بھارتی خواتین امریکی سپر اسٹور سے سامان چراتے ہوئے پکڑی گئیں، ویڈیوز وائرل
اشاعت کی تاریخ: 8th, September 2025 GMT
امریکا میں ایک بھارتی خاتون کے شاپ لفٹنگ (چوری) کے واقعے کی ویڈیو وائرل ہوگئی ہے جس میں انہیں ’ٹارگٹ‘ اسٹور سے سامان چرا کر لے جاتے ہوئے پکڑا گیا۔
ویڈیو میں دیکھا جا سکتا ہے کہ خاتون پولیس کی موجودگی میں زور زور سے روتی، ہانپتی اور سانس لینے میں دشواری کا شکار ہیں جبکہ اہلکار انہیں پرسکون ہونے کا مشورہ دیتے ہیں۔ ایک پولیس افسر نے کہا ’ گہری سانس لیجیے، آپ کو ہائپر وینٹیلیٹ نہیں کرنا چاہیے، مجھے آپ سے بات کرنی ہے اور اس حالت میں ایسا ممکن نہیں۔‘
اہلکاروں نے خاتون سے انگریزی زبان بولنے کے بارے میں پوچھا تو انہوں نے جواب دیا ’زیادہ اچھی نہیں۔‘
Another Indian woman has been caught red-handed stealing in the U.
This is the 3rd video to come out in three months.
U.S. is NOT India. If you’re caught, there are NO excuses no matter how much you cry.
Worrying trend that puts Indians in a bad light ⚠️
VC: YT / Police… pic.twitter.com/jiK6AcTLPq
— M9 USA???????? (@M9USA_) September 7, 2025
مزید سوال پر بتایا کہ ان کی مادری زبان گجراتی ہے اور وہ بھارت سے تعلق رکھتی ہیں۔ تاہم، انہوں نے مترجم لینے سے انکار کر دیا۔
پولیس نے ان سے طبی حالت کے بارے میں بھی دریافت کیا کیونکہ وہ مسلسل ہانپ رہی تھیں۔ اس دوران اسٹور کے عملے نے سی سی ٹی وی فوٹیج دکھائی جس میں خاتون کو ایک بھرے ہوئے ٹرالی کے ساتھ کاؤنٹر سے گزر کر باہر نکلتے ہوئے دیکھا جا سکتا ہے۔
یہ بھی پڑھیے بھارت کی پدم شری ایوارڈ یافتہ سابق تیراک بولا چودھری کے تمغے اور اعزازات چوری
اسٹور اسٹاف نے پولیس کو بتایا کہ خاتون باقاعدگی سے یہاں خریداری کرنے آتی تھیں لیکن یہ پہلا موقع ہے جب وہ چوری کرتے ہوئے پکڑی گئیں۔ خاتون نے اعتراف کیا کہ انہوں نے کچھ اشیاء دوبارہ فروخت کرنے کے ارادے سے لی تھیں۔ جس پر پولیس نے انہیں آگاہ کیا کہ انہیں عدالت میں پیش ہونا پڑے گا۔
ایک اور واقعہواضح رہے کہ جولائی میں بھی ایک اور بھارتی خاتون پر امریکی ریاست الی نوائے کے ٹارگٹ اسٹور سے تقریباً 1.1 لاکھ روپے مالیت کا سامان چرانے کا الزام لگا تھا۔
رپورٹ کے مطابق وہ 7 گھنٹے سے زیادہ وقت اسٹور کے اندر رہیں اور پھر بغیر ادائیگی سامان کے ساتھ نکلنے کی کوشش کی۔
یہ بھی پڑھیے میلبورن میں 10 ملین ڈالر کی چوری، بھارتی شہریوں سمیت 19 افراد گرفتار
باڈی کیم فوٹیج میں خاتون کو پولیس سے معافی مانگتے اور ادائیگی کی پیشکش کرتے دیکھا گیا۔ انہوں نے کہا کہ مجھے واقعی افسوس ہے، میں اس ملک کی رہائشی نہیں ہوں اور یہاں زیادہ دن رہنے والی بھی نہیں۔
Indian Aunty stole 1300 dollar worth of products from Target Store. She is not Dalit, OBC, Adivasi or Muslim.
pic.twitter.com/p3LIg5BrER
— Prashant Kanojia (@KanojiaPJ) July 16, 2025
پولیس اہلکار نے خاتون سے پوچھا کہ کیا آپ کو بھارت میں چیزیں چوری کرنے کی اجازت ہے؟
بعد ازاں بل کا جائزہ لینے کے بعد خاتون کو ہتھکڑیاں لگا کر اسٹیشن منتقل کر دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا بھارتی خواتین ٹارگٹ سپر اسٹور شاپ لفٹنگ
ذریعہ
ذریعہ: WE News
کلیدی لفظ: امریکا بھارتی خواتین شاپ لفٹنگ انہوں نے
پڑھیں:
طالبان نے خواتین و بچوں کی فلاحی تنظیم کا دفتر سیل کر دیا، 6 اہلکار لاپتا
افغانستان کے دارالحکومت کابل میں طالبان حکام نے خواتین اور بچوں کے حقوق کے لیے کام کرنے والی ویمن اینڈ چلڈرن لیگل ریسرچ فاؤنڈیشن کے دفتر پر چھاپہ مار کر تنظیم کے 6 ملازمین کو حراست میں لے لیا۔
میڈیا رپورٹس کے مطابق، کارروائی کے دوران طالبان اہلکاروں نے تنظیم کے کمپیوٹرز، دستاویزات اور دیگر دفتری سامان بھی قبضے میں لے لیا۔
یہ بھی پڑھیں: افغانستان: طالبان حکومت کا ایک اور متنازع فیصلہ، خواتین کو صحت کی تعلیم سے روکنے کا حکم
تاہم اب تک یہ معلوم نہیں ہو سکا کہ گرفتار کیے گئے ملازمین کو کہاں منتقل کیا گیا ہے اور ان کی موجودہ حالت کیا ہے۔
ذرائع کے مطابق گرفتار ہونے والوں میں 2 افراد تنظیم کی سربراہ زرقا یفتلی کے قریبی رشتہ دار ہیں، جو اس وقت افغانستان سے باہر مقیم ہیں۔
Sources in Kabul told Afghanistan International on Wednesday that Taliban agents raided the office of the Women and Children Legal Research Foundation (WCLRF) earlier this week and detained six staff members.https://t.co/ly2WtJb202 pic.twitter.com/fQ8qbUdHiN
— Afghanistan International English (@AFIntl_En) July 23, 2026
زرقا یفتلی خواتین کے حقوق کی معروف کارکن ہیں اور گزشتہ سال انہیں متحدہ عرب امارات کی جانب سے 2026 زاید ایوارڈ فار ہیومن فریٹرنٹی سے نوازا گیا تھا۔
ذرائع کے مطابق زیرِ حراست افراد کے اہلِ خانہ نے شدید تشویش کا اظہار کرتے ہوئے طالبان حکام سے مطالبہ کیا ہے کہ ان کے عزیزوں کی حراست کی جگہ، قانونی حیثیت اور صحت کے بارے میں فوری طور پر آگاہ کیا جائے۔
مزید پڑھیں: کرکٹ اسٹارز سے ملاقاتوں اور لباس کے معاملے پر طالبان رہنماؤں میں اختلافات بڑھ گئے
ویمن اینڈ چلڈرن لیگل ریسرچ فاؤنڈیشن تعلیم، خواتین اور بچوں کے حقوق کی وکالت، تحقیقی سرگرمیوں اور تحقیقاتی رپورٹس کی تیاری کے شعبوں میں کام کرتی رہی ہے۔
طالبان کے دوبارہ اقتدار میں آنے کے بعد افغانستان میں سول سوسائٹی کی متعدد تنظیموں، خصوصاً خواتین کے حقوق کے لیے کام کرنے والے اداروں، پر سخت پابندیاں عائد کی گئی ہیں۔
اس عرصے کے دوران کئی سماجی کارکنوں کو حراست میں لیا گیا، جبکہ متعدد تنظیمیں اپنی سرگرمیاں محدود کرنے یا مکمل طور پر بند کرنے پر مجبور ہو چکی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان سول سوسائٹی طالبان فلاحی تنظیم کابل کمپیوٹرز متحدہ عرب امارات ویمن اینڈ چلڈرن لیگل ریسرچ فاؤنڈیشن
ٹی20 ورلڈ کپ 2026: پاکستان نے سپر 8 کے لیے جگہ پکی کر لی