجٹ میں کوئی نیا ٹیکس نہیں لگایا گیا، جبکہ وفاق کے برعکس سابقہ فاٹا اور پاٹا میں ٹیکس نہ لگانے کی تجویز پیش کی گئی ہے۔
بجٹ کا 66 فیصد حکومتی امور اور سرکاری ملازمین پر خرچ ہو گاخیبر پختونخوا حکومت کے بجٹ کا مجموعی تخمینہ 2119 ارب روپے لگایا گیا ہے، صوبائی بجٹ 3 حصوں میں تقسیم کیا گیا ہے، اخراجاتِ جاریہ، ترقیاتی پروگرام، اور معمولی حصہ سرپلس کے لیے رکھا گیا ہے۔
بجٹ دستاویز کے مطابق صوبائی بجٹ کے 2119 ارب روپے میں سے 1415 ارب روپے اخراجاتِ جاریہ یعنی سرکاری امور چلانے، سرکاری ملازمین کی تنخواہوں اور پنشن کی ادائیگیوں کے لیے مختص کرنے کی تجویز ہے، جو بجٹ کا 66 فیصد بنتا ہے۔
یہ بھی پڑھیں: ’یہ غریب مکاؤ بجٹ ہے‘، خیبر پختونخوا حکومت وفاقی بجٹ سے غیر مطمئن کیوں؟
بجٹ دستاویز کے مطابق بجٹ میں صوبائی حکومت کی جانب سے ترقیاتی اخراجات کے لیے 547 ارب روپے مختص کرنے کی تجویز ہے، جو مجموعی بجٹ کا 25 فیصد بنتا ہے۔ یوں 2119 ارب روپے کے بجٹ میں صرف 547 ارب روپے صوبے کی 40 ملین آبادی کی ترقی پر خرچ ہوں گے، جبکہ 66 فیصد حکومت اور سرکاری ملازمین پر خرچ کیا جائے گا۔
صوبے کو 84 فیصد سے زائد فنڈز وفاق سے ملیں گےبجٹ دستاویز کے مطابق خیبر پختونخوا فنڈز کے لیے وفاق پر انحصار کرتا ہے، جبکہ صوبے کی اپنی آمدن نہ ہونے کے برابر ہے۔ بجٹ دستاویز میں وفاقی محصولات اور ترقیاتی منصوبوں کا تخمینہ 1797 ارب روپے لگایا گیا ہے، جو بجٹ کا 84 فیصد سے زائد بنتا ہے۔
بجٹ دستاویز کے مطابق صوبائی محصولات کا تخمینہ 129 ارب روپے لگایا گیا ہے، جو بجٹ کا صرف 6 فیصد بنتا ہے، جبکہ 9 فیصد بیرونی قرضوں، امداد اور گرانٹس سے ملنے کی تجویز ہے۔
سابقہ فاٹا اور پاٹا میں ٹیکس ریلیف برقراربجٹ میں صوبائی حکومت نے وفاق کے برعکس سابقہ قبائلی علاقوں اور مالاکنڈ ڈویژن میں ٹیکس ریلیف کو برقرار رکھنے کی تجویز دی ہے، جبکہ وفاق نے ان علاقوں میں 10 فیصد سیلز ٹیکس لگانے کی تجویز دی ہے۔
یہ بھی پڑھیں: تنخواہ دار طبقے کے لیے خوشخبری: وفاقی بجٹ 26-2025 میں انکم ٹیکس کی شرح کم کر دی گئی
بجٹ دستاویزات کے مطابق حکومت نے بجٹ میں رہائشی اور کمرشل پراپرٹی کی الاٹمنٹ اور ٹرانسفر اسٹامپ ڈیوٹی دو فیصد سے کم کر کے ایک فیصد کرنے کی تجویز دی ہے، جبکہ 4.
بجٹ میں ہوٹل بیڈ ٹیکس کو 10 فیصد سے کم کر کے 7 فیصد کرنے کی تجویز ہے، اور 36 ہزار روپے ماہانہ آمدنی والے افراد پر پروفیشنل ٹیکس ختم کرنے کی تجویز بھی شامل ہے۔ حکومت نے بجٹ میں الیکٹرک گاڑیوں کی رجسٹریشن فیس اور ٹوکن ٹیکس معاف کرنے کی تجویز دی ہے۔
سرکاری ملازمین کو 10 فیصد، پنشنرز کو 7 فیصد اضافہ، کم از کم اجرت 40 ہزاروزیر خزانہ نے بجٹ تقریر میں بتایا کہ حکومت نے سرکاری ملازمین کی بنیادی تنخواہ میں 10 فیصد اور پنشن میں 7 فیصد اضافے کی تجویز دی ہے۔ بتایا گیا کہ صوبے میں کم از کم اجرت 37 ہزار سے بڑھا کر 40 ہزار کرنے کی تجویز ہے۔
بتایا گیا کہ بجٹ میں ایگزیکٹو الاؤنس نہ لینے والے سرکاری ملازمین کا ڈسپیرٹی الاؤنس 15 سے بڑھا کر 20 فیصد کرنے کی تجویز دی گئی ہے۔
’سال 2030 تک بجٹ صرف سرکاری ملازمین کے لیے پورا ہو گا‘لحاظ علی پشاور کے سینئر صحافی ہیں جو معیشت پر گہری نظر رکھتے ہیں۔ انہوں نے بتایا کہ خیبر پختونخوا میں سرکاری ملازمین کی تعداد 6 لاکھ 80 ہزار تک ہے اور صرف ان کی تنخواہوں کے لیے 1100 ارب روپے خرچ ہوں گے، جبکہ صوبے کی مجموعی آبادی تین کروڑ 50 لاکھ سے زائد ہے۔ بجٹ میں صرف پونے 7 لاکھ سرکاری ملازمین پر 1100 ارب سے زائد جبکہ باقی 3 کروڑ 43 لاکھ آبادی کے لیے 250 ارب روپے کا ترقیاتی بجٹ دیا گیا ہے۔ انہوں نے کہا کہ صحیح معنوں میں دیکھا جائے تو ترقیاتی بجٹ صرف 250 ارب ہے، جبکہ لکھا 547 ارب ہے۔
انہوں نے کہا کہ صوبے میں کوئی بھی سرکاری محکمہ گڈ گورننس کے لیے مثال کے طور پر پیش نہیں کیا جا سکتا۔ ہر سرکاری محکمے میں رشوت اور کمیشن سرعام لی جا رہی ہے، لیکن اس کے باوجود ان کے لیے 1100 ارب سے زائد کا بجٹ مختص کیا گیا ہے۔
لحاظ علی نے کہا کہ زیادتی تو یہ ہے کہ ریٹائرڈ سرکاری ملازمین کے لیے پنشن کی مد میں 195 ارب روپے کی ادائیگی کی جائے گی۔ انہوں نے کہا کہ 2030 تک عام آدمی کے لیے بجٹ سکڑ کر صرف سرکاری ملازمین کی تنخواہوں تک محدود ہو جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بجٹ پنشن ترقیاتی منصوبے تنخواہیں خیبرپختونخوا سرکاری ملازمین عوامذریعہ: WE News
کلیدی لفظ: ترقیاتی منصوبے تنخواہیں خیبرپختونخوا سرکاری ملازمین عوام بجٹ دستاویز کے مطابق سرکاری ملازمین کی سرکاری ملازمین پر کرنے کی تجویز ہے کی تجویز دی ہے خیبر پختونخوا نے کہا کہ حکومت نے ارب روپے انہوں نے بنتا ہے فیصد سے کہ صوبے خرچ ہو کے لیے بجٹ کا
پڑھیں:
حکومتی اخراجات میں زیادہ کمی نہیں ہوسکتی‘ تنخواہ دار طبقے کو ہرممکن ریلیف دینا چاہتے تھے .وفاقی وزیرخزانہ
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔11 جون ۔2025 )وفاقی وزیر خزانہ محمد اورنگزیب نے کہا ہے کہ چھوٹے گھروں کے لیے قرض اسکیم جلد متعارف کرانے جا رہے ہیں، تنخواہ دار طبقے کو ہرممکن ریلیف دینا چاہتے تھے لیکن گنجائش کے حساب سے ہی آگے جاسکتے ہیں،7 ہزار میں سے 4 ہزار ٹیرف لائنز میں کسٹم ڈیوٹی کو ختم کردیا، ایسی اصلاحات 30 سال میں نہیں کی گئیں.(جاری ہے)
اسلام آباد میں پوسٹ بجٹ پریس کانفرنس سے خطاب کرتے ہوئے وزیر خزانہ محمد اورنگزیب نے کہاکہ 2 ہزار 700 ٹیرف لائنز میں کسٹم ڈیوٹی کو کم کیا گیا ہے، جن میں سے 2 ہزار ٹیرف لائنز براہ راست خام مال سے تعلق رکھتی ہیں، اس کے نتیجے میں برآمدکنندگان کو فائدہ پہنچے گا کیونکہ اخراجات میں کمی آنے سے وہ مسابقت کے قابل ہوں گے اور زیادہ برآمدات کرسکیں گے. محمد اورنگزیب نے کہاکہ یہ پہلے سال کے اعداد وشمار ہیں، آئندہ سالوں میں ٹیرف میں کٹوتی کو مزید آگے لے کر جائیں گے اور ٹیرف کے پورے نظام میں مجموعی طور پر 4 فیصد کمی کی جائے گی، اس طرح کی اصلاحات گزشتہ 30سال میں نہیں کی گئیں انہوں نے کہاکہ اسٹرکچرل ریفارم کے حوالے سے بہت بڑا قدم ہے اور ہم اسے مزید آگے لے کر جائیں گے. انہوں نے کہا کہ وزیراعظم اور میری خواہش تھی کہ تنخواہ دار طبقے کو جتنا ریلیف دے سکتے ہیں دے دیں، لیکن حقیقت یہ ہے کہ ہم مالی گنجائش کے حساب سے ہی آگے جاسکتے ہیں، یہ سفر کی سمت کا تعین کرتا ہے کہ ہم تنخواہ دار طبقے کو کہاں لے جانا چاہتے ہیں، ہائر کلاس سمیت تنخواہ دار طبقے کو مختلف سلیبز میں تقسیم کیا ہے. وزیر خزانہ نے کہا کہ ہم مڈسائز کارپوریٹ سے شروع ہوئے ہیں اور ان کے سپر ٹیکس میں کمی شروع کی ہے چاہے وہ 0.5 فیصد ہی کیوں نہ ہو، یہ اہم اشارہ ہے وزیر خزانہ نے کہاکہ ہماری کوشش ہے کہ ٹرانزیکشن کاسٹ کو کم کیا جائے، بیچنے والا تو پھر نفع کماتا ہے لیکن خریدار کو ریلیف ملنا چاہیے، اس لیے خریداروں کے لیے ٹرانزیکشن کاسٹ کم کی گئی ہے، انہوں نے کہاکہ اسی طرح فیڈرل ایکسائز ڈیوٹی کو بھی ختم کیا گیا ہے تو اس میں ٹرانزیکشن کاسٹ میں کمی کی بات کی گئی ہے. وزیر خزانہ نے چھوٹے گھروں کے لیے قرض اسکیم جلد متعارف کرانے کا عندیہ دیتے ہوئے کہا کہ اگر کسی کو اپنا گھر بنانا ہے اور خاص طور پر 5 مرلے سے چھوٹا گھر بنانا ہے تو اس میں مورگیج فنانسنگ کی بات بہت اہم ہے، اسٹیٹ بینک کے ساتھ مل کر طے کیا جائے گا کہ کتنا قرض فراہم کرنا ہے پھر اس اسکیم کو جلد لانچ کرنے والے ہیں. وزیرخزانہ نے زرعی شعبے پر بات کرتے ہوئے کہاکہ اس سال ہم نے کھاد اور زرعی ادویہ پر اضافی ٹیکس عائد کرنا تھا یہ اسٹرکچرل بینچ مارک تھا اس کی وجہ یہ تھی کہ ٹیکس چھوٹ کے جتنے نظام ہیں انہیں ختم کیا جائے مگر وزیراعظم کی ہدایت کے مطابق ہم نے آئی ایم ایف کو زرعی ٹیکس نہ لگانے پر قائل کیا انہوں نے کہاکہ گزشتہ بجٹ تقریر میں زرعی شعبے میں قرضوں میں اضافے کی بات کی گئی خاص طور پر چھوٹے کسانوں کو قرضوں کی فراہمی بہت اہمیت کی حامل ہے. وزیر خزانہ نے کہاکہ پچھلے سال ہمیں اضافی ٹیکسز لگانے پڑے کیوں کہ جب ہم عالمی اداروں سے بات کررہے تھے تو وہ ہماری بات ماننے کے لیے تیار نہیں تھے کہ اس ملک میں ٹیکسز کا نفاذ ہوسکتا ہے، قوانین بھی موجود ہیں، قانون سازی بھی ہورہی ہے، ٹیکسز بھی موجود ہیں لیکن ہم انہیں نافذ نہیں کر پارہے تھے، اس سال ہم نے جو ٹیکسز کا نفاذ کیا ہے کہ وہ 400 ارب سے تجاوز کرگیا ہے. انہوں نے کہا کہ اس سال ٹیکسز کے مقابلے میں جی ڈی پی کی شرح 10.3فیصد ہے جو کہ اگلے انشااللہ سال 10.9 فیصد ہوگی، 22 کھرب کی جو بات کی گئی ہے اس میں سے اضافی ٹیکسز صرف 312 ارب روپے ہیں اس بارے میں سوچیں کہ 22 کھرب میں صرف 312 ارب کے اضافی ٹیکسز ہیں اور باقی خود کار نمو اور نفاذ کا پہلو ہے. وزیر خزانہ نے کہاکہ اس حوالے سے اب ہم قانون سازی کی طرف جائیں گے اور دونوں ایوانوں سے بات کریں گے اور ٹیکسز کے نفاذ کے لیے قانون میں ترمیم کریں گے کیونکہ اگر ٹیکسز کا نفاذ نہیں کرسکے تو ہمیں 400 سے 500 ارب روپے کے اضافی اقدامات کرنا پڑیں گے انہوں نے کہاکہ پارلیمان سے ہماری یہی گزارش ہوگی کہ وہ ٹیکسز کے نفاذ کے لیے درکار قانون سازی اور ترامیم مہیا کریں تاکہ ہمیں اضافی اقدامات نہ کرنا پڑیں اور نظام میں لیکیج کو روکا جاسکے. ایک سوال کے جواب میں وزیر خزانہ نے کہاکہ تنخواہوں اور پنشن میں اضافے کو مہنگائی بڑھنے کی شرح سے منسلک کیا گیا ہے انہوں نے کہاکہ یہ کہنا غلط ہے کہ زراعت کا وفاقی حکومت سے تعلق نہیں ہے، زراعت معاشی ترقی کا انجن ہے اور رہے گی ہم اسٹوریج اور جھوٹے کسانوں کو قرضوں کی فراہمی بڑھانے کے لیے صوبوں کے ساتھ مل کر کام کریں گے محمد اورنگزیب نے تنخواہ اور پنشن میں ناکافی اضافے سے متعلق ایک سوال پر کہا کہ دنیا بھر میں چاہے نجی شعبہ ہو یا سرکاری، تنخواہوں اور پنشن کو مہنگائی کی شرح سے منسلک کیا جاتا ہے انہوں نے کہاکہ ہم پر دباﺅ آتا ہے اور یہ بات درست ہے کہ جب ٹیکسز میں اضافہ کیا جارہا ہے تو حکومتی اخراجات کیوں کم نہیں ہورہے اور یہ جائز دباﺅ ہے، اس مرتبہ حکومتی اخراجات میں 1.9 فیصد کا اضافہ ہوا ہے، اس کا کریڈٹ سیکرٹری خزانہ کو جاتا ہے. وزیرخزانہ نے کہاکہ ٹیکس دینے والا تنخواہ دار طبقہ جو یہ اعتراض کرتا تھا کہ وفاقی حکومت کے اخراجات کیوں قابو میں نہیں لائے جارہے انہیں ہمارا جواب ہے کہ حکومتی اخراجات میں اضافہ 2 فیصد سے کم رہا ہے باقی باتیں اپنی جگہ ہیں مگر مالی گنجائش ہو تو ہم کچھ کرسکتے ہیں جتنی چادر ہے اس کے مطابق ہی پاﺅں پھیلانے ہیں انہوں نے واضح کیا کہ ابھی بھی وفاقی حکومت جو کچھ دے رہی ہے وہ قرضے لے کر دے رہی ہے کیونکہ ہم نے خسارے سے ابتدا کی تھی اس موقع پر سیکرٹری خزانہ نے کہا کہ حکومتی اخراجات میں اس سے زیادہ کمی نہیں ہوسکتی تھی جن شعبوں میں اخراجات بڑھے ہیں وہاں شدید ضرورت تھی وفاقی حکومت کے اخراجات میں صرف 2 فیصد اضافہ ہوا ہے، مالی نظم و نسق نہیں دکھایا جاسکتا. سیکرٹری خزانہ نے بتایا کہ مالی سال 23-2022 میں گئے تو وفاقی حکومت کے اخراجات میں 15.9 فیصد اضافہ ہوا، 24-2023 میں گئے تو وفاقی حکومت کے اخراجات 23.6 فیصد بڑھے،25-2024 میں میں حکومتی اخراجات میں 12.2 فیصد اضافہ ہوا، ابھی ہمارے اخراجات 10.3 فیصد بڑھے ہیں جن میں 7.5 فیصد افراط زر اور تنخواہوں میں اضافہ شامل ہے اس سے زیادہ مالی نظم و نسق نہیں دکھایا جاسکتا ہے.
چین اور یورپی یونین کے درمیان تین ” اہم معاملات ” میں پیش رفت