مچھ: کوئلے کی کان میں زہریلی گیس بھرنے سے 3 مزدور جاں بحق
اشاعت کی تاریخ: 26th, August 2025 GMT
بلوچستان کے علاقے مچھ کی ڈیگاری کوئلہ کان میں افسوسناک واقعہ پیش آیا، جہاں زہریلی گیس بھر جانے کے باعث 3 کان کن زندگی کی بازی ہار گئے۔
چیف مائنز انسپکٹر عبدالغنی کے مطابق یہ حادثہ ایک نجی کان میں پیش آیا۔ واقعہ اس وقت پیش آیا جب مزدور زیر زمین جمع پانی نکالنے کے لیے کان کے اندر گئے، مگر وہاں زہریلی گیس پہلے ہی جمع ہو چکی تھی۔ بدقسمتی سے کان کے اندر گیس سے بچاؤ کے لیے کوئی حفاظتی انتظامات نہیں کیے گئے تھے، جس کے باعث تینوں مزدور بے ہوش ہو کر وہیں دم توڑ گئے۔
حادثے کی اطلاع رات گئے ملی، جس پر محکمہ مائنز کا عملہ فوری طور پر موقع پر پہنچا، لاشوں کو تحویل میں لیا اور قانونی کارروائی کے بعد ورثا کے حوالے کر دیا۔
چیف مائنز انسپکٹر نے مزید بتایا کہ متاثرہ کان کا معائنہ کیا گیا، اور حفاظتی اقدامات کی سنگین کمی پر اسے فوری طور پر سیل کر دیا گیا ہے۔ ان کا کہنا تھا کہ جان لیوا غفلت برتنے پر کان کے مالک اور ٹھیکیدار کے خلاف مقدمہ درج کیا جائے گا۔
جاں بحق ہونے والوں میں دو مزدور کوئٹہ کے علمدار روڈ جبکہ ایک ہزارہ ٹاؤن کا رہائشی تھا۔ واقعہ نے متاثرہ خاندانوں پر غم کا پہاڑ توڑ دیا ہے اور ایک بار پھر کانوں میں مزدوروں کی حفاظت سے متعلق حکومتی اور نجی سطح پر غفلت کو بے نقاب کر دیا ہے۔
ذریعہ
ذریعہ: Daily Mumtaz
پڑھیں:
کراچی؛ موٹر سائیکل سوار نوجوان کی خاتون سے نازیبا حرکت، ویڈیو سامنے آگئی
کراچی:کراچی میں خاتون سے نازیبا حرکت کا ایک اور واقعہ سامنے آگیا جس کی سی سی ٹی وی فوٹیج بھی سامنے آگئی۔
خاتون سے نازیبا حرکت کا واقعہ اورنگی ٹاؤن سیکٹر ساڑھے گیارہ چشتی نگر شاہد پکوان کے سامنے والی گلی میں پیش آیا۔
سی سی ٹی وی فوٹیج میں دیکھا گیا کہ موٹر سائیکل پر سوار نوجوان گلی سے گزرتے وقت خاتون کو دیکھ کر موٹر سائیکل واپس موڑ لیتا ہے۔
موٹر سائیکل سوار نوجوان چلتی بائیک پر خاتون کے ساتھ نازیبا حرکت کرتے ہوئے فرار ہو جاتا ہے، متاثرہ خاتون فوری گلی سے باہر نکل جاتی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع