نیلی بتی، لگژری گاڑیاں اور پولیس ناکے پر کھلنے والا بڑا جھوٹ!
اشاعت کی تاریخ: 5th, September 2025 GMT
نیلی بتی والی چمچماتی رینج روور ڈیفنڈر لکھنؤ شہر کی سڑک پر فراٹے بھرتی گزری تو لوگ چونک گئے، قافلے میں مرسڈیز، فورچونر اور انووا جیسی گاڑیاں قطار اندر قطار رواں دواں تھیں۔
دیکھنے والوں کو یہی لگا کہ کوئی بڑا افسر یا وزیر گزر رہا ہے لیکن چند لمحوں بعد ہی پولیس چیکنگ پر رکی یہ شان و شوکت محض ایک ڈھونگ ثابت ہوئی۔
قافلے کا ’سربراہ‘ نہ تو آئی اے ایس افسر نکلا، نہ ہی کوئی سرکاری نمائندہ بلکہ ایک عام شخص جو برسوں سے اعلیٰ حکام کو اپنی اداکاری سے بے وقوف بنارہا تھا۔
یہ بھی پڑھیں: مختلف اداروں کے بعد اب پیش خدمت ہے جعلی پولیس تھانہ، کہاں سے آتے ہیں یہ لوگ؟
گرفتار ملزم کی شناخت سوربھ تریپاٹھی کے نام سے ہوئی ہے، جو بی ٹیک کی ڈگری رکھنے کے باوجود برسوں سے خود کو آئی اے ایس افسر ظاہر کر کے سرکاری افسران اورعام لوگوں کو دھوکا دے رہا تھا۔
پولیس نے ملزم کے قبضے سے رینج روور ڈیفنڈر، مرسڈیز بینز، ٹویوٹا فورچونر اور 3 انووا سمیت کئی لگژری گاڑیاں برآمد ہوئی ہیں، تمام گاڑیاں نیلی بتی سے آراستہ تھیں اور ان کے کاغذات جعلی پائے گئے۔
پولیس کے مطابق، ملزم کو اس وقت گرفتار کیا گیا جب وہ اپنے قافلے کے ساتھ لکھنؤ میں ایک چیکنگ کے دوران رکا۔ اس موقع پر اس نے پولیس اہلکاروں کو دھمکانے کی کوشش کی اور دعویٰ کیا کہ وہ ایک سینیئر آئی اے ایس افسر ہے۔
مزید پڑھیں: بھارت میں خود ساختہ ریاست کا جعلی سفارتخانہ بے نقاب، ملزم گرفتار
اس نے یہاں تک کہا کہ وہ معاملہ وزیر اعلیٰ تک لے جائے گا، تاہم اہلکاروں کے شک کی بنا پر اسے تھانے لے جایا گیا، جہاں اس کا جھوٹ کھل گیا۔
ملزم کے قبضے سے گاڑیوں کے جعلی کاغذات، ریاستی سیکریٹریٹ کے جعلی پاسز، نیلی بتیاں، لیپ ٹاپ اور موبائل فون بھی برآمد ہوئے ہیں، پولیس نے اس کے بینک اکاؤنٹس اور لین دین کی تفصیلات کی جانچ شروع کر دی ہے۔
پولیس حکام کا کہنا ہے کہ سوربھ تریپاٹھی کئی سالوں سے مختلف سرکاری تقریبات اور میٹنگز میں بطور آئی اے ایس افسر شریک ہوتا رہا، اس دوران وہ محکموں کے اعلیٰ افسران پر اثرانداز ہوتا اور بسا اوقات دباؤ بھی ڈالتا تھا۔
مزید پڑھیں: ’پاکستان زندہ باد‘ کا نعرہ بلند کرنیوالے بھارتی شہری کی انوکھی شرط پر ضمانت منظور
تحقیقات میں انکشاف ہوا ہے کہ سوربھ نے بی ٹیک کرنے کے بعد ایک این جی او قائم کی تھی، جس کے ذریعے اسے کئی سینیئر افسران اور رہنماؤں سے ملنے کا موقع ملا۔
ان ملاقاتوں میں اس نے افسران کے انداز و اطوار کو بغور دیکھا اور رفتہ رفتہ انہی کی نقل کرتے ہوئے جعلی شناخت اختیار کر لی، بعد ازاں وہ اسی بھیس میں لوگوں کو متاثر کرنے اور فائدہ اٹھانے لگا۔
سوربھ نے سوربھ انڈراسکور آئی اے اے ایس کے نام سے سوشل میڈیا پلیٹ فارم ایکس پرایک پروفائل بھی بنایا ہوا تھا، جہاں وہ خود کو آئی اے ایس افسر ظاہر کرتا رہا اور اپنی ’سرکاری حیثیت‘ کا ڈھنڈورا پیٹتا رہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی اے ایس بھارت بی ٹیک بینک اکاؤنٹس ٹویوٹا جعلی افسر رینج روور سیکریٹریٹ لکھنؤ لیپ ٹاپ لین دین مرسڈیز موبائل فون نیلی بتی.
ذریعہ
ذریعہ: WE News
کلیدی لفظ: ا ئی اے ایس بھارت بی ٹیک بینک اکاؤنٹس ٹویوٹا جعلی افسر رینج روور سیکریٹریٹ لکھنؤ لیپ ٹاپ لین دین مرسڈیز موبائل فون نیلی بتی آئی اے ایس افسر نیلی بتی
پڑھیں:
جعلی دستاویزات پر بیرون ملک جانے کی کوشش ناکام، 2 خواتین آف لوڈ، ایجنٹس گرفتار
فیڈرل انویسٹی گیشن ایجنسی (ایف آئی اے) ملتان زون نے جعلی دستاویزات پر بیرون ملک جانے کی کوشش ناکام بنادی۔
ایف آئی اے ملتان زون کے مطابق 2 خواتین کو آف لوڈ کرکے 2 ایجنٹوں کو گرفتار کرلیا۔ مسافروں نے جعلی نکاح نامے پر سوازی لینڈ کے وزٹ ویزے حاصل کیے تھے۔
ایف آئی اے کے مطابق گرفتار ایجنٹ نے مسافروں کی غیرقانونی امیگریشن کیلیے رشوت دینے کی کوشش بھی کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ