ہزاروں خواتین کی تصاویر بلا اجازت شیئر کرنیوالے غیر اخلاقی فیس بک پیج کیساتھ کیا ہوا؟
اشاعت کی تاریخ: 3rd, September 2025 GMT
اٹلی میں ایک متنازع فیس بک پیج کو پولیس کی تحقیقات کے بعد بند کر دیا گیا، جہاں ہزاروں مرد اپنی شریکِ حیات، بہنوں اور دیگر خواتین کی نجی اور قریبی تصاویر، اکثر ان کی اجازت کے بغیر، شیئر کرتے تھے۔
اس گروپ کا نام “Mia Moglie” (میری بیوی) تھا اور اس کے قریب 32 ہزار مرد ارکان تھے۔
پولیس کی کارروائی اور شکایاتاطالوی پوسٹل پولیس کے مطابق 2019 سے اب تک اس گروپ پر لاکھوں تصاویر شیئر کی گئیں۔ متعدد خواتین کی شکایات کے بعد 20 اگست کو فیس بک کے مالک ادارے میٹا نے یہ صفحہ مستقل طور پر بند کر دیا۔
پولیس حکام کے مطابق انہیں چند گھنٹوں میں ہی ہزاروں شکایات موصول ہوئیں۔
خواتین کا استیصال اور ہتکپوسٹل پولیس کی ڈپٹی ڈائریکٹر باربرا سٹرپاٹو نے بتایا کہ تصاویر میں زیادہ تر خواتین کی اجازت شامل نہیں تھی اور ان پر نازیبا تبصرے کیے جاتے تھے۔ بعض مرد اپنی بیویوں کی تصاویر بیچنے تک کی پیشکش کرتے تھے۔
ان کا کہنا تھا کہ ایسی خوفناک تحریریں میں نے کسی سوشل میڈیا گروپ میں پہلی بار دیکھی ہیں۔
گروپ منتظمین کا نیا پلیٹ فارمپیج بند ہونے سے قبل اس کے منتظمین نے اپنے اراکین کو ٹیلیگرام پر نئے گروپ میں شامل ہونے کی دعوت دی اور فحش جملوں کے ساتھ ’اخلاقیات پرستوں‘ کو چیلنج کیا۔
یہ بھی پڑھیں:میٹا نے فیس بک، انسٹا گرام صارفین کو سب سے بڑی سہولت مفت فراہم کردی
پولیس کا کہنا ہے کہ ایسے گروپس بند ہونے کے بعد جلد ہی کسی اور نام سے دوبارہ سامنے آ جاتے ہیں۔
سماجی ردعمل اور قانونفیمینسٹ کارکن اور مصنفہ کارولینا کاپریا نے بھی اس گروپ کی شکایت کی اور پولیس کو متحرک کرنے میں اہم کردار ادا کیا۔
اٹلی میں 2019 میں ’ریوینج پورن‘ کے خلاف قانون پاس کیا گیا تھا جس کے تحت کسی کی قریبی تصاویر غیر قانونی طور پر پھیلانے پر 6 سال تک قید کی سزا ہو سکتی ہے۔
پلیٹ فارمز کی مزاحمتپولیس کے مطابق فیس بک اور واٹس ایپ جیسے پلیٹ فارمز تعاون کرتے ہیں، مگر ٹیلیگرام کی جانب سے تعاون نہ ہونے کے برابر ہے کیونکہ وہ صارفین کا ڈیٹا محفوظ رکھنے کا دعویٰ نہیں کرتا۔
یہ بھی پڑھیں:میٹا نے فیس بک اور انسٹاگرام پر اے آئی ترجمہ فیچر متعارف کرا دیا
پولیس کا کہنا ہے کہ جب تک ایسے پلیٹ فارمز فوری طور پر اکاؤنٹس اور چینلز ختم کرنے کے لیے مؤثر اقدامات نہیں کریں گے، اس طرح کے غیر اخلاقی گروپس دوبارہ ابھرتے رہیں گے۔
آئندہ قانونی کارروائیپوسٹل پولیس تحقیقات مکمل کرنے کے بعد یہ کیس روم کے پراسیکیوٹر کے حوالے کرے گی تاکہ ذمہ داروں پر فردِ جرم عائد کی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اٹلی غیراخلاقی پیج فیس فیس بک واٹس ایپ.
ذریعہ
ذریعہ: WE News
کلیدی لفظ: اٹلی غیراخلاقی پیج فیس فیس بک واٹس ایپ خواتین کی فیس بک کے بعد
پڑھیں:
بزنس فرینڈلی بجٹ لانے کیساتھ ٹیکس پیئر پر مزید بوجھ نہ ڈالا جائے، پاکستان بزنس فورم
احمد جواد، چیف آرگنائزر پاکستان بزنس فورم۔پاکستان بزنس فورم نے حکومت سے بزنس فرینڈلی بجٹ لانے کا مطالبہ کیا ہے۔ فورم کے چیف آرگنائز احمد جواد نے کہا کہ انتخابات کے بعد حکومت کا تیسرا بجٹ ہے، اس بجٹ میں حکومت معاشی سمت واضح کرے۔
احمد جواد نے مزید کہا کہ اس وقت ریجن میں ہماری کاروباری لاگت 34 فیصد سے زیادہ ہے، توقع ہے آنے والا بجٹ گروتھ کی طرف ہوگا، موجودہ ٹیکسز میں کمی ہوگی۔
انہوں نے کہا کہ اس وقت بزنس کمیونٹی مایوسی کا شکار ہے، کاروبار بند ہو رہے ہیں۔
احمد جواد نے کہا کہ کاروبار بند ہونے سے بزنس کمیونٹی کو بچا لیا جائے۔ پاکستان بزنس فورم کے چیف آرگنائزر کا کہنا تھا کہ ٹیکس پیئر پر مزید بوجھ نہ ڈالا جائے، تاجروں کو ٹیکس نیٹ میں لایا جائے۔
انہوں نے کہا کہ بجلی اور گیس بلوں کے یونٹ کو مسابقتی ریٹ پر لایا جائے تاکہ بلز برداشت ہوسکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ