بلوچستان کے متعدد اضلاع میں سیلاب کا خدشہ، کسان اتحاد کا حکومت پر غفلت کا الزام
اشاعت کی تاریخ: 1st, September 2025 GMT
دریائے سندھ میں پانی کی سطح بلند ہونے کے باعث بلوچستان کے اضلاع جعفرآباد، روجھان، اوستہ محمد اور صحبت پور میں 2 اور 3 ستمبر کو سیلاب آنے کا خدشہ ہے۔
حکومتی اداروں کے ہنگامی انتظاماتصوبائی وزیر آب پاشی صادق عمرانی کے مطابق حکومت سندھ سے مسلسل رابطے میں ہے اور صورتحال پر کڑی نظر رکھی جا رہی ہے، محکمہ آب پاشی نے 16 مختلف مقامات پر فلڈ کنٹرول سینٹرز قائم کرکے ضروری مشینری منتقل کردی ہے۔
اسی دوران ڈی جی پی ڈی ایم اے جہانزیب خان نے بتایا کہ ممکنہ سیلاب کے پیش نظر ان کا کیمپ آفس نصیر آباد میں قائم کر دیا گیا ہے اور متاثرین کے لیے محفوظ مقامات مختص کیے جا چکے ہیں۔
یہ بھی پڑھیں: سیلابی صورتحال، بلوچستان کے 10 اضلاع آفت زدہ قرار
کمشنر نصیر آباد ڈویژن صلاح الدین نورزئی نے اجلاس سے خطاب کرتے ہوئے ہدایت کی کہ ڈپٹی کمشنرز فیلڈ میں جا کر انتظامات کا خود جائزہ لیں اور کسی بھی ہنگامی صورتحال کے لیے پیشگی اقدامات کریں۔
کسان اتحاد کے تحفظات اور الزاماتادھر چیئرمین کسان اتحاد خالد حسین باٹھ نے پریس کانفرنس کرتے ہوئے کہا کہ پاکستان سیلاب اور بھارت کی جانب سے آبی جارحیت سے متاثر ہو رہا ہے۔
انہوں نے کہا کہ حالیہ بارشوں اور ممکنہ سیلاب سے کسانوں کو بھاری نقصان پہنچ رہا ہے جبکہ پہلے سے ہی گندم کی قیمتوں میں شدید اتار چڑھاؤ ہے۔
’گندم پہلے 2100 روپے من فروخت ہو رہی تھی، آج 3500 روپے تک جا پہنچی ہے اور مزید اضافہ متوقع ہے۔‘
مزید پڑھیں: پنجاب میں 3 ستمبر تک سیلابی صورت حال جاری رہنے کا خدشہ، سندھ اور بلوچستان میں بھی خطرات
خالد حسین باٹھ نے الزام لگایا کہ 2022 کے سیلاب متاثرین کو اب تک مکمل مالی امداد نہیں دی گئی، ان کے مطابق، حکومت کسانوں کو 69 ارب روپے کی ادائیگی کی پابند تھی مگر اب تک صرف 35 ارب روپے دیے گئے ہیں۔
انہوں نے مزید کہا کہ کیسکو نے کسانوں کے بجلی کنکشن منقطع کر دیے ہیں جو کسانوں کے لیے مزید مشکلات پیدا کر رہا ہے۔
مزید پڑھیں: بلوچستان حکومت نے گلگت بلتستان اور خیبر پختونخوا کے سیلاب متاثرین کے لیے امدادی سامان روانہ کردیا
’جب تک کسانوں کو واجبات ادا نہیں کیے جاتے، کنکشن نہ کاٹے جائیں۔ بصورت دیگر کسان علامتی بھوک ہڑتال پر رہیں گے اور مطالبات تسلیم نہ ہونے پر بھوک ہڑتالی کیمپ جاری رہے گا۔‘
کسان اتحاد نے پنجاب حکومت کی جانب سے گندم کی نقل و حمل پر پابندی کی بھی مذمت کی اور کہا کہ حکومت کسان دشمن رویہ ترک کرے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھوک ہڑتالی خالد حسین باٹھ سیلاب متاثرین کسان اتحاد کیسکو.
ذریعہ
ذریعہ: WE News
کلیدی لفظ: بھوک ہڑتالی خالد حسین باٹھ سیلاب متاثرین کسان اتحاد کیسکو کسان اتحاد کے لیے کہا کہ
پڑھیں:
علامہ ساجد علی نقوی سے علامہ جواد نقوی کی ملاقات، شہید امت کانفرنس میں شرکت کی دعوت دی
ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔ اسلام ٹائمز۔ تحریک بیداری امت مصطفیٰ کے سربراہ اور اتحاد امت فورم کے رہنما علامہ سید جواد نقوی نے شیعہ علماء کونسل پاکستان کے سربراہ علامہ سید ساجد علی نقوی صاحب سے ملاقات کی اور ان کی اہلیہ کے انتقال پر تعزیت و تسلیت، فاتحہ خوانی اور دعائے مغفرت کی۔ علامہ سید جواد نقوی نے علامہ سید ساجد علی نقوی کیساتھ 13 جون کو مینارِ پاکستان لاہور میں منعقد ہونے والی ’’شہیدِ اُمت کانفرنس‘‘ کے حوالے سے بھی گفتگو کی۔ ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ