وزارت مذہبی امور نے عشرہ رحمت للعالمین ﷺ کے پروگراموں کا اعلان کردیا
اشاعت کی تاریخ: 25th, August 2025 GMT
وفاقی وزیر مذہبی امور و بین المذاہب ہم آہنگی نے اعلان کیا ہے کہ سال 1447 ہجری کو نبی کریم ﷺ کی 1500 ویں ولادتِ باسعادت کے طور پر منایا جائے گا۔ اس موقع پر یکم تا 12 ربیع الاول ملک بھر میں ’’عشرہ رحمت للعالمین ﷺ‘‘ بھرپور مذہبی جوش و جذبے کے ساتھ منایا جائے گا۔
یہ بھی پڑھیں: ربیع الاول کا چاند نظر نہیں آیا، عید میلادالنبیﷺ 6 ستمبر کو ہوگی
وفاقی وزارت مذہبی امور کی جانب سے جاری اعلامیے میں وفاقی وزیر برائے مذہبی امور سردار محمد یوسف سے کہا ہے کہ عشرہ رحمت للعالمین ﷺ کا سب سے نمایاں پروگرام اسلام آباد میں ہونے والی 50 ویں بین الاقوامی سیرت النبی ﷺ کانفرنس ہے، جس میں علما، اسکالرز، حکومتی شخصیات، سفارت کار اور دنیا بھر سے مہمان شریک ہوں گے۔ اس سال کانفرنس کا مرکزی موضوع ہے،’سوشل میڈیا کے مفید استعمال کی تعلیم و تربیت میں ریاستی ذمہ داریاں، سیرت النبی ﷺ کی روشنی میں‘۔
سردار محمد یوسف کا کہنا ہے کہ اس دوران ملک بھر میں صوبائی سطح پر سیرت کانفرنسیں، محافلِ نعت، سیمینارز اور مقابلے منعقد کیے جائیں گے۔ تعلیمی اداروں میں تقریری مقابلے، آگاہی پروگرام اور خصوصی تقاریب کا اہتمام ہوگا تاکہ نوجوان نسل سیرت النبی ﷺ سے رہنمائی حاصل کرے اور سوشل میڈیا سمیت جدید ذرائع ابلاغ کو مثبت انداز میں استعمال کرنا سیکھ سکے۔
یہ بھی پڑھیں: ’جس سہانی گھڑی چمکا طیبہ کا چاند‘: ربیع الاول کا آغاز کس دن ممکن؟
ان کا کہنا ہے کہ اسلام آباد میں بین الاقوامی سیرت کانفرنس کے ساتھ ایک قومی’قرآن و سیرت نمائش‘بھی منعقد ہوگی، جبکہ 11 ربیع الاول کی شب قومی محفلِ نعت کا اہتمام کیا جائے گا۔ اس کے علاوہ قومی مقابلہ کتب سیرت، نعت و مقالات میں نمایاں پوزیشن لینے والوں کو انعامات سے نوازا جائے گا۔
وزارت مذہبی امور نے صوبائی حکومتوں، آزاد کشمیر اور گلگت بلتستان سے کہا ہے کہ وہ اپنے اپنے علاقوں میں بھرپور تقریبات منعقد کریں اور رپورٹس و تصاویر وزارت کو ارسال کریں تاکہ ایک جامع قومی رپورٹ تیار کی جاسکے۔
یہ بھی پڑھیں: ماہ ربیع الاول میں بین الاقوامی سیرت النبیﷺ کانفرنس بھرپور انداز سے منانے کی تیاریاں جاری
وفاقی وزیر نے کہا کہ یہ موقع صرف تقریبات تک محدود نہیں بلکہ قومی عزم کا اظہار ہے کہ ہم نبی کریم ﷺ کی تعلیمات پر عمل کرتے ہوئے نئی نسل کی کردار سازی کریں، امن، محبت اور رواداری کو فروغ دیں اور جدید ٹیکنالوجی کو تعمیری مقاصد کے لیے استعمال کریں۔
انہوں نے عوام سے اپیل کی کہ عشرہ رحمت للعالمین ﷺ کی تقریبات میں بھرپور شرکت کریں اور غریبوں، ناداروں اور سیلاب سے متاثرہ عوام کی مدد کریں۔ آخر میں وزیر نے میڈیا نمائندگان کا شکریہ ادا کرتے ہوئے کہا کہ میڈیا ان تقریبات کی کوریج اور سیرت النبی ﷺ کے فروغ میں اپنا اہم کردار ادا کرے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام آباد پاکستان رحمت العالمین کانفرنس سردار محمد یوسف عید میلاد النبیﷺ وزارت مذہبی امور.
ذریعہ
ذریعہ: WE News
کلیدی لفظ: اسلام آباد پاکستان رحمت العالمین کانفرنس سردار محمد یوسف عید میلاد النبیﷺ عشرہ رحمت للعالمین ﷺ سیرت النبی ﷺ ربیع الاول جائے گا
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار