لاہور میں سیکیورٹی فورسز نے بھارتی ڈرون مار گرایا۔
اشاعت کی تاریخ: 8th, August 2025 GMT
لاہور کے علاقے مناواں میں سیکیورٹی فورسز نے بھارتی ڈرون مار گرایا۔ پولیس ذرائع کا کہنا ہے کہ پاکستانی علاقے میں ڈرون کی نقل و حرکت دیکھی گئی تھی۔ فورسز نے فوری طور پر ڈرون کو نشانہ بنا کر نیچے گرایا۔ ابتدائی طور پر یہ سرویلنس ڈرون لگتا ہے جس میں کوئی بارود نہیں تھا۔ پولیس ذرائع کا کہنا ہے کہ حساس اداروں نے ڈرون کو تحویل میں لے کر تحقیقات شروع کردی ہیں۔
.ذریعہ: Nawaiwaqt
پڑھیں:
پاک افغان سرحد پر سیکیورٹی فورسز کی بڑی کارروائی، 33 بھارتی حمایت یافتہ دہشت گرد ہلاک
پاکستان کی سیکیورٹی فورسز نے بلوچستان کے ضلع ژوب کے علاقے سمبازہ میں ایک انٹیلی جنس بیسڈ آپریشن کے دوران پاک افغان سرحد سے فتنہ الخوارج کی دراندازی کی کوشش کو بروقت ناکام بناتے ہوئے 33 بھارتی سرپرستی یافتہ دہشت گردوں کو ہلاک کر دیا ہے۔پاک فوج کے شعبہ تعلقات عامہ (آئی ایس پی آر) کے مطابق یہ کارروائی 7 اور 8 اگست کی درمیانی شب اس وقت کی گئی جب بڑی تعداد میں دہشت گردوں کی نقل و حرکت کا سراغ ملا۔ان دہشت گردوں کا تعلق بھارتی پراکسی نیٹ ورک سے تھا، جو خوارج کے نام سے پہچانے جاتے ہیں اور سرحد پار افغانستان سے پاکستان میں داخل ہونے کی کوشش کر رہے تھے۔آئی ایس پی آر کا کہنا ہے کہ سیکیورٹی فورسز نے بروقت اور مؤثر کارروائی کرتے ہوئے دہشت گردوں کی دراندازی کی کوشش کو مکمل طور پر ناکام بنا دیا۔ فائرنگ کے تبادلے میں 33 بھارتی حمایت یافتہ خوارج واصلِ جہنم ہو گئے۔کارروائی کے دوران دہشت گردوں کے قبضے سے بڑی تعداد میں اسلحہ، گولہ بارود اور بارودی مواد بھی برآمد کیا گیا ہے۔آپریشن کے بعد علاقے میں کلیئرنس اور سینیٹائزیشن کا عمل جاری ہے .تاکہ کسی بھی ممکنہ خطرے کا سدباب کیا جا سکے۔آئی ایس پی آر نے واضح کیا ہے کہ پاکستانی سیکیورٹی فورسز مادرِ وطن کے دفاع کے لیے مکمل طور پر پرعزم ہیں اور بھارتی سرپرستی میں ہونے والی دہشت گردی کے خاتمے تک آپریشن جاری رہیں گے۔بیان میں مزید کہا گیا کہ ایسی تمام سازشوں کو ہر محاذ پر ناکام بنایا جائے گا۔
عامرخان کی فلم ’’ستارے زمیں پر‘‘ یو ٹیوب پر مختصر وقت کیلیے کیوں دکھائی جارہی ہے؟