ابوظہبی فنڈ برائے ترقی کے ڈائریکٹر جنرل کو اعلیٰ سول اعزاز ‘ہلال قائداعظم’ سے نواز دیا گیا
اشاعت کی تاریخ: 25th, June 2025 GMT
اسلام آباد:
نائب وزیراعظم اور وزیر خارجہ اسحاق ڈار نے متحدہ عرب امارات(یو اے ای) کے ابوظہبی فنڈ برائے ترقی کے ڈائریکٹر جنرل محمد سیف السویدی کو پاکستان کے اعلیٰ سول اعزاز ‘ہلالِ قائداعظم’ سے نوازا۔
ترجمان دفترخارجہ کی جانب سے جاری بیان کے مطابق ابوظہبی فنڈ برائے ترقی کے ڈائریکٹر جنرل محمد سیف السویدی کو یہ اعزاز حکومت پاکستان کی جانب سے پاکستان اور متحدہ عرب امارات کے درمیان دوطرفہ تعاون کو فروغ دینے میں ان کی غیرمعمولی خدمات کے اعتراف میں دیا گیا۔
نائب وزیراعظم اور وزیرخارجہ اسحاق ڈار نے یہ اعزاز صدر پاکستان کی جانب سے محمد سیف السویدی کو باضابطہ طور پر پیش کیا۔
بیان میں کہا گیا کہ محمد سیف السویدی کی قیادت میں ابوظہبی فنڈ نے پاکستان میں متعدد ترقیاتی منصوبوں میں سرمایہ کاری اور تعاون فراہم کیا، جس سے دونوں ممالک کے درمیان اقتصادی اور ترقیاتی شراکت داری کو مزید استحکام حاصل ہوا۔
اس موقع پر اعلیٰ حکام، سفارتی نمائندگان اور میڈیا کے نمائندے بھی موجود تھے، اعزاز کے بعد دونوں فریقین نے پاکستان-متحدہ عرب امارات تعلقات کو مزید وسعت دینے کے عزم کا اعادہ کیا۔
Tagsپاکستان.
ذریعہ: Al Qamar Online
کلیدی لفظ: پاکستان محمد سیف السویدی
پڑھیں:
متحدہ علماء محاذ کے وفد کی ایران کے قونصل جنرل کراچی وحید اصغری سے ملاقات
علماء مشائخ نے آیت اللہ سید علی خامنہ ای کی امریکہ اسرائیل کے خلاف دلیرانہ جدوجہد، اعلیٰ سیاسی بصیرت اور بروقت جوابی کارروائی مثالی حکمت عملی پر انہیں خراج تحسین پیش کیا اور کہا کہ ان کے یہ کارنامے تاریخ میں ہمیشہ زندہ رہیں گے۔ متعلقہ فائیلیںاسلام ٹائمز۔ متحدہ علماء محاذ پاکستان میں شامل مختلف مکاتب فکر کے جید علماء مشائخ پر مشتمل 12 رکنی نمائندہ وفد نے محاذ کے بانی سربراہ مولانا محمد امین انصاری کی قیادت میں اسلامی جمہوری ایران کے قونصل جنرل کراچی وحید اصغری سے ملاقات کی۔ علماء کے وفد نے ایران پر اسرائیلی امریکی جارحیت کی شدید مذمت کرتے ہوئے ایرانی حکومت و عوام سے یکجہتی کا اظہار کیا، شہداء و زخمیوں و متاثرین کیلئے دعا کی۔ علماء نے کہا کہ پاکستان کے علماء، عوام اور حکومت پاکستان ایران کے شانہ بشانہ ہیں، استعماری قوتوں کے خلاف وحدت امت و بیداری کو فرو غ دینے کی ضرورت پر زور دیا۔ اسرائیلی ایران جنگ بندی کے حالیہ اعلان کا خیر مقدم کرتے ہوئے اسے عالمی امن کیلئے سنگ میل مثبت پیش رفت قرار دیا، ایران نے اسرائیل کو اس کی تاریخ میں پہلی مرتبہ شکست فاش سے دوچار کرکے مسلم امہ کے حوصلوں کو جلا بخشی ہے، فلسطین پر ہونے والے سنگین مظالم کا بدلہ لیا۔
علماء مشائخ نے آیت اللہ سید علی خامنہ ای کی امریکہ اسرائیل کے خلاف دلیرانہ جدوجہد، اعلیٰ سیاسی بصیرت اور بروقت جوابی کارروائی مثالی حکمت عملی پر انہیں خراج تحسین پیش کیا اور کہا کہ ان کے یہ کارنامے تاریخ میں ہمیشہ زندہ رہیں گے۔ وفد میں مرکزی چیئرمین علامہ عبدالخالق فریدی سلفی، مرکزی سینئر وائس چیئرمین علامہ محمد حسین مسعودی، مرکزی نائب صدر علامہ ڈاکٹر پروفیسر سید شمیل احمد قادری حنبلی، محاذ کے صوبائی صدر شیخ الحدیث مولانا مفتی محمد داؤد، مرکزی نائب صدر صاحبزادہ علامہ منظرالحق تھانوی، پاک سول سولجر علماء مشائخ سندھ کے صدر مولانا مفتی وجیہہ الدین، علامہ ڈاکٹر شاہ فیروز الدین رحمانی، محاذ کے قانونی مشیر ناصر احمد ایڈووکیٹ ہائیکورٹ، پاکستان نظریاتی پارٹی اور محاذ سندھ کے رہنما مولانا مفتی محمد ابراہیم چترالی، ممتاز سینئر صحافی حافظ سید محمد عاصم شیروانی، محاذ کے صوبائی رہنما مولانا قاری محمد اقبال رحیمی، حسین الدین شاہ رحمانی، میڈیا کوآرڈینیٹر فاروق احمد ریحان شریک تھے۔ اس موقع پر علماء نے ایرانی قونصل جنرل کے ہمراہ ہاتھوں میں ہاتھ بلند کرکے ایران کے ساتھ یکجہتی کا اظہار کیا۔
’ پاک آئی ڈی‘ میں نیافیچرمتعارف، شہریوں کی بڑی مشکل آسان ہوگئی