شمالی وزیرستان: قافلے پر خودکش حملہ، 13 جوان شہید، 14 خوارج ہلاک
اشاعت کی تاریخ: 29th, June 2025 GMT
راولپنڈی (اپنے سٹا ف رپو رٹر سے + نمائندہ خصوصی) ترجمان آئی ایس پی آر کے مطابق خیبر پی کے کے ضلع شمالی وزیرستان میں بھارتی حمایت یافتہ فتنہ الخوارج کے بزدلانہ خودکش حملے میں سکیورٹی فورسز کے 13 جوان شہید ہوگئے‘ فائرنگ کے شدید تبادلے میں 14 خوارج جہنم واصل ہوگئے‘ آئی ایس پی آر کے مطابق بھارت کی سرپرستی میں کام کرنے والے دہشتگرد گروہ "فتنہ الخوارج" نے میر علی میں سکیورٹی فورسز کے قافلے پر ایک بزدلانہ حملہ کیا۔ خودکش حملہ آور نے بارودی گاڑی سکیورٹی فورسز کے قافلے سے ٹکرانے کی کوشش کی، تاہم اگلی گاڑی میں موجود جوانوں نے بروقت کارروائی کرتے ہوئے حملے کو ناکام بنانے کی کوشش کی‘ حملہ آور کی ناکامی کے بعد خوارج نے ایک اور بارودی گاڑی فورسز کی گاڑی سے ٹکرا دی۔ آئی ایس پی آر کے مطابق خود کش حملے میں 13 بہادر سپوت مادر وطن پر قربان جبکہ دو بچوں اور خاتون سمیت تین شہری شدید زخمی بھی ہوئے‘ ترجمان آئی ایس پی آر کے مطابق حملے میں صوبیدار زاہد اقبال، حوالدار سہراب خان ، حوالدار میاں یوسف ، نائیک خطاب شاہ، لانس نائیک اسماعیل، سپاہی روحیل، محمد رمضان، نواب، زبیر احمد، محمد سخی، ہاشم عباسی اور سپاہی منظر علی اور سپاہی مدثر اعجاز نے جام شہادت نوش کیا‘ واقعے کے بعد سکیورٹی فورسز نے علاقے میں کلیئرنس آپریشن کے دوران فائرنگ کے شدید تبادلے میں 14 خوارج جہنم واصل ہوگئے ترجمان آئی ایس پی آر کے مطابق بزدلانہ حملے کے ذمہ دار عناصر کو انصاف کے کٹہرے میں لایا جائے گا۔سیکیورٹی فورسز قوم کے شانہ بشانہ بھارتی سرپرستی میں ہونے والی دہشتگردی کو جڑ سے ختم کرنے کے لیے پرعزم ہیں۔ اعلامیے میں کہا گیا ہے کہ ہمارے بہادر جوانوں اور بے گناہ شہریوں کی قربانیاں ملک کے تحفظ کے لیے ہمارے غیرمتزلزل عزم کی عکاسی کرتی ہیں ہم ہر قیمت پر مادر وطن کا دفاع جاری رکھیں گے۔ ترجمان آئی ایس پی آر کے مطابق فیلڈ مارشل سید عاصم منیر نے گزشتہ روز کور ہیڈ کوارٹرز پشاور کا دورہ کیا جہاں انہیں موجودہ سکیورٹی صورتحال اور جاری کائونٹر ٹیررزم آپریشنز کے بارے میں بریفنگ دی گئی دورے کے دوران فیلڈ مارشل نے بنوں گیریژن میں شہدا کی نماز جنازہ میں شرکت کی اور سی ایم ایچ بنوں میں زخمیوں کی عیادت کی‘ فیلڈ مارشل عاصم منیر نے پاکستان کی سیکیورٹی فورسز کی شجاعت اور عزم و حوصلے کو خراج تحسین پیش کیا جو بھارتی حمائت یافتہ فتن الخوارج کا مثالی بہادری اور جرات سے مقابلہ کرتے ہوئے ان کا خاتمہ کر رہی ہیں ترجمان آئی ایس پی آر کے مطابق فیلڈ مارشل نے اعادہ کیا کہ پاکستان کے عوام ملک سے ہر طرح کی دہشتگردی جڑ سے اکھاڑ پھینکنے کا تہیہ کئے ہوئے ہیں‘ دہشتگردی میں ملوث ہر سہولت کار ، مددگار اور مجرم کو قانون کے کٹہرے میں لایا جائے گا چاہے وہ کوئی بھی ہو اور کہیں بھی ہو خطے میں دہشت گردی کے اصل چہرے کو دنیا کے سامنے بے نقاب کیا جائے گا ترجمان آئی ایس پی آر کے مطابق فیلڈ مارشل سید عاصم منیر نے قوم کو یقین دلایا کہ ہر ایک معصوم پاکستانی کے خون کا حساب لیا جائے گا اور ملکی استحکام کو نقصان پہنچانے کی ہر کوشش کا فوری ، تیز رفتار جواب دیا جائے گا فیلڈ مارشل نے سویلین لا انفورسمنٹ اداروں خصوصاً خیبر پی کے پولیس کی استعداد کار بڑھانے کی ضرورت پر زور دیا انہوں نے زور دیا کہ متعلقہ سرکاری ادارے اس ضمن میں فوری اقدامات کریں پاک فوج قانون نافذ کرنے والے اداروں کی تربیت اور استعداد بڑھانے کیلئے ہرممکن تعاون جاری رکھے گی قبل ازیں کور ہیڈ کوارٹرز آمد پر کور کمانڈر پشاور نے آرمی چیف کا استقبال کیا۔ وزیراعظم محمد شہباز شریف نے میر علی میں بھارت کی حمایت یافتہ پراکسی فتنہ الخوارج کے سکیورٹی فورسز کے قافلے پر حملے کی شدید مذمت کرتے ہوئے کہا ہے کہ پوری قوم شہدا کو سلام پیش کرتی ہے، ملک سے ہر قسم کی دہشت گردی کے مکمل خاتمے کے لئے پر عزم ہیں۔ صدر مملکت آصف علی زرداری نے بھی سکیورٹی فورسز کے قافلے پر دہشتگرد حملے کی شدید مذمت کرتے ہوئے کہا ہے کہ پاکستانی قوم اور سیکیورٹی فورسز بھارتی سرپرستی میں ہونے والی دہشتگردی کو جڑ سے ختم کرنے کیلئے پرعزم ہیں۔ صدر مملکت نے آپریشن کے دوران جامِ شہادت نوش کرنے والے 13 بہادر جوانوں کو خراجِ عقیدت پیش کیا اور کہا کہ شہدا نے اپنی جانوں کا نذرانہ دے کر مادرِ وطن کے تحفظ کو یقینی بنایا ہے۔ آصف زرداری نے کہا کہ قوم اپنے شہدا کی قربانیوں کو کبھی فراموش نہیں کرے گی، وفاقی وزیر داخلہ محسن نقوی نے شمالی وزیرستان کے علاقے میر علی میں سکیورٹی فورسز کے قافلے پر فتنہ الہندوستان کے دہشتگردوں کے حملے کی شدید الفاظ میں مذمت کی ہے۔ اپنے مذمتی بیان میں وزیرداخلہ محسن نقوی نے بزدلانہ حملے میں شہید ہونے والے سکیورٹی فورسزکے 13 جوانوں کو خراج عقیدت پیش کیا اور کہا کہ بہادر سپوتوں نے شہادت کا عظیم رتبہ پایا، شہدا قوم کا سرمایہ افتخار ہیں۔ سکیورٹی فورسز کے جوان قوم کا فخر ہیں، شہدا کی عظیم قربانیاں ناقابل فراموش ہیں اور قوم لازوال قربانیوں کو ہمیشہ یاد رکھے گی۔ محسن نقوی نے کہا کہ قوم شہدائے وطن کی عظیم قربانیوں کی ہمیشہ سے مقروض ہے اور مقروض رہے گی۔وزیر داخلہ محسن نقوی نے شہدا کے لواحقین سے دلی ہمدردی و اظہار تعزیت کیا اور کہا کہ شہدائے وطن کے خاندانوں کے ساتھ کھڑے ہیں اور انہیں تنہا نہیں چھوڑیں گے۔ پی پی پی چیئرمین بلاول بھٹو زرداری نے شمالی وزیرستان میں دہشتگردی کی مذمت کی ہے، بیان میںچیئرمین بلاول بھٹو زرداری نے میر علی کے علاقے میں سکیورٹی اہلکاروں کی شہادت پر اظہارِ افسوس کیا۔ اہلکاروں کے خاندانوں سے تعزیت و یکجہتی کا اظہار کیا ، انہوں نے میر علی دھماکے میں شہید ہونے والے اہلکاروں کے خون کے ہر قطرے کا حساب لینے اور دہشتگردی کے خاتمے کے عزم کا اعادہ کیا ،سیکرٹری جنرل پاکستان پیپلز پارٹی ہمایوں خان نے خیبرپختونخوا کے ضلع شمالی وزیرستان میں دہشتگردی کی مذمت کی ،ہمایوں خان نے کہا کہ میر علی کے علاقے میں خود کش دھماکے کی سخت مذمت کرتا ہوں، دھماکے میں سکیورٹی اہلکاروں کی شہادت پر افسوس ہے۔ مرکزی سیکرٹری اطلاعات پاکستان پیپلز پارٹی ندیم افضل چن‘ نفیسہ شاہ و دیگر نے شمالی وزیرستان میں دہشتگردی کی مذمت کی ،ندیم افضل چن نے کہاکہ خیبر پختون خوا کے ضلع میر علی میں خود کش دھماکے کی سخت مذمت کرتا ہوں۔
.ذریعہ: Nawaiwaqt
کلیدی لفظ: ترجمان آئی ایس پی آر کے مطابق سکیورٹی فورسز کے قافلے پر شمالی وزیرستان میں محسن نقوی نے میں سکیورٹی میر علی میں نے میر علی کرتے ہوئے حملے میں جائے گا
پڑھیں:
صدر مملکت اور وزیراعظم کی سکیورٹی فورسز کے قافلے پر حملے کی مذمت
صدر مملکت اور وزیراعظم کی سکیورٹی فورسز کے قافلے پر حملے کی مذمت WhatsAppFacebookTwitter 0 28 June, 2025 سب نیوز
اسلام آباد(سب نیوز ) صدر مملکت آصف علی زرداری، وزیر اعظم شہباز شریف اور وزیر داخلہ محسن نقوی نے ضلع شمالی وزیرستان کے علاقے میر علی میں بھارت کی حمایت یافتہ پراکسی فتنہ الخوارج کے سکیورٹی فورسز کے قافلے پر حملے کی شدید مذمت کی۔
وزیراعظم شہباز شریف نے دہشت گرد حملے میں شہید ہونے والے پاک فوج کے صوبیدار زاہد اقبال، حوالدار سہراب خان، حوالدار میاں یوسف، نائیک خطاب شاہ، لانس نائیک اسماعیل، سپاہی راحیل، سپاہی محمد رمضان، سپاہی زبیر، سپاہی محمد ساحکی، سپاہی نواب، سپاہی ہاشم عباسی، سپاہی مدثر اعجاز اور سپاہی منظر علی کو خراج عقیدت پیش کیا۔
شہباز شریف نے دہشت گرد حملے میں معصوم شہریوں کے زخمی ہونے پر افسوس کا اظہار کیا اور شہدا کیلئے بلندی درجات کی دعا کی اور ان کے اہل خانہ سے اظہار تعزیت کیا۔شہباز شریف نے جوابی کارروائی میں 14 خوارجی دہشت گردوں کو ہلاک کرنے پر سکیورٹی فورسز کو خراج تحسین پیش کیا اور کہا کہ بھارتی حمایت یافتہ دہشت گردوں نے بزدلانہ کارروائی کی، پوری قوم شہدا کو سلام پیش کرتی ہے۔
صدر آصف علی زرداری آپریشن کے دوران جامِ شہادت نوش کرنے والے 13 بہادر جوانوں کو خراجِ عقیدت پیش کرتے ہوئے کہا کہ شہدا نے اپنی جانوں کا نذرانہ دے کر مادرِ وطن کے تحفظ کو یقینی بنایا۔انہوں نے کہا کہ قوم اپنے شہدا کی قربانیوں کو کبھی فراموش نہیں کرے گی، دفاع وطن کی راہ میں جان قربان کرنے والے ہمارے اصل ہیرو ہیں، ایسا بزدلانہ حملہ قوم کے حوصلے پست نہیں کر سکتا۔
صدر مملکت نے شمالی وزیرستان میں سکیورٹی فورسز کی جانب سے 14 خوارج جہنم واصل کرنے پر فورسز کو خراج تحسین پیس کیا اور کہا کہ پاکستانی قوم اور سکیورٹی فورسز بھارتی سرپرست دہشتگردی کو جڑ سے ختم کرنے کے لیے پرعزم ہیں۔آصف علی زرداری نے زخمی شہریوں، بچوں اور خاتون کی جلد صحت یابی کے لیے دعا کی اور کہا کہ اللہ تعالی شہدا کے درجات بلند فرمائے اور لواحقین کو صبر جمیل دے۔
وفاقی وزیرداخلہ محسن نقوی نے شمالی وزیرستان کے علاقے میر علی میں سکیورٹی فورسز کے قافلے پر فتنہ الہندوستان کے دہشتگردوں کے حملے کی شدید الفاظ میں مذمت کی اور کہا کہ قوم جوانوں کی انمٹ قربانیوں کو ہمیشہ یاد رکھے گی۔ محسن نقوی نے بزدلانہ حملے میں شہید ہونے والے سکیورٹی فورسز کے 13 جوانوں کو خراج عقیدت پیش کیا اور کہا کہ بہادر سپوتوں نے شہادت کا عظیم رتبہ پایا، شہدا قوم کا سرمایہ افتخار ہیں۔
انہوں نے کہا کہ قوم شہدائے وطن کی عظیم قربانیوں کی ہمیشہ سے مقروض ہے اور مقروض رہے گی، وزیرداخلہ نے شہدا کے لواحقین سے دلی ہمدردی و اظہار تعزیت کیا اور کہا کہ شہدائے وطن کے خاندانوں کے ساتھ کھڑے ہیں اور انہیں تنہا نہیں چھوڑیں گے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرگوجرانوالہ: ایک بیٹی کوپسند کی شادی، دوسری کو اسکی مدد پر قتل کیا، گرفتار والدین کا اعتراف گوجرانوالہ: ایک بیٹی کوپسند کی شادی، دوسری کو اسکی مدد پر قتل کیا، گرفتار والدین کا اعتراف ویسٹ انڈین کپتان کا غلط فیصلوں پر امپائرز کے احتساب کا مطالبہ پاکستان کے ڈیفالٹ رسک میں گزشتہ 12 ماہ میں بڑی کمی آگئی، بلوم برگ وفاقی وزیرِ صحت کا ملک گیر حفاظتی ٹیکہ جات کے پروگرام کو مضبوط بنانے کے عزم کا اعادہ، صحت کے شعبے میں جدت کے... اسلام آباد کے زون-5 میں غیر قانونی تعمیرات کے خلاف سیلنگ آپریشن میر علی میں دہشتگردوں کے حملے میں 13 جوان شہید، جوابی کارروائی میں 14 خوارج ہلاکCopyright © 2025, All Rights Reserved
رابطہ کریں ہمارے بارے ہماری ٹیم
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی