محمود اچکزئی اور پی ٹی آئی میں دراڑ ، بڑی خبر آگئی
اشاعت کی تاریخ: 4th, September 2025 GMT
ا پشتونخوا ملی عوامی پارٹی کے سربراہ محمود خان اچکزئی اور پاکستان تحریک انصاف (پی ٹی آئی) کے درمیان تعلقات میں دراڑ پڑنے کی اطلاعات سامنے آئی ہیں۔ ذرائع کے مطابق محمود اچکزئی، اپوزیشن لیڈر کے معاملے پر پارٹی قیادت سے ناراض ہو کر بلوچستان روانہ ہو گئے ہیں۔
اندرونی ذرائع کا کہنا ہے کہ اختلافات کی بنیاد قومی اسمبلی میں اپوزیشن لیڈر کے منصب پر پیدا ہونے والی کشمکش ہے۔ بتایا جا رہا ہے کہ محمود اچکزئی کو یہ بات ناگوار گزری کہ عدالت سے حکمِ امتناع (اسٹے آرڈر) ملنے کے باوجود عمر ایوب کو اپوزیشن لیڈر برقرار رکھا گیا۔
نجی ٹی وی کی رپورٹ کے مطابق، پی ٹی آئی رہنماؤں نے اچکزئی سے کہا تھا کہ وہ میڈیا کے سامنے آ کر بانی چیئرمین عمران خان کا شکریہ ادا کریں اور یہ مؤقف اپنائیں کہ وہ عدالت کے فیصلے تک اپوزیشن لیڈر کا منصب قبول نہیں کریں گے۔ تاہم محمود اچکزئی نے یہ تجویز سختی سے مسترد کر دی اور ناراضی کا اظہار کرتے ہوئے کہا کہ لوگ چاہتے ہی نہیں کہ میں اپوزیشن لیڈر بنوں۔ اس کے بعد وہ کوئٹہ روانہ ہو گئے۔ جب ان سے اس خبر پر موقف جاننے کی کوشش کی گئی تو انہوں نے تبصرہ کرنے سے انکار کر دیا۔
پی ٹی آئی کی وضاحت
دوسری جانب تحریک تحفظ آئین پاکستان کے ترجمان نے ان خبروں کی تردید کرتے ہوئے کہا ہے کہ محمود اچکزئی کسی ناراضی کی وجہ سے نہیں بلکہ معمول کی سیاسی سرگرمیوں کے سلسلے میں کوئٹہ گئے ہیں، اور اس معاملے پر میڈیا میں آنے والی خبریں بے بنیاد ہیں۔
پارٹی کے اندر بھی اختلافات
یہ بھی بتایا جا رہا ہے کہ عمران خان کی جانب سے محمود خان اچکزئی کو اپوزیشن لیڈر نامزد کرنے پر پی ٹی آئی کے اندر ہی اختلافات پیدا ہو گئے ہیں۔ بعض رہنماؤں نے اس فیصلے پر اعتراض کرتے ہوئے کہا ہے کہ پارٹی میں ایسے کئی سینئر اور باصلاحیت افراد موجود ہیں جو یہ ذمہ داری نبھا سکتے ہیں۔
دوسری جانب کچھ رہنما بانی چیئرمین کے فیصلے کو حتمی اور قابلِ احترام قرار دیتے ہیں اور ان کے مؤقف کی حمایت کر رہے ہیں۔
اسی طرح کے اختلافات کے باعث پی ٹی آئی کی جانب سے اعظم سواتی کی بطور اپوزیشن لیڈر سینیٹ نامزدگی بھی تاحال مؤخر کر دی گئی ۔
ذریعہ: Daily Mumtaz
کلیدی لفظ: محمود اچکزئی اپوزیشن لیڈر پی ٹی ا ئی
پڑھیں:
صدر زرداری کی چینی کمیونسٹ پارٹی کے سیکریٹری سے ملاقات
تصویر سوشل میڈیا۔
صدر مملکت آصف علی زرداری کی شنگھائی میں کمیونسٹ پارٹی آف چائنا کے سیکریٹری چن جینِنگ سے ملاقات ہوئی، خاتونِ اول آصفہ بھٹو زرداری، بلاول بھٹو زرداری، سینیٹر سلیم مانڈوی والا اور سندھ کے وزراء شرجیل میمن اور ناصرحسین شاہ بھی ملاقات میں موجود تھے۔
پاکستان کے چین میں سفیر خلیل ہاشمی اور چین کے پاکستان میں سفیر جیانگ ژی ڈونگ بھی اس موقع پر موجود تھے۔ چینی قیادت اور شنگھائی الیکٹرک کے صدر سمیت اعلیٰ حکام بھی ملاقات میں شریک تھے۔
سیکرٹری سی پی سی نے صدر سے گفتگو میں کہا کہ ہر چینی پاکستان کو آئرن برادر اور ہر موسم کا ساتھی سمجھتا ہے، فروری میں صدر زرداری کی صدر شی جن پنگ سے ملاقات نتیجہ خیز رہی۔
انہوں نے مزید کہا کہ دونوں ممالک آئندہ سال تعلقات کے 75 سال مکمل ہونے کا جشن منانے کے منتظر ہیں۔
صدر آصف زرداری نے کہا مخالف اور دشمن عناصر پاک چین دوستی کو نقصان نہیں پہنچا سکتے، پاک چین دوستی نسل درنسل آگے بڑھے گی اور مزید مستحکم ہوگی۔ انھوں نے کہا پاک چین تعلقات وقت کے ساتھ مزید مضبوط ہوں گے۔
ملاقات میں ٹیکنالوجی، آئی ٹی، مصنوعی ذہانت اور جدت پر بھی بات چیت ہوئی، ملاقات کے بعد صدر زرداری اور وفد کے اعزاز میں عشائیہ بھی دیا گیا۔
کرینہ کپور کے دلچسپ جواب پر مداحوں میں چہ میگوئیاں