کراچی: 13 کروڑ روپے کی ڈکیتی میں ملوث معروف ٹک ٹاکر گرفتار
اشاعت کی تاریخ: 30th, June 2025 GMT
پولیس نے شہر کے پوش علاقے PECHS بلاک 2 میں ہونے والی 13 کروڑ روپے سے زائد کی مسلح ڈکیتی کے الزام میں 3 افراد کو گرفتار کرلیا ہے، جن میں ایک بھائی اور 2 بہنیں شامل ہیں، یہ تینوں سوشل میڈیا پر معروف TikTok شخصیات ہیں۔
فیروز آباد تھانہ کے ایس ایچ او انعام جونیجو کے مطابق واردات 26 جون کی صبح قریباً ساڑھے 3 بجے اُس وقت ہوئی، جب متاثرہ شخص محمد سالک اپنی کار پارک کر رہا تھا۔ اچانک ایک کالی گاڑی سے 2 مسلح افراد اور 3 برقع پوش خواتین نمودار ہوئیں، جنہوں نے اسے یرغمال بنا کر گھر کے اندر لے گئے۔
پولیس کے مطابق، ایک ملزم نے وفاقی تحقیقاتی ادارے (FIA) جیسی جعلی وردی پہنی ہوئی تھی، جس پر ادارے کا لوگو بھی موجود تھا، تاکہ کارروائی کو سرکاری کارروائی ظاہر کیا جا سکے۔ ملزمان نے گھر کے اندر داخل ہو کر اسلحے کے زور پر 13 کروڑ روپے نقدی، 9 جدید موبائل فون (بشمول آئی فونز اور گوگل پکسلز)، 20 قیمتی گھڑیاں، ایک اسمارٹ واچ، 25 برانڈڈ پرفیومز، 2 لیپ ٹاپس اور دیگر قیمتی سامان لوٹ لیا اور فرار ہو گئے۔
مزید پڑھیں: ٹک ٹاکر ثنا یوسف قتل کیس: ملزم عمر حیات کا اعترافی بیان سامنے آگیا
پولیس نے جائے واردات سے حاصل شدہ CCTV فوٹیج اور جدید ٹیکنالوجی کی مدد سے 3 ملزمان کو شناخت کرکے گرفتار کیا، جن میں یسرا، نمرہ اور ان کا بھائی شہریار شامل ہیں۔ چوتھا ملزم شاہروز تاحال مفرور ہے۔
تحقیقات میں انکشاف ہوا ہے کہ یسرا زیب نہ صرف ایک مشہور ٹک ٹاکر ہیں بلکہ پاکستان کے کئی مشہور برانڈز کے لیے ماڈلنگ بھی کر چکی ہیں۔ ان کے سوشل میڈیا اکاؤنٹس پر ملکی و غیر ملکی شخصیات کے ساتھ تصاویر موجود ہیں۔
پولیس نے تصدیق کی ہے کہ ملزمان نے واردات کے دوران جعلی FIA یونیفارم پہن رکھی تھی تاکہ متاثرہ افراد کو دھوکہ دیا جا سکے۔ پولیس ترجمان کے مطابق ملزمان کی شناخت ان کی TikTok ویڈیوز اور سوشل میڈیا موجودگی کے ذریعے کی گئی۔ مزید گرفتاریاں اور مال مسروقہ کی برآمدگی کے لیے چھاپے مارے جا رہے ہیں۔
فیروز آباد تھانے میں متاثرہ شہری کی مدعیت میں نامعلوم افراد کے خلاف مقدمہ درج کر لیا گیا ہے، جسے اب گرفتار شدگان کے ناموں سے اپڈیٹ کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
13 کروڑ ٹک ٹاکر ڈکیتی کراچی یسرا زیب یسریٰ زیب.
ذریعہ
ذریعہ: WE News
کلیدی لفظ: 13 کروڑ ٹک ٹاکر ڈکیتی کراچی ٹک ٹاکر
پڑھیں:
کراچی، فیڈرل بی انڈسٹریل ایریا میں پولیس مقابلہ، 2 زخمی ڈاکو گرفتار، چھینی گئی موٹر سائیکل برآمد
کراچی:شہر قائد میں فیڈرل بی انڈسٹریل ایریا پولیس نے مبینہ مقابلے کے بعد زخمی سمیت 2 ڈاکوؤں کو گرفتار کر کے اسلحہ ، شہری سے اسلحہ کے زور پر چھینی گئی موٹرسائیکل اور دیگر سامان برآمد کر لیا ۔
تفصیلات کے مطابق فیڈرل بی انڈسٹریل ایریا پولیس نے راشد منہاس روڈ سہراب گوٹھ پل کے قریب سے مبینہ مقابلے کے بعد زخمی سمیت 2 ڈاکوؤں کو گرفتار کر لیا۔
زخمی حالت میں گرفتار ڈاکو کو طبی امداد کے لیے عباسی شہید اسپتال منتقل کیا گیا۔
ترجمان ایس یس پی ڈسٹرکٹ سینٹرل عمران خان کے مطابق زخمی حالت میں گرفتار ڈاکو کی شناخت شعیب ولد احسان کے نام سے کی گئی جبکہ دوسرے گرفتار ملزم نے اپنا نام رضی الدین ولد سمیع الدین بتایا۔
گرفتار ملزمان سے ایک پستول بمعہ گولیاں ، موبائل فون ، کیش رقم اور موٹرسائیکل برآمد کی گئی۔
ملزمان سے ملنے والی موٹرسائیکل 21 جولائی 2026 کو شاہراہ پاکستان سے شہری سے اسلحہ کے زور پر چھینی گئی تھی ۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا