سبی میں گرینڈ جرگہ، امن و ترقی کے لیے مشترکہ لائحہ عمل پر اتفاق
اشاعت کی تاریخ: 11th, September 2025 GMT
سبی میں منعقدہ ایک اہم گرینڈ جرگے میں گورنر بلوچستان شیخ جعفر خان مندوخیل، وزیر اعلیٰ بلوچستان میر سرفراز بگٹی، کور کمانڈر 12 کور لیفٹیننٹ جنرل راحت نسیم احمد خان، آئی جی ایف سی بلوچستان (نارتھ)، آئی جی پولیس بلوچستان، رکن قومی اسمبلی میاں خان بگٹی، صوبائی وزراء، چیف سیکرٹری اور سبی ڈویژن کے قبائلی عمائدین نے شرکت کی۔
جرگے کا مقصد بلوچستان کو درپیش چیلنجز کے حل، امن و استحکام کے قیام، ترقیاتی منصوبوں کی پیشرفت اور عوامی فلاح و بہبود کے لیے مؤثر اور مشترکہ حکمت عملی تشکیل دینا تھا۔
اس موقع پر قبائلی عمائدین نے مقامی مسائل اور تجاویز پیش کیں جنہیں حکومت اور سیکیورٹی اداروں نے ترجیحی بنیادوں پر حل کرنے کی یقین دہانی کرائی۔
مزید پڑھیں: بلوچستان: لسبیلہ میں المناک ٹریفک حادثہ، 9 افراد جاں بحق
گورنر بلوچستان نے کہا کہ صوبے کی ترقی اور خوشحالی تمام اسٹیک ہولڈرز کے باہمی تعاون سے ہی ممکن ہے۔
وزیر اعلیٰ میر سرفراز بگٹی نے قبائلی روایات اور جرگہ سسٹم کو امن قائم رکھنے کا مؤثر ذریعہ قرار دیا اور کہا کہ حکومت عوام کے تعاون سے ترقی کے سفر کو آگے بڑھائے گی۔
کور کمانڈر 12 کور لیفٹیننٹ جنرل راحت نسیم احمد خان نے کہا کہ سیکیورٹی فورسز امن و استحکام کے ساتھ نوجوانوں کے لیے مثبت مواقع فراہم کرنے میں بھی اپنا کردار ادا کرتی رہیں گی۔
مزید پڑھیں: بلوچستان: موسلادھار بارشوں کے دوران 2 شہری جاں بحق، کوئٹہ سبی شاہراہ متاثر
جرگے کے دوران کوئٹہ ڈھاڈر (N-65) روڈ کی توسیع اور بہتری کے منصوبے کا بھی افتتاح کیا گیا، جسے خطے کی معاشی اور سماجی ترقی کے لیے اہم سنگ میل قرار دیا گیا۔
جرگے کے اختتام پر تمام شرکا نے اس بات پر اتفاق کیا کہ بلوچستان کی پائیدار خوشحالی کے لیے حکومت، سیکیورٹی اداروں اور قبائلی عمائدین کا باہمی تعاون ناگزیر ہے۔
قبائلی عمائدین نے عہد کیا کہ وہ تنازعات کے حل، سماجی ہم آہنگی اور بھائی چارے کے فروغ میں اپنا فعال کردار ادا کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سبی کور کمانڈر 12 کور گرینڈ جرگہ، لیفٹیننٹ جنرل راحت نسیم احمد خان، وزیر اعلیٰ بلوچستان میر سرفراز بگٹی.
ذریعہ
ذریعہ: WE News
کلیدی لفظ: کور کمانڈر 12 کور گرینڈ جرگہ لیفٹیننٹ جنرل راحت نسیم احمد خان وزیر اعلی بلوچستان میر سرفراز بگٹی قبائلی عمائدین کے لیے
پڑھیں:
علی الزیدی کا ایران کا اہم دورہ، دوطرفہ تعلقات بڑھانے پر اتفاق
ایرانی صدر سے ملاقات میں عراقی وزیراعظم کا کہنا تھا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ اسلام ٹائمز۔ امریکا کے دورے کے بعد عراقی وزیراعظم علی الزیدی نے ایران کا اہم دورہ کیا، جہاں انہوں نے ایرانی صدر مسعود پزشکیان اور اعلیٰ ایرانی قیادت سے ملاقاتیں کیں۔خبر ایجنسی کے مطابق ایرانی صدر مسعود پزشکیان اور عراقی وزیراعظم کے درمیان ہونے والے مذاکرات میں دوطرفہ تعلقات، اقتصادی تعاون، توانائی، تجارت اور علاقائی سلامتی سمیت مختلف امور پر تفصیلی تبادلہ خیال کیا گیا۔ دونوں ممالک نے اقتصادی تعاون اور مشترکہ سرمایہ کاری کو فروغ دینے پر اتفاق کیا، جبکہ نقل و حمل اور شہری تعاون سے متعلق نئے معاہدے بھی طے پائے۔
عراقی وزیراعظم علی الزیدی نے اس موقع پر کہا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ ایرانی صدر مسعود پزشکیان نے کہا کہ ایران اور عراق کے درمیان تاریخی، مذہبی اور ثقافتی رشتے نہایت مضبوط ہیں، جبکہ خطے کا استحکام دونوں ممالک کی ترقی اور خوشحالی کے لیے ناگزیر ہے۔ خبر ایجنسی کے مطابق دورے کے اختتام پر منعقدہ دستخطی تقریب میں ایرانی اور عراقی وزراء نے مختلف تعاون کے معاہدوں کا تبادلہ بھی کیا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم