آئی سی سی نے تمام فارمیٹس کے لیے نئے قوانین کا اعلان کردیا
اشاعت کی تاریخ: 16th, June 2025 GMT
انٹرنیشنل کرکٹ کونسل (آئی سی سی) نے مردوں کی عالمی کرکٹ کے تینوں فارمیٹس ٹیسٹ، ون ڈے اور ٹی20 کے لیے قواعد و ضوابط میں متعدد اہم تبدیلیوں کا اعلان کیا ہے، جن میں سب سے نمایاں ون ڈے میچز میں گیند کے استعمال اور کنکشن سبسٹیٹیوٹ کے تقرر سے متعلق نئی پالیسی ہے۔
ون ڈے کرکٹ میں گیند کا نیا اصولموجودہ قانون کے مطابق، ون ڈے میچز میں ہر اینڈ سے ایک نئی گیند استعمال کی جاتی ہے اور یہ گیند 25 اوورز تک استعمال کی جاتی ہے۔ تاہم نئے قانون کے تحت اب دونوں گیندیں 34 اوورز تک استعمال کی جائیں گی، اور 35ویں اوور سے صرف ایک گیند کا انتخاب کر کے اننگز کے اختتام تک اسی سے کھیل جاری رکھا جائے گا۔ اگر میچ 25 اوورز یا اس سے کم کا ہو، تو صرف ایک گیند ہی پورے میچ میں استعمال کی جائے گی۔
آئی سی سی کے مطابق، یہ تبدیلی بالرز کو خاص طور پر ڈیتھ اوورز میں ریورس سوئنگ کا فائدہ دے گی، جو کہ نئے گیند کے مسلسل استعمال کی وجہ سے قریباً ناپید ہو چکی تھی۔
مزید پڑھیں:ورلڈ ٹیسٹ چیمپیئن شپ فائنل: آئی سی سی نے بھارت کی میزبانی کی درخواست مسترد کردی
کنکشن سبسٹیٹیوٹ کے لیے نئی ہدایاتاب ہر ٹیم کو ٹاس سے قبل 5 متبادل کھلاڑیوں کی فہرست جمع کروانی ہوگی، جو ممکنہ کنکشن (دماغی چوٹ) کی صورت میں استعمال کیے جا سکیں گے۔ یہ 5 کھلاڑی درج ذیل کیٹیگریز پر مشتمل ہوں گے:
* ایک بیٹر
* ایک آل راؤنڈر
* ایک وکٹ کیپر
* ایک فاسٹ بولر
* ایک اسپنر
اس سے قبل ٹیمیں میچ کے دوران ہی سبسٹیٹیوٹ تجویز کر سکتی تھیں، مگر اب یہ عمل پہلے سے طے شدہ ہوگا۔
مزید پڑھیں:ورلڈ ٹیسٹ چیمپیئن شپ: آئی سی سی کا اضافی پوائنٹس متعارف کرانے کا فیصلہ
بنی ہاپ اسٹائل کیچ اب غیر قانونیآئی سی سی اور میری لیبون کرکٹ کلب (ایم سی سی) کے باہمی اتفاق سے ’بنی ہاپ‘ اسٹائل کے باؤنڈری کیچ کو بھی غیر قانونی قرار دے دیا گیا ہے۔ اب اگر کوئی فیلڈر میدان سے باہر چھلانگ لگا کر ہوا میں گیند کو واپس کھیل کے اندر دھکیلتا ہے، لیکن اس نے زمین پر قدم رکھنے سے پہلے گیند کو چھوا ہو، تو وہ کیچ غیر قانونی سمجھا جائے گا۔
البتہ، اگر فیلڈر پہلے میدان کے اندر گیند کو چھوئے، اور پھر رفتار کی وجہ سے باؤنڈری سے باہر چلا جائے اور واپس آکر کیچ مکمل کرے تو یہ قانوناً درست ہوگا۔ یہ نیا قانون باقاعدہ طور پر اکتوبر 2026 سے نافذ العمل ہوگا، تاہم آئندہ ہفتے سے آئی سی سی کی پلیئنگ کنڈیشنز میں اس کی عکاسی شروع ہو جائے گی۔
نئے قوانین کا اطلاق کب سے ہوگا؟ٹیسٹ میچز: 17 جون 2025
ون ڈے میچز: 2 جولائی 2025
ٹی20 میچز: 10 جولائی 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: استعمال کی کے لیے
پڑھیں:
مودی حکومت کی غیرملکی فنڈنگ قانون میں ترمیم سے تنقیدی آوازوں کودبانے کی کوشش
عالمی ادارہ ایمنسٹی انٹرنیشنل بھارت میں غیر سرکاری تنظیموں اور تنقیدی آوازوں کو دبانےکا مذموم منصوبہ سامنے لے آیا۔
ایمنسٹی انٹرنیشنل سمیت8انسانی حقوق کی تنظیموں نے فارن کنٹری بیوشن ریگولیشن ایکٹ کے قواعد میں کی جانے والی ترمیم واپس لینے کا مطالبہ کیا ہے۔ ایمنسٹی انٹرنیشنل کی رپورٹ کےمطابق بھارت کے نئےغیرملکی فنڈنگ قوانین، سول سوسائٹی پر سخت نگرانی اورتنظیم سازی کی آزادی کے حق کو دبا رہے ہیں۔
انسانی حقوق،پالیسی تحقیق،عوامی شعور،قانونی اصلاحات اورحکومتی احتساب پرکام کرنے والی ہزاروں تنظیمیں زد میں آئیں گی ، بھارت کے قوانین عالمی اصولوں کیخلاف ہیں جن کے ذریعے این جی اوز پرغیر ضروری اور حد سے زیادہ پابندیاں عائد کی گئیں۔
بھارتی حکومت گزشتہ ایک دہائی میں انسانی حقوق کی 22 ہزار 498تنظیموں کی رجسٹریشن منسوخ کر کےانہیں کام سے روک چکی ، اقوام متحدہ کے خصوصی نمائندے بھی 2016میں این جی اوز پر پابندیوں کے کالے قوانین کو ختم کرنے کا مطالبہ کر چکے ہیں۔
اقوام متحدہ کے خصوصی نمائندوں کے مطابق بھارتی حکومت یہ قوانین تنقید کرنے والی این جی اوزکو دبانے کیلئے استعمال کر رہی ہے۔ مالیاتی شفافیت کے نام پر بنائے گئے یہ قوانین دراصل سول سوسائٹی کو کنٹرول کرنے کا ہتھکنڈہ بن چکے ہیں۔
پاکستان نے ورلڈ کپ 2028 کیلیے براہ راست کوالیفائی کر لیا