وزیراعلیٰ مریم نوازکی زیرصدارت محرم الحرام کے انتظامات کیلئے خصوصی اجلاس
اشاعت کی تاریخ: 24th, June 2025 GMT
راؤ دلشاد: وزیراعلیٰ پنجاب مریم نواز شریف کی زیر صدارت محرم الحرام کے انتظامات کے لئے خصوصی اجلاس ہوا جس میں اہم فیصلے کئے گئے۔
وزیراعلیٰ مریم نواز شریف نے انتظامیہ سے فوری ہنگامی پلان طلب کرلیے،کوڈ آف کنڈکٹ پر عملدرآمد یقینی بنانے کا حکم دیتے ہوئے خلاف ورزی پر زیرو ٹالرنس کی ہدایت کی۔
وزیراعلیٰ مریم نواز شریف سوشل میڈیا پر نفرت انگیز مواد پھیلانے والوں کو فوری گرفتار کرنے کی ہدایت کرتے ہوئے بینرز اور پوسٹر آویزاں کرنے پر پابندی یقینی بنانے کا حکم دیا،انہوں نے صوبہ بھر میں وال چاکنگ پر پابندی یقینی بنانے اورڈرون اڑانے پر پابندی کی خلاف ورزری پر فوری گرفتاری کی ہدایت کی۔
یوٹیوب ویڈیوز کو اے آئی ٹولز کی تربیت کے لیے استعمال کیا جا رہا ہے
انہوں نے صوبائی وزراء، کمشنرز، ڈپٹی کمشنرز، آرپی اوز اور ڈی پی اوز کو ذاتی نگرانی کرنے کا حکم دیتے ہوئے وزراء، کمشنرز، ڈپٹی کمشنرز، آر پی اوز اور ڈی پی اوز کو علماء کے پاس خود جانے کی ہدایت کی اورسپیشل مانیٹرنگ یونٹ کو نفرت انگیز مواد کی مانیٹرنگ کا ٹاسک اور رپورٹنگ کا حکم دیا،انہوں نے سیف سٹی اتھارٹی کو خراب کیمرے ٹھیک کرانے کی کی بھی ہدایت کی۔
وزیراعلیٰ مریم نوازشریف نے محرم الحرام سیکورٹی انتظامات کی فرضی مشقیں شروع کرنے کی ہدایت کرتے ہوئے محرم کے جلوس اور مجالس کے لئے یکساں طرز پرسبیلیں لگانے کا حکم دیاجہاں روح افزا، لیموں پانی اور ٹھنڈے پانی کی بوتلیں مہیا کرنے کی ہدایت کی،انہوں نے محرم الحرام سبیلوں کی نشاندہی اور مانیٹرنگ کی ہدایت بھی کی جبکہ جلسوں اور مجالس میں سیکورٹی کے لئے لوہے کے پائپ نصب کرنے پر اتفاق کیا۔
3ہزار سکول و مدارس میں واٹر فلٹریشن پلانٹس لگانے کی منظوری
انہوں نے گرمی اور حبس سے بچاؤکے لئے جلوس کے آگے چھڑ کاؤ کا حکم دیتے ہوئے عزاداروں کو ہیٹ سٹروکس سے بچانے کے لئے پلاننگ کی ہدایت بھی کی،انہوں نے عاشورہ جلسوں کے ساتھ فیلڈ ہسپتال اور کلینک آن ویل بھی متعین کرنے کا حکم دیا۔
وزیراعلیٰ مریم نواز شریف نے محرم الحرام کے دوران مؤثر ٹریفک مینجمنٹ اوربروقت ٹریفک ایڈوائزری جاری کرنے کا حکم دیتے ہوئے بارش کی صورت میں پانی کا بروقت اخراج یقینی بنانے کے لئے انتظامات کی ضرورت پر زوردیا،انہوں نے ہوٹل آئی اور ٹریول آئی کو فعال بنانے اور کومیبنگ آپریشن جاری رکھنے کی ہدایت کی،انہوں نے اینٹی ڈرون سسٹم حاصل کرنے کے لئے اقدامات کی ہدایت بھی کی۔
ملائیشیا کے شہر کوالالمپور میں شاندار میوزیکل کارپٹ ایونٹ منعقد
وزیراعلیٰ مریم نواز شریف نے اس موقع پر کہاکہ محرم الحرام کے ایس او پیز محض پیپر پر نہیں عملی طور پر اقدامات نظر آنے چاہئیں،بجلی کی لٹکتی ہوئی تاریں بہت بڑا رسک ہیں،ایمرجنسی آپریشن کیا جائے،عاشورہ جلوسوں اور مجالس کے دوران بجلی بندش بالکل نہیں ہونی چاہیے،سٹریٹ لائٹس بھی بند نہ ہوں،مین ہول میں اب بھی لوگ گر کر مررہے ہیں،نجی ہاؤسنگ سوسائٹیز اور دیگر علاقوں میں بھی گٹروں کے ڈھکن لگائے جائیں۔
5 لاکھ ٹن چینی درآمدکرنےکی منظوری
مریم نواز شریف نے مزیدکہاکہ پیچ ورک ہر سال محرم پر کیا جاتا ہے پھر دوبارہ روٹ پر گڑھے کیسے بن جاتے ہیں؟،جنگ کے تناظر میں محرم الحرام کو حساس تصور کیا جائے، پاکستان دشمن قوتیں موقع نہیں جانے دیں گی کیونکہ بنیان مرصوص کی کامیابی سے منفی قوتیں خائف ہیں، ہمیں ہر لمحہ تیار رہنا چاہیے۔
مریم نواز شریف نے کہاکہ پنجاب حکومت کا تاثر خدمت گزار حکومت کا بن چکا ہے، اسے برقرار رکھنا اور بڑھانا ہے،ہر موقع پر انتظامات کو پہلے سے زیادہ بہتر ہونا چاہیے۔کابینہ ارکان متعلقہ اضلاع میں مؤثر نگرانی کا فرض سرانجام دیں،سٹیک ہولڈرز کو اہم فیصلوں میں شامل اور مطلع رکھنا چاہیے،عوام کو ہر جگہ پر حکومت اور حکومت کی رٹ نظر آنی چاہیے۔
پاکستان انڈیا سے جنگ کرے گا اور چھ دریاؤں کا پانی لے گا
مریم نواز شریف نے کہاکہ تمام اضلاع میں پبلک کمیٹیوں کو فعال اور پوری طرح متحرک کیا جائے،گزشتہ سال محرم الحرام کے انتظامات کو سراہا گیا، اہل تشیع نے بھی تعریف کی،سروس ڈیلیوری کا اعلیٰ معیار مقرر کیا،عید آپریشن پر واضح فرق محسوس کیا گیا،ملک و قوم کو نفرت، تعصب اور تفرقہ بازی سے بچانا ہماری ذمہ داری ہے،تفرقہ اور نفرت نئی نسل کے لئے زہرہے، ہر قیمت پر خاتمہ چاہتے ہیں،نفرت اور تعصب کے خاتمے لئے مؤثر اور پائیدار اقدامات کی ضرورت ہے۔
مریم نوازشریف نے کہاکہ ریاست ماں کی طرح ہونے کا احساس پوری طرح ہر سطح پر اجاگر کیا جائے،صوبائی، ڈویژنل اور ڈسٹرکٹ سطح پر کنٹرول روم پوری کی طرح فعال کیے جائیں، کسی بھی جگہ خود دورہ کروں گی،ہم نے گزشتہ عید کے بہترین انتظامات کا ریکارڈ خود توڑا، محرم کے انتظامات بھی شاندار ہونے چاہئیں،عید انتظامات پر سب ڈپٹی کمشنرز، لوکل گورنمنٹ اور دیگر محکموں کو شاباش دیتی ہوں۔
اجلاس میں ہوم سیکرٹری، آئی جی پولیس اور دیگر اداروں کے سربراہان نےوزیراعلیٰ پنجاب مریم نوازشریف کو محرم انتظامات پر تفصیلی بریفنگ دی۔
.ذریعہ: City 42
کلیدی لفظ: مریم نواز شریف نے کا حکم دیتے ہوئے محرم الحرام کے کے انتظامات کی ہدایت کی کیا جائے کے لئے
پڑھیں:
محرم الحرام کا چاند دیکھنے کیلئے رویت ہلال کمیٹی کا اجلاس طلب
رپورٹ کے مطابق۔محرم الحرام 1447 ہجری کا چاند دیکھنے کے لئے مرکزی رویت ہلال کمیٹی کا اجلاس 26 جون کو کوئٹہ میں طلب کیا گیا ہے۔ اسلام ٹائمز۔ محرم الحرام 1447 ہجری کا چاند دیکھنے کیلئے رویت ہلال کمیٹی کا اجلاس طلب کر لیا گیا۔ رپورٹ کے مطابق۔محرم الحرام 1447 ہجری کا چاند دیکھنے کے لئے مرکزی رویت ہلال کمیٹی کا اجلاس 26 جون کو کوئٹہ میں طلب کیا گیا ہے۔ وزارت مذہبی امور کے مطابق مرکزی رویت ہلال کمیٹی کا اجلاس ڈپٹی کمشنر آفس کوئٹہ میں طلب کیا گیا ہے، چیئرمین مرکزی رویت ہلال کمیٹی مولانا عبدالخبیر آزاد اجلاس کی صدارت ہو گا۔ لاہور اور اسلام آباد سمیت زونل کمیٹیوں کے اجلاس اپنے متعلقہ صوبائی ہیڈ کوارٹرز میں منعقد ہوں گے، چاند کی رویت کا حتمی اعلان چیئرمین مرکزی رویت ہلال کمیٹی کریں گے۔
مودی۔اڈانی۔اسرائیل اتحاد کا پول کھل گیا، بھارتی اسرائیل نوازی کھل کر سامنے آگئی