مری میں مسلم لیگ (ن) کااجلاس خرم دستگیر نے اہم انکشاف کردیا
اشاعت کی تاریخ: 27th, July 2025 GMT
مری میں مسلم لیگ (ن) کے اجلاس کی اندرونی کہانی سامنے آگئی، انجینئر خرم دستگیر خان نے پروگرام روبرو میں انکشاف کیا کہ مری اجلاس میں دہشت گردی کے خلاف وفاقی حکومت کو خیبرپختونخوا حکومت کو ساتھ ملانے پر تبادلہ خیال ہوا، یہ معرکہ حق کے بعد گہری اصلاحات کرنے کا موقع ہے۔
نجی ٹی وی سے گفتگوکرتے ہوئے خرم دستگیر خان نے کہا کہ مری اجلاس میں دہشت گردی کے خلاف اقدامات زیرغور آئے، وفاقی حکومت کو خیبرپختونخوا حکومت کو ساتھ ملانے پر تبادلہ خیال ہوا۔
خرم دستگیر خان نے کہا کہ مری اجلاس میں پارٹی کی تنظیم نو پر بات ہو رہی ہے، بجٹ میں کچھ اقدامات پر غلط فہمیاں پیدا ہوئیں، غلط فہمیوں کو دور کرنے پر مشاورت ہو رہی ہے۔
انہوں نے کہا کہ اپوزیشن نے عدم استحکام پیدا کرنے کی کوشش کی، حکومت نے تمام معاملے کو برداشت کیا، اچھا ہوگا اگر اپوزیشن پرامن احتجاج کرے، تشدد اور تصادم کرنا ہے تو اس کے لیے بھی حکومت تیار ہے، اس وقت کوئی سیاسی عدم استحکام نہیں ہے۔
خرم دستگیر کا کہنا تھا کہ مری میں کے پی حکومت کو ساتھ ملانے پر بات ہورہی ہے، دہشت گردی کا خاتمہ ہونا چاہیئے، کوشش ہوگی کہ مل کر ایکشن لیا جائے، حکومت اگر عوام کی زندگیاں بچانے کے لیے کچھ نہیں کرتی تو پھر وفاق موجود ہے وہ ضرور یہ کرے گا۔
سابق وفاقی وزیر نے کہا کہ 9 مئی کے ملزمان، منصوبہ سازوں اور سہولت کاروں کو سزا ملنی چاہیے، 9 مئی واقعہ فقط سیاسی احتجاج نہیں تھا، کسی بھی گروہ کو مسلح ہوکر ریاست پر حملے کی اجازت نہیں، 80 ہزار افراد کی قربانیوں سے سبق سیکھنا چاہیئے۔
قبل ازیں وزیراعظم شہبازشریف چھانگلہ گلی پہنچے، جہاں وزیراعظم شہبازشریف، مسلم لیگ ن کے صدر نوازشریف اور وزیراعلیٰ پنجاب مریم نواز کے درمیان ملاقات ہوئی۔
ملاقات میں اہم ملکی اور سیاسی امور پر تفصیلی مشاورت کی گئی۔ اس موقع پر مسلم لیگ (ن) لیگ کے کئی رہنماوں نے بھی نوازشریف سے ملاقات کی۔
مریم نواز کی سربراہی میں ستھرا پنجاب سے متعلق اہم اجلاس بھی ہوا، جس میں مریم اورنگزیب، کمشنر راولپنڈی اور اعلیٰ افسران بھی شریک ہوئے۔
وزیراعظم شہبازشریف گزشتہ روز سے ڈونگا گلی میں قیام پذیر ہیں جبکہ مریم نواز گزشتہ 3 روز سے چھانگلہ میں نوازشریف کے ساتھ قیام پذیر ہیں۔
سابق وزیراعظم نوازشریف اور وزیراعلیٰ پنجاب مریم نواز سے ملاقات ختم ہونے کے بعد وزیراعظم شہباز شریف چھانگہ گلی سے واپس ڈونگا گلی پہنچ گئے جبکہ نوازشریف اور مریم نواز چھانگلہ گلی میں رہائش گاہ پر قیام پذیر ہیں۔
ذریعہ: Daily Mumtaz
پڑھیں:
حق سچ کی آواز اٹھانے والے صحافیوں پر ظلم و تشدد بند ہونا چاہیے، مریم نواز
وزیر اعلیٰ پنجاب کا صحافیوں کیخلاف جرائم کے خاتمے کے عالمی دن پر اپنے پیغام میں کہنا تھا کہ دن منانے کا مقصد حق اور سچ کی پاداش میں قتل ہونے یا تکلیفیں سہنے والے صحافیوں کو یاد کرنا ہے، پنجاب میں صحافی اور صحافت محفوظ ہے، اللہ تعالیٰ کے فضل و کرم سے یہاں ان کے قتل و تشدد کے واقعات نہ ہوئے نہ ہی ہوں گے،بے گھر صحافیوں کیلئے اپنی چھت کا خواب پورا کرنے کیلئے پُرعزم ہیں، حق اور سچ کی راہ پر چلنے والے صحافیوں کیساتھ ہیں اور ان کے حقوق کا تحفظ کریں گے۔ اسلام ٹائمز۔ وزیر اعلیٰ پنجاب مریم نواز شریف نے صحافیوں کیخلاف جرائم کے خاتمے کے عالمی دن پر اپنے پیغام میں کہا ہے کہ حق سچ کی آواز اٹھانے والے صحافیوں پر ظلم و تشدد بند ہونا چاہیے، احساس ذمہ داری کیساتھ آزادی صحافت جمہوریت کی اساس ہے۔ مریم نواز نے کہا کہ مضبوط جمہوری معاشرے کیلئے صحافت کا آزاد ہونا بہت ضروری ہے، صحافی معاشرتی انصاف کے محافظ اور عوام کی آواز ہیں، ظلم، ناانصافی اور جھوٹ کو بے نقاب کرنیوالے صحافی ہیرو ہیں۔ مریم نواز کا کہنا تھا کہ بحیثیت وزیر اعلیٰ آزادی صحافت کے تحفظ کی ضامن ہوں، صحافیوں کے حقوق کے تحفظ کیلئے حکومت متعدد اقدامات کر رہی ہے۔ مریم نواز نے کہا کہ بے گھر صحافیوں کیلئے اپنی چھت کا خواب پورا کرنے کیلئے پُرعزم ہیں، حق اور سچ کی راہ پر چلنے والے صحافیوں کیساتھ ہیں اور ان کے حقوق کا تحفظ کریں گے۔ مریم نواز کا کہنا ہے کہ دن منانے کا مقصد حق اور سچ کی پاداش میں قتل ہونے یا تکلیفیں سہنے والے صحافیوں کو یاد کرنا ہے، پنجاب میں صحافی اور صحافت محفوظ ہے، اللہ تعالیٰ کے فضل و کرم سے یہاں ان کے قتل و تشدد کے واقعات نہ ہوئے نہ ہی ہوں گے۔
فنانس کی تعلیم کے فروغ کیلئے شرکت داری قائم کرلی