آسٹریلیا کے فاسٹ بولر مچل اسٹارک نے ٹی20 کرکٹ سے ریٹائرمنٹ کا اعلان کردیا
اشاعت کی تاریخ: 2nd, September 2025 GMT
آسٹریلیا کے فاسٹ بولر مچل اسٹارک نے ٹی20 انٹرنیشنل کرکٹ سے ریٹائرمنٹ کا اعلان کردیا ہے تاکہ وہ آئندہ برس کے آخر سے شروع ہونے والے بھاری ٹیسٹ شیڈول اور 2027 ون ڈے ورلڈ کپ پر توجہ مرکوز رکھ سکیں۔
35 سالہ اسٹارک نے 2012 میں ڈیبیو کے بعد 65 ٹی20 میچز کھیلے اور وہ اس آسٹریلوی ٹیم کا حصہ رہے جس نے 2021 میں یو اے ای میں ٹی20 ورلڈ کپ جیتا۔ انہوں نے آخری بار 2024 میں کیریبین میں ہونے والے ورلڈ کپ میں شرکت کی تھی۔ اسٹارک نے اپنے کیریئر میں 79 وکٹیں حاصل کیں جو آسٹریلیا کے لیے اس فارمیٹ میں دوسرا بہترین ریکارڈ ہے۔
یہ بھی پڑھیے: ویسٹ انڈیز 27 پر آل آؤٹ: مچل اسٹارک نے 15 گیندوں میں 5 وکٹیں لے کر نیا عالمی ریکارڈ قائم کردیا
مچل اسٹارک نے اپنے بیان میں کہا کہ ٹیسٹ کرکٹ ہمیشہ میری اولین ترجیح رہی ہے۔ میں نے آسٹریلیا کے لیے کھیلے گئے ہر ٹی20 میچ کا بھرپور لطف اٹھایا، خاص طور پر 2021 ورلڈ کپ کا مزہ اٹھایا کیونکہ ہم نے نہ صرف جیتا بلکہ ٹیم کا شاندار ماحول اور مزہ بھی ناقابلِ فراموش تھا۔
ٹیم کے چیف سلیکٹر جارج بیلی نے کہا کہ اسٹارک کی جگہ لینا آسان نہیں ہوگا کیوں کہ
145 کلومیٹر فی گھنٹہ کی رفتار سے نئی گیند کو سوئنگ کروانے والا بولر ملنا مشکل ہے۔ اسٹارک نے ہمیشہ نئی گیند سے آغاز کیا اور آخر میں اہم اوورز کرائے۔ ہمیں اب شاید مختلف بولرز کے کردار تھوڑے بدلے ہوئے انداز میں استعمال کرنا ہوں گے۔
آسٹریلوی ٹیم نے اسٹارک کے بغیر آخری 17 میں سے 14 ٹی ٹوئنٹی میچز جیتے ہیں۔ اب ان کی جگہ نیتھن ایلس، بین ڈورشوئس، شان ایبٹ اور زیویر بارٹلیٹ جیسے بولرز کو زیادہ مواقع ملنے کی توقع ہے۔
مچل اسٹارک اب ٹیسٹ اور ون ڈے کرکٹ کھیلتے رہیں گے اور ان کا کہنا ہے کہ اس فیصلے سے وہ تازہ دم اور فٹ رہتے ہوئے بڑے ٹورنامنٹس کے لیے بہترین کارکردگی دکھا سکیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا کرکٹ مچل اسٹارک.
ذریعہ
ذریعہ: WE News
کلیدی لفظ: آسٹریلیا کرکٹ مچل اسٹارک مچل اسٹارک نے آسٹریلیا کے ورلڈ کپ کے لیے
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار