آئی سی سی ون ڈے رینکنگ، پاکستانی کھلاڑی فہرست میں کہاں ہیں؟
اشاعت کی تاریخ: 27th, August 2025 GMT
انٹرنیشنل کرکٹ کونسل (آئی سی سی) نے نئی ون ڈے رینکنگ جاری کردی ہے، بھارت کے شبمن گل پہلے، روہت شرما دوسرے اور پاکستان کے بابراعظم تیسرے نمبر پر ہیں۔
قومی ٹیم کے کپتان محمد رضوان بیٹنگ رینکنگ میں 2 درجے ترقی پاکر 25ویں نمبر پر آگئے ہیں، شاہین شاہ آفریدی 13ویں نمبر پر پہنچ گئے ہیں، ان کے پوائنٹس 593 ہیں۔ ان کے ریٹنگ پوائنٹس 592 ہیں۔ فخر زمان بدستور 28ویں نمبر پر موجود ہیں۔
یہ بھی پڑھیں: آئی سی سی رینکنگ: ٹی 20 کی ٹاپ 20 فہرست سے پاکستانی بولرز غائب
آئی سی سی ون ڈے رینکنگ میں سلمان آغا 38ویں، امام الحق 40ویں اور نوجوان صائم ایوب 55ویں نمبر پر 503 پوائنٹس کے ساتھ اپنی پوزیشن برقرار رکھے ہوئے ہیں۔ تاہم عبداللہ شفیق ایک درجہ گر کر 99ویں نمبر پر آگئے ہیں اور ان کے پوائنٹس 419 ہیں۔
Australia’s batters climb the ICC Men’s ODI Rankings after their record 431-run blitz against South Africa ????https://t.
— ICC (@ICC) August 27, 2025
دنیا بھر کے بیٹرز میں سرفہرست شبمن گل 784 پوائنٹس اور روہت شرما 756 پوائنٹس کے ساتھ موجود ہیں، جبکہ پاکستان کے بابر اعظم 739 پوائنٹس کے ساتھ تیسرے نمبر پر ہیں۔
یہ بھی پڑھیں: نئی آئی سی سی رینکنگز جاری، پاکستانی کرکٹرز کا راج، بابر اور شاہین سب سے آگے
بولنگ رینکنگ میں شاہین آفریدی ایک درجہ ترقی کے بعد 13ویں نمبر پر آگئے ہیں اور وہ بھارت کے محمد سراج کے ساتھ ہم پلہ ہیں، دونوں کے پوائنٹس 593 ہیں۔
حارث رؤف 29ویں، ابرار احمد 39ویں جبکہ نسیم شاہ ایک درجہ بہتری کے ساتھ 45ویں نمبر پر آگئے ہیں جن کے پوائنٹس 491 ہیں۔ اسپنر محمد نواز 67ویں اور محمد وسیم جونیئر 75ویں نمبر پر چلے گئے ہیں۔
بولنگ رینکنگ کے ٹاپ پر سری لنکا کے مہیش تھیکشنا اور جنوبی افریقہ کے کیشو مہاراج 671 پوائنٹس کے ساتھ مشترکہ طور پر پہلے نمبر پر ہیں، بھارت کے کلدیپ یادیو تیسرے نمبر پر ہیں۔
یہ بھی پڑھیں: آئی سی سی رینکنگ: بابر اعظم کی ٹیسٹ میں ترقی، ٹی20 میں تنزلی
آسٹریلیا اور جنوبی افریقہ کی حالیہ سیریز کے بعد کچھ نمایاں تبدیلیاں بھی آئیں۔ آسٹریلیا کے ٹریوس ہیڈ 11ویں نمبر پر، مچل مارش 44ویں، کیمرون گرین 78ویں اور جوش انگلس 64ویں نمبر پر پہنچ گئے۔ جنوبی افریقہ کے لنگی نگیڈی 6 درجے اوپر آکر 28ویں نمبر پر آگئے۔ آسٹریلیا کے شون ایبٹ اور نیتھن ایلس نے بھی بڑی جست لگائی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی سی سی آسٹریلیا بابراعظم بھارت پاکستان ساؤتھ افریقہ ون ڈے رینکنگ
ذریعہ
ذریعہ: WE News
کلیدی لفظ: ا سٹریلیا بھارت پاکستان ساؤتھ افریقہ ون ڈے رینکنگ نمبر پر آگئے ہیں پوائنٹس کے ساتھ ون ڈے رینکنگ نمبر پر ہیں کے پوائنٹس
پڑھیں:
نیٹ فلکس کی پہلی پاکستانی اوریجنل سیریز ’جو بچے ہیں سنگ سمیٹ لو‘ کب ریلیز ہوگی؟
پاکستان کی پہلی نیٹ فلکس اوریجنل سیریز ’جو بچے ہیں سنگ سمیٹ لو‘ کی ریلیز سے متعلق طویل انتظار کے بعد اہم پیش رفت سامنے آئی ہے جن کے مطابق طویل انتظار کے بعد یہ سیریز 2026 کے اختتام تک نیٹ فلکس پر پیش کیے جانے کا امکان ہے۔
یہ سیریز معروف ناول نگار فرحت اشتیاق کے شہرۂ آفاق ناول ’جو بچے ہیں سنگ سمیٹ لو‘ پر مبنی ہے جسے ہم ٹی وی اور نیٹ فلکس کے اشتراک سے تیار کیا گیا ہے۔ یہ پاکستان کی پہلی ایسی ڈرامہ سیریز ہوگی جسے نیٹ فلکس نے بطور اوریجنل پاکستانی پروڈکشن پیش کرنے کا فیصلہ کیا ہے۔
یہ بھی پڑھیں: نیٹ فلکس پر پاکستانی مواد نہ ہونے کی اصل وجہ کیا ہے؟ فیصل قریشی نے سب کچھ بتا دیا
سیریز میں پاکستانی شوبز انڈسٹری کے صفِ اول کے فنکار جلوہ گر ہوں گے جن میں ماہرہ خان، فواد خان، بلال اشرف، حمزہ علی عباسی، ہانیہ عامر، اقرا عزیز، صنم سعید، احد رضا میر، نادیہ خان سمیت کئی معروف اداکار شامل ہیں جبکہ اس کی ہدایت کاری اور پروڈکشن معروف پروڈیوسر مومنہ درید نے کی ہے۔
واضح رہے کہ اس سیریز کی ریلیز ابتدائی طور پر 2025 میں متوقع تھی تاہم مقررہ وقت پر اسے جاری نہیں کیا گیا۔ اس کے بعد طویل عرصے تک نہ تو پروڈیوسرز اور نہ ہی فنکاروں کی جانب سے کوئی باضابطہ اعلان سامنے آیا جس کے باعث اس منصوبے کے مستقبل سے متعلق مختلف قیاس آرائیاں گردش کرتی رہیں۔
یہ بھی پڑھیں: نیٹ فلکس کے شیئرز میں 9 فیصد سے زیادہ کمی، سرمایہ کاروں کو تشویش لاحق
تاہم تازہ میڈیا رپورٹس کے مطابق سیریز کی فائنل ایڈیٹنگ کا کام آخری مراحل میں ہے اور مومنہ درید خود اس عمل کی نگرانی کر رہی ہیں۔ رپورٹس میں یہ بھی دعویٰ کیا گیا ہے کہ سیریز کی اسٹار کاسٹ جلد ہی اس کی تشہیری مہم کا آغاز کرے گی۔
دوسری جانب مسلسل تاخیر کے باعث شائقین ان نئی اطلاعات پر محتاط ردِعمل دے رہے ہیں۔ سوشل میڈیا پر کئی صارفین کا کہنا ہے کہ وہ ریلیز کی خبروں پر اس وقت تک یقین نہیں کریں گے جب تک نیٹ فلکس باضابطہ طور پر سیریز کی ریلیز کی تاریخ یا اقساط جاری نہیں کر دیتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جو بچے ہیں سنگ سمیٹ لو فواد خان ماہرہ خان نیٹ فلکس نیٹ فلکس سیریز
بھارت سے جنگ اور افغانستان میں کارروائی خارج ازامکان نہیں، وزیردفاع