وفاقی تعلیمی بورڈ کے انٹرمیڈیٹ نتائج کا اعلان، کامیابی کا تناسب 83.19 فیصد
اشاعت کی تاریخ: 26th, August 2025 GMT
فیڈرل بورڈ آف انٹرمیڈیٹ اینڈ سیکنڈری ایجوکیشن نے گیارہویں اور بارہویں جماعت کے سالانہ امتحانات کے نتائج جاری کر دیے۔ گیارہویں جماعت میں کامیابی کا تناسب 62.40 فیصد جبکہ بارہویں جماعت میں 83.19 فیصد رہا۔
میڈیکل گروپ میں علینا طاہر (1071 نمبر) نے پہلی، وردہ سرفراز (1070 نمبر) نے دوسری جبکہ عروا ملک اور مناہل مرتضی (1069 نمبر) نے تیسری پوزیشن حاصل کی۔ پری انجینئرنگ گروپ میں مزمل ساجد (1063 نمبر) اول، محمد سمیع (1059 نمبر) دوم اور عائشہ نعیم (1054 نمبر) سوم رہیں۔
مزید پڑھیں:فیڈرل بورڈ انٹرمیڈیٹ امتحانات کے نتائج کا اعلان، لڑکیاں پھر سبقت لے گئیں
سائنس جنرل گروپ میں ضیام روہاب نے پہلی، عیشاء زیدی نے دوسری اور حلیمہ ذوہیب نے تیسری پوزیشن حاصل کی۔ کامرس گروپ میں جنت نذیر، شایزہ ماہ نور اور زینب وقار نے بالترتیب پہلی، دوسری اور تیسری پوزیشن حاصل کی۔ ہیومنٹیز گروپ میں دینا خان نے پہلی، طلحہ شمس اور زوہا نے دوسری جبکہ سدرہ نے تیسری پوزیشن حاصل کی۔
تقریب میں مہمان خصوصی فیڈرل پارلیمانی سیکریٹری برائے تعلیم وجیہہ قمر نے نمایاں کامیابی حاصل کرنے والے طلبہ کو مبارکباد پیش کی اور کہا کہ یہ طلبا ملک کا روشن مستقبل ہیں۔
چیئرمین فیڈرل بورڈ ڈاکٹر اکرام علی ملک اور فیڈرل سیکریٹری ندیم محبوب نے شفاف امتحانی نظام اور میرٹ کی پاسداری پر اطمینان کا اظہار کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
FBISE جنت نذیر زینب وقار سالانہ امتحانات شایزہ ماہ نور فیڈرل بورڈ آف انٹرمیڈیٹ اینڈ سیکنڈری ایجوکیشن.
ذریعہ
ذریعہ: WE News
کلیدی لفظ: سالانہ امتحانات شایزہ ماہ نور تیسری پوزیشن حاصل کی فیڈرل بورڈ گروپ میں
پڑھیں:
نیٹ فلکس کی پہلی پاکستانی اوریجنل سیریز ’جو بچے ہیں سنگ سمیٹ لو‘ کب ریلیز ہو گی؟
فرحت اشتیاق کے مقبول ناول ’جو بچے ہیں سنگ سمیٹ لو‘ پر مبنی پاکستان کی پہلی نیٹفلکس اوریجنل سیریز کی ریلیز سے متعلق اہم پیش رفت سامنے آگئی ہے۔
’جو بچے ہیں سنگ سمیٹ لو‘ پہلی بار 2009 میں خواتین ڈائجسٹ میں قسط وار شائع ہوا تھا، جس کے بعد 2013 میں اسے کتابی صورت میں بھی شائع کیا گیا۔ تازہ رپورٹس کے مطابق اس پر مبنی نئی سیریز کو 2026 کے اختتام تک نیٹ فلکس پر ریلیز کیا جائے گا۔
اگرچہ اس سے قبل کئی کامیاب پاکستانی ڈرامے ٹی وی پر نشر ہونے کے بعد نیٹ فلکس پر دستیاب کیے جا چکے ہیں، تاہم ’جو بچے ہیں سنگ سمیٹ لو‘ نیٹ فلکس کی پہلی پاکستانی اوریجنل سیریز ہو گی، جسے ہم ٹی وی اور نیٹ فلکس کے اشتراک سے تیار کیا گیا ہے۔
سیریز کی کاسٹ میں ماہرہ خان، فواد خان، بلال اشرف، حمزہ علی عباسی، ہانیہ عامر، اقرا عزیز، صنم سعید، احد رضا میر، نادیہ خان اور دیگر معروف فنکار شامل ہیں، جبکہ اس کی ہدایت کاری اور پروڈکشن مومنہ درید نے کی ہے۔
یہ سیریز ابتدائی طور پر 2025 میں ریلیز ہونا تھی، تاہم مقررہ وقت پر اس کی نمائش نہ ہو سکی۔ اس کے بعد طویل عرصے تک نہ کاسٹ اور نہ ہی پروڈیوسرز کی جانب سے کوئی باضابطہ اپ ڈیٹ سامنے آئی، جس کے باعث یہ قیاس آرائیاں بھی ہونے لگیں کہ شاید منصوبہ ملتوی یا منسوخ کر دیا گیا ہے۔
اب تازہ اطلاعات کے مطابق مومنہ درید اس وقت سیریز کی فائنل ایڈیٹنگ کی نگرانی کر رہی ہیں، جبکہ توقع کی جا رہی ہے کہ آنے والے دنوں میں کاسٹ اس کی تشہیری مہم کا آغاز بھی کرے گی۔
دوسری جانب، کئی سال کی تاخیر کے باعث پاکستانی ناظرین اب بھی ریلیز کی خبروں پر مکمل یقین کرنے کو تیار نہیں۔ سوشل میڈیا پر ایک مداح نے لکھا، ’’جب تک اقساط ریلیز نہیں ہوتیں، میں یقین نہیں کروں گا۔‘‘ ایک اور صارف نے تبصرہ کیا، ’’مجھے اب بھی اس خبر پر اعتماد نہیں۔‘‘
بھارت سے جنگ اور افغانستان میں کارروائی خارج ازامکان نہیں، وزیردفاع