پاک تاجکستان مشترکہ انسداد دہشتگردی مشق ’دوستی ٹو‘ اختتام پذیر
اشاعت کی تاریخ: 9th, August 2025 GMT
اسکرین گریب
پاک تاجکستان مشترکہ انسداد دہشت گردی مشق دوستی ٹو اختتام پذیر ہوگئی، 4 سے 9 اگست تک تاجکستان کے فخروبود بیس پر ہونے والی مشق میں پاک فوج کی لائٹ کمانڈو بٹالین کی 2 جنگی ٹیموں نے حصہ لیا۔
آئی ایس پی آر کے مطابق پاکستان کی جانب سے ڈیفنس اتاشی کرنل محمد معظم ظفر نے بطور مہمانِ خصوصی شرکت کی جبکہ تاجکستان کے سینئر عسکری حکام بھی اس موقع پر موجود تھے۔
آئی ایس پی آر کا کہنا ہے کہ مشق میں تاجکستان کی اسپیشل فورسز کی 4 جنگی ٹیموں نے حصہ لیا، مشق میں تمام تربیتی اور عسکری سفارتکاری کے اہداف کامیابی سے حاصل کیے گئے۔
دونوں ممالک کے دستوں نے مشق کے دوران پیشہ ورانہ مہارت کے اعلیٰ ترین معیار کا مظاہرہ کیا۔ مشق کا مقصد انسدادِ دہشت گردی آپریشنز میں استعمال حربی طریقہ کار اور تکنیک مزید بہتر بنانا تھا۔
.ذریعہ: Jang News
پڑھیں:
سرکاری ملازم پر تشدد کیس: فرحان غنی پیش، دوران تفتیش رہا کرنے پر عدالت کا استفسار
سرکاری ملازم پر تشدد کے کیس میں پیپلز پارٹی کے رہنما فرحان غنی کراچی کی انسداد دہشت گردی عدالت میں پیش ہوئے، عدالت نے تفتیشی افسر سے وضاحت طلب کی کہ دوران تفتیش تھانے سے ملزم کو کس قانون کے تحت رہا کیا گیا، آئندہ سماعت پر ریکارڈ پیش کیا جائے۔
عدالت نے ریمارکس دیے کہ بتایا جائے کہ کیا دوران تفتیش ملزم کو رہا کرنے کا اطلاق دہشت گردی کے کیس میں ہوتا ہے؟ ملزمان کو جس سیکشن کے تحت ضمانت پر رہا کیا گیا اور درخواست عدالت میں جمع کروائی گئی مدعی کے وکیل وہ قانون عدالت میں پیش کریں۔
سرکاری وکیل نے کہا کہ کیس کی شفاف تحقیقات کی گئی ہیں، سرکاری کام چل رہا تھا لیکن کوئی دہشت گردی نہیں ہوئی ہے، اس کیس میں انسداد دہشت گردی کا خصوصی قانون لاگو نہیں ہو گا، یہ اے ٹی سی کا کیس نہیں بنتا، ہم درخواست دے دیتے ہیں۔
کیس کی مزيد سماعت 30 ستمبر تک ملتوی کردی گئی۔
گزرا یوم آزادی اور تجدید عہد