کراچی میں موسلادھار بارش، مختلف علاقوں میں 129 ملی میٹر تک بارش ریکارڈ
اشاعت کی تاریخ: 10th, September 2025 GMT
شہر قائد گزشتہ روز سے موسلادھار بارش کی لپیٹ میں ہے، محکمہ موسمیات کے مطابق کل صبح 11 بجے سے آج صبح 8 بجے تک سب سے زیادہ بارش کراچی کے علاقے سرجانی ٹاؤن میں 129.6 ملی میٹر ریکارڈ کی گئی۔
اعداد و شمار کے مطابق نارتھ کراچی میں 72.2 ملی میٹر، کورنگی میں 70.5 ملی میٹر، ڈیفنس فیز 7 میں 70 ملی میٹر اور گلشن حدید میں 69 ملی میٹر بارش ہوئی۔
اسی طرح پی اے ایف فیصل بیس پر 55 ملی میٹر، ناظم آباد میں 54 ملی میٹر، کیماڑی میں 52 ملی میٹر اور سعدی ٹاؤن میں 51.
Metro Star Gate – Karachi #KarachiRain #KarachiRains #KarachiWeather #Urbanfloods pic.twitter.com/HmoK1BzPqc
— Abdul Aziz – Noman (@nomanaziz83) September 9, 2025
گلشن معمار میں 47.9 ملی میٹر، اورنگی ٹاؤن میں 47.2 ملی میٹر، ایئرپورٹ پر 46.7 ملی میٹر جبکہ موٹروے ایم9 پر 45 ملی میٹر بارش ہوئی۔
اسی طرح یونیورسٹی روڈ پر 44.4 ملی میٹر اور پی اے ایف مسرور بیس پر 41 ملی میٹر بارش ریکارڈ کی گئی۔
یہ بھی پڑھیں:کراچی میں موسلا دھار بارش، نکاسیٔ آب کا نظام درہم برہم، 3 شہری جاں بحق
شہر میں سب سے کم بارش جناح ٹرمینل پر 29.8 ملی میٹر ریکارڈ ہوئی۔
محکمہ موسمیات کے مطابق بارش کا سلسلہ وقفے وقفے سے جاری رہنے کا امکان ہے، جس کے باعث نشیبی علاقوں میں پانی جمع ہونے اور ٹریفک کی روانی متاثر ہونے کے خدشات ہیں۔
واضح رہے کہ کراچی میں رواں مون سون سیزن کے دوران بارشوں کا سلسلہ وقفے وقفے سے جاری ہے۔
مزید پڑھیں:آج ملک کے کن علاقوں میں بارشیں متوقع ہیں؟ محکمہ موسمیات نے بتا دیا
حالیہ بارشوں کے باعث بھی شہر کے بیشتر علاقے ٹریفک جام، بجلی کی طویل بندش اور نشیبی علاقوں کے زیر آب آنے جیسے مسائل سے دوچار ہیں۔
شہری حلقوں کا کہنا ہے کہ موسمیاتی تبدیلیوں کے اثرات اور غیر منصوبہ بندی شدہ شہری توسیع نے کراچی کو بارشوں کے دوران خاص طور پر کمزور بنا دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اورنگی ٹاؤن ایم9 بجلی پی اے ایف مسرور جناح ٹرمینل زیر آب شہر قائد طویل بندش کراچی گلشن معمار محکمہ موسمیات موٹروے مون سون
ذریعہ
ذریعہ: WE News
کلیدی لفظ: اورنگی ٹاؤن ایم9 بجلی پی اے ایف مسرور طویل بندش کراچی گلشن معمار محکمہ موسمیات موٹروے محکمہ موسمیات ملی میٹر بارش کراچی میں
پڑھیں:
لاہور میں موسلا دھار بارش، سڑکیں زیر آب، معمولات زندگی متاثر
لاہور میں مون سون کی شدید بارشوں نے معمولات زندگی متاثر کر دیے، کئی علاقوں میں سڑکیں، چوراہے اور انڈر پاسز پانی میں ڈوب گئے جبکہ ٹریفک کی روانی شدید متاثر ہوئی۔ محکمہ موسمیات کے مطابق گزشتہ 48 گھنٹوں کے دوران شہر میں 343 ملی میٹر بارش ریکارڈ کی گئی، جس کے باعث متعدد نشیبی علاقوں میں پانی جمع ہوگیا۔
لاہور کے مختلف علاقوں میں بارش کا پانی جمع ہونے سے شہریوں کو آمدورفت میں مشکلات کا سامنا کرنا پڑا۔ بعض سڑکوں اور گلیوں میں 3 سے 4 فٹ تک پانی کھڑا رہا، جبکہ کئی مقامات پر گاڑیوں کی لمبی قطاریں لگ گئیں۔
یہ بھی پڑھیں: لاہور میں بارش کے بعد کئی علاقے زیر آب، ’اب آفس جانےکے لیے کشتی کی ضرورت ہوگی‘
ڈیفنس کے فیز ون سے فیز فائیو تک مختلف مقامات پر پانی جمع ہونے سے ٹریفک متاثر ہوئی، جبکہ غازی انڈر پاس اور مسجد چوک انڈر پاس کو پانی بھرنے کے باعث بند کرنا پڑا اور ٹریفک کو متبادل راستوں پر منتقل کیا گیا۔
حربنس پورہ، مال روڈ، کوپر روڈ، لکشمی چوک اور چوبرجی چوک سمیت متعدد علاقوں میں بھی پانی جمع ہونے کی اطلاعات ملیں، جہاں واسا کی ٹیمیں نکاسی آب میں مصروف رہیں۔
شدید بارش کے باعث شہر کی کئی سڑکوں پر گڑھے بھی پڑ گئے۔ کینال روڈ، جوہر ٹاؤن مین بلیوارڈ اور بھیکے والا موڑ سمیت مختلف مقامات پر سڑکیں متاثر ہوئیں، جس کے بعد ٹریفک پولیس نے متاثرہ علاقوں کو بند کرکے متبادل راستے فراہم کیے۔
یہ بھی پڑھیں: مون سون سیزن: لاہور سے ایک گھنٹے میں بارش کا پانی نکالنا ہدف ہے، ڈی ایم ڈی واسا
صوبائی ڈیزاسٹر مینجمنٹ اتھارٹی کے مطابق پنجاب میں حالیہ مون سون بارشوں کے دوران مختلف حادثات میں اب تک 21 افراد جاں بحق اور 154 زخمی ہو چکے ہیں۔ جاں بحق ہونے والوں میں 15 افراد مکانات گرنے، 2 آسمانی بجلی گرنے، 3 کرنٹ لگنے جبکہ ایک شخص ڈوبنے سے جاں بحق ہوا۔
واسا لاہور کے مطابق شہر میں ہنگامی بنیادوں پر نکاسی آب کا عمل جاری ہے، تمام ڈسپوزل اسٹیشن مکمل استعداد کے ساتھ کام کر رہے ہیں جبکہ متاثرہ مقامات پر اضافی مشینری اور عملہ تعینات کیا گیا ہے۔
ضلعی انتظامیہ اور واسا نے شہریوں کو غیر ضروری سفر سے گریز کرنے، نشیبی علاقوں اور بجلی کے کھمبوں سے دور رہنے کی ہدایت کی ہے۔ شہریوں نے تاہم ہر سال بارشوں کے دوران پانی جمع ہونے کے مسئلے پر تشویش کا اظہار کرتے ہوئے نکاسی آب کے نظام کو بہتر بنانے کا مطالبہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بارش پانی زیر آب لاہور
بھارت سے جنگ اور افغانستان میں کارروائی خارج ازامکان نہیں، وزیردفاع