کراچی، شہر میں اندھی گولیاں لگنے سے 2 افراد زخمی
اشاعت کی تاریخ: 7th, September 2025 GMT
کراچی:
شہر قائد کے مختلف علاقوں میں اندھی گولیوں کے حملے میں دو افراد زخمی ہوگئے۔
پہلا واقعہ اورنگی ٹاؤن کے رئیس امروہی گوٹھ میں پیش آیا، جہاں اندھی گولی لگنے سے ایک شخص زخمی ہوگیا۔
زخمی کی شناخت جہانگیر کے نام سے کی گئی ہے، اور ریسکیو حکام کے مطابق اس کی حالت خطرے سے باہر ہے۔
دوسرا واقعہ کراچی کے باغ کورنگی میں پیش آیا،جہاں نامعلوم سمت سے گولی لگنے سے 42 سالہ دلبر ولد محمد آصف زخمی ہوگیا۔
زخمی کو فوری طور پر ایدھی حکام نے اسپتال منتقل کر دیا اور اس کی حالت بھی خطرے سے باہر بتائی جا رہی ہے۔
.
ذریعہ
ذریعہ: Express News
پڑھیں:
کراچی میں فائرنگ سے باپ اور نوجوان بیٹا جاں بحق
شہر قائد کے علاقے سرجانی ٹاؤن روزی گوٹْھ میں فائرنگ کے افسوسناک واقعے میں باپ اور بیٹا جاں بحق جبکہ دوسرا بیٹا زخمی ہوگیا۔
تفصیلات کے مطابق سرجانی روزی گوٹھ میں فائرنگ کا افسوسناک واقعہ پیش آیا جس میں والد اور دو بیٹے زخمی ہوئے۔
مقتولین کی لاشوں اور زخمی کو چھیپا کے رضا کاروں نے عباسی شہید اسپتال منتقل کیا۔
اس حوالے سے ترجمان ڈسٹرکٹ ویسٹ پولیس کا کہنا ہے کہ سرجانی روزی گوٹھ میں فائرنگ سے جاں بحق افراد کی شناخت 62 سالہ کامل حسین اور اس کے بیٹے کو 26 سالہ دوہان کے نام شناخت کیا گیا جبکہ زخمی ہونے والے دوسرے بیٹے 30 سالہ عادل کو طبی امداد فراہم کی جا رہی ہے۔
ترجمان کے مطابق ابتدائی معلومات میں پتہ چلا ہے کہ فائرنگ کا واقعہ رشتے داروں کے درمیان تنازع پر جھگڑے کے دوران پیش آیا جس کی اطلاع ملتے ہی سرجانی ٹاؤن پولیس نے موقع پر پہنچ کر شواہد حاصل کیے اور واقعے کی مزید چھان بین شروع کر دی ہے۔
ترجمان کے مطابق فائرنگ کرنے والے ملزم کی بھی شناخت کرلی گئی ہے جس کی گرفتاری کے لیے لیے پولیس چھاپہ مار رہی ہے جسے جلد گرفتار کرلیا جائیگا۔
ایس ایچ او سرجانی ٹاؤن سہیل خاصخیلی نے بتایا کہ فائرنگ کا واقعہ لڑکی کے رشتے پر ہونے والے تنازعے کی وجہ سے پیش آئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ