فنانشل ٹائمز کی دستاویزی فلم: شیخ حسینہ کے آمرانہ دور اور کرپشن کا انکشاف
اشاعت کی تاریخ: 13th, September 2025 GMT
ڈھاکا/لندن(نیوز ڈیسک) عالمی جریدے فنانشل ٹائمز نے ایک دستاویزی فلم جاری کی ہے جس میں بنگلا دیش کی سابق وزیراعظم اور مودی نواز رہنما شیخ حسینہ کے دورِ حکومت کو آمرانہ، بدعنوان اور کرپٹ قرار دیا گیا ہے۔ فلم میں مقامی اور بین الاقوامی ماہرین کی تحقیقات شامل ہیں جنہوں نے ان کے طرزِ حکمرانی پر سنگین سوالات اٹھائے۔
طلبا تحریک کی کوآرڈی نیٹر رافیہ رحنوما حریدی کے مطابق شیخ حسینہ کا دور کسی بھی طرح جمہوری نہیں تھا۔ جنوبی ایشیا کے بیورو چیف جان ریڈ نے کہا کہ نوکریوں کے کوٹے میں کرپشن اور آمرانہ رویے کے باعث طلبا کی تحریک اپنے عروج پر پہنچی۔ ان کے بقول بنگلا دیش میں کرپشن کی وسعت دنیا میں منفرد تھی، حتیٰ کہ فوجی انٹیلی جنس کے ذریعے بینکوں پر کنٹرول تک قائم کر لیا گیا۔
’’اسٹوڈنٹس اگینسٹ ڈسکرمنیشن‘‘ کے رہنما رضوان احمد رفعت نے الزام لگایا کہ پولیس اور حکمران جماعت کے مسلح غنڈوں نے مظاہرین پر براہِ راست فائرنگ کی، اسنائپرز اور ہیلی کاپٹروں کا استعمال کیا۔ اقوام متحدہ کی رپورٹ کے مطابق احتجاج کے دوران تقریباً 1,400 افراد ہلاک اور ہزاروں زخمی یا لاپتہ ہوئے۔
فنانشل ٹائمز کی رپورٹر سوزانہ سیویج نے انکشاف کیا کہ ایس عالم گروپ نے 10 ارب ڈالر سے زائد سرمایہ بیرون ملک منتقل کیا، جب کہ ’’اسپاٹ لائٹ آن کرپشن‘‘ کی ہیلن ٹیلر کے مطابق بنگلا دیش سے چرایا گیا بڑا سرمایہ برطانیہ میں جائیداد کی خریداری میں لگا۔ رپورٹر رافع الدین نے بتایا کہ شیخ حسینہ اور ان کے خاندان نے بڑے منصوبوں سے رقوم ہتھیائیں اور سرکاری زمین پر قبضے کے لیے اثر و رسوخ استعمال کیا۔
سابق سربراہ الیکٹورل ریفارم کمیشن بدیعُ العٰلم مجمدار کے مطابق کرپشن اور لوٹ مار ان کے دور میں کھلے عام ہوتی رہی۔ لندن یونیورسٹی کے پروفیسر مشتاق خان نے کہا کہ عوامی لیگ اقتدار کے آخری برسوں میں معیشت اور اپنی سیاسی گرفت دونوں کھو بیٹھی۔ موجودہ چیف ایڈوائزر محمد یونس کے مطابق 234 ارب ڈالر بینکاری اور کاروباری شعبے سے نکال کر بیرون ملک منتقل کیے گئے۔
فلم میں یہ بھی اجاگر کیا گیا کہ بھارتی وزیراعظم نریندر مودی نے شیخ حسینہ کو پناہ دے کر ان کی آمریت کی حمایت کی۔ رپورٹ کے مطابق مودی اور حسینہ دونوں نے اپنے ادوار میں کرپشن اور ناقص حکمرانی کے نئے ریکارڈ قائم کیے۔
Post Views: 6.ذریعہ: Daily Mumtaz
کلیدی لفظ: کے مطابق
پڑھیں:
ٹرمپ کا نیو یارک ٹائمز کیخلاف کئی ارب ڈالر کے ہرجانے کا دعویٰ
data-id="863a0a8" data-element_type="widget" data-widget_type="theme-post-content.default">
واشنگٹن:امریکی صدر ڈونلڈ ٹرمپ نے نیو یارک ٹائمز کے خلاف کئی ارب ڈالر کے ہرجانے کا دعویٰ دائر کردیا ہے۔
غیر ملکی میڈیا کی رپورٹ کے مطابق امریکی صدر ڈونلڈ ٹرمپ نے نیو یارک ٹائمز پر جھوٹی رپورٹنگ کا الزام لگا تے ہوئے مذکورہ اخبار کے خلاف 15 ارب ڈالر کے ہر جانے کا دعویٰ دائر کردیا۔ مذکورہ حوالے سے ان کا کہنا تھا کہ نیویارک ٹائمز امریکی تاریخ کا بدترین اخبار ہے۔
امریکی صدر ڈونلڈ ٹرمپ کا مزید کہنا تھا کہ نیو یارک ٹائمز مجھ سمیت میرے خاندان کے بارے میں جھوٹی خبریں شائع کرتا ہے، ہرجانے کا دعویٰ فلوریڈا میں فائل کیا جائے گا۔
جبکہ یہ بھی واضح رہے کہ دوسری جانب مذکورہ اخبارکی جانب سے الزامات پر کوئی جواب نہیں آیا۔
دریاؤں میں پانی کی صورتحال ابھی تک غیر معمولی ہے، شرجیل میمن